முக்கிய செய்திகள்
Idhayam Matrimony

சென்னையில் ஜெயலலிதா பிறந்தநாள்: முதல்வர் - அமைச்சர்கள் பங்கேற்பு

செவ்வாய்க்கிழமை, 24 பெப்ரவரி 2015      அரசியல்
Image Unavailable

சென்னை - மக்களின் முதல்வர் ஜெயலலிதாவின் 67 வது பிறந்தநாள் விழா சென்னையில் நேற்று கொண்டாடப்பட்டது. இந்த விழாவில் முதலமைச்சர் ஒ.பன்னீர் செல்வம் மற்றும் அமைச்சர்கள் பங்கேற்று நலத்திட்ட உதவிகளை வழங்கின்ர்.

மாநகர் போக்குவரத்துக்கழக அண்ணா தொழிற்சங்கம் சார்பில் மக்களின் முதல்வர் ஜெயலலிதாவின் 67 வது பிறந்தநாள் விழா சென்னை பல்லவன் இல்லம் அருகே  கொண்டாடப்பட்டது.அண்ணாதொழிற்சங்க பேரவை செயலாளரும் சட்டமன்ற உறுப்பினருமான சின்னசாமி விழாவிற்கு தலைமை தாங்கினார். போக்குவரத்துத்துறை அமைச்சர் செந்தில் பாலாஜி முன்னிலை வகித்தார். இந்த விழாவில் தமிழக முதலமைச்சர் ஒ.பன்னீர் செல்வம் கலந்து கொண்டு பேசினார்.

அப்போது அவர் பேசியதாவது:

மக்களின் முதல்வர் ஜெயலலிதாவின் பிறந்தநாளை உலகவமே வியக்கும் வண்ணம் கொண்டாடிக்கொண்டிருக்கிறோம். எளிமையாக வகையில் அனைவருக்கும் நலத்திட்டங்கள் வழங்கிக்கொண்டிருக்கிறோம். எதிர்காலத்தில் இந்தியாவே வியக்கும் வகையில் 2016 ஆம் ஆண்டில் நடைபெறும் சட்டமன்றத்தேர்தல் அதிமுக வெற்றிக்கொடி நாட்டும். திருவரங்க வெற்றி தமிழகம் முழுவதும் எதிரொலிக்கும். மீண்டும் அம்மா தான் முதல்வர் ஆவார்.அந்த வெற்றிப்பரிசை வரும் சட்டமன்றத்தேர்தலில் மக்கள் அம்மாவுக்கு தருவார்கள்இவ்வாறு அவர் பேசினார்.

முன்னதாக பேசிய அமைச்சர் செந்தில்பாலாஜி, கருணாநிதி பிறந்தநாளில் மிகப்பெரிய உண்டியல் வைத்து வசூல் வேட்டை நடத்துவார் . ஆனால் ஏழைகளை கண்டு இரக்கம் காட்டும் ஜெயலலிதா , அவரது வழியில் அதிமுக தொண்டர்கள் அம்மா பிறந்தநாளில் வாரி வழங்கி கொண்டாடிக்கொண்டிருக்கிறார்கள் என்றார்.

சமூக நலத்துறை அமைச்சர் வளர்மதி பேசுகையில், அம்மா பிறந்தநாளையொட்டி பெண்களுக்காக ஏராளமான நலத்திட்ட உதவிகள் வழங்கப்பட்டிருப்பது மகிழ்ச்சியளிக்கிறது. அம்மா ஆட்சியில் பெண்களுக்கான திட்டங்கள் ஏராளமாக நிறைவேற்றப்பட்டிருக்கின்றன. அம்மா வழியில் இப்போது நலத்திட்டங்கள் நிறைவேற்றப்பட்டிருக்கின்றன. அந்த அம்மாவே மீண்டும் முதல்வராக வேண்டும் என்று ஏங்கித்தவிக்கிறார்கள் . அம்மா அரியணையில் ஏறுவது நிச்சயம் இவ்வாறு அவர் பேசினார்.

இந்த விழாவில் அதிமுக அவைத்தலைவர் இ.மதுசூதனன், அமைச்சர்கள் நத்தம் விஸ்வநாதன், வைத்திலிங்கம் , எடப்பாடி பழனிச்சாமி, பழனியப்பன், செல்லூர் ராஜூ , டி.கே.எம்.சின்னையா , கோகுல இந்திரா,  அண்ணாதொழிற்சங்க பேரவை தலைவர் தாடி.மா.ராசு. மாவட்ட செயலாளர்கள்  பாலகங்கா,வி.பி. கலைராஜன், டி.ஜி.வெங்கடேஷ்பாபு எம்,பி. விருகை வி.என்.ரவி, எம்.பிக்கள் ஜெயவர்தன், எஸ்..ஆர்.விஜயகுமார், அண்ணா தொழிற்சங்க பேரவை நிர்வாகிகள் அப்துல் அமீது, கோவிந்தராஜி, சிங்காரவேலு, இராசையன், சிவஞானம், சங்கரலிங்கம், பாண்டுரங்கன், பழனி, எஸ்.கே,மகேந்திரன், நெல்லை பரமசிவன், விரைவு போக்குவரத்து கழக செயலாளர் ராஜேந்திரன், தலைவர் அப்பாதுரை, துரைசாமி மற்றும் சங்க நிர்வாகிகள் பங்கேற்றனர். இந்த விழாவிற்கு வந்திருந்தவர்களை மாநகர் போக்குவரத்துக்கழக அண்ணா தொழி்ற்சங்க செயலாளர் அஸ்லாம் வரவேற்றார். முடிவில் பொருளாளர் பழனி நன்றி தெரிவித்தார்.

இதே போன்று சென்னையில் தென்சென்னை வடக்கு மாவட்டம்  மாவட்ட செயலாளர் வி.பி.கலைராஜன் எம்.எல்.எ தலைமையில் தி.நகர் முத்துரங்கன் சாலையில்  நடைபெற்ற நிகழ்ச்சியில் முதலமைச்சர் ஒ.பன்னீர் செல்வம் நலத்திட்ட உதவிகளை வழங்கினார்.இதில் அவைத்தலைவர் மதுசூதனன்,அமைச்சர்கள் நத்தம் விஸ்வநாதன், வைத்தியலிங்கம், எடப்பாடி பழனிச்சாமி,பழனியப்பன்,பா.வளர்மதி,எஸ்.கோகுலஇந்திர, எம்பிக்கள் நவனிதகிருஷ்ணன், எஸ்.ஆர்.விஜயகுமார்,மற்றும் அதிமுக நிர்வாகிகள் கலந்து கொண்டனர்.
 
அதிமுக பொதுச்செயலாளரும் மக்களின் முதல்வருமான ஜெயலலிதாவின் 67-வது பிறந்தநாளை முன்னிட்டு அண்ணாதொழிற்சங்கம் சார்பில் சின்னசாமி எம்.எல்.ஏ. மற்றும் அஸ்லாம் பாஷா உள்ளிட்ட நிர்வாகிகள்  தலைமை அலுவலகத்தில்  பட்டாசு வெடித்தும் இனிப்புகள் வழங்கியும் கொண்டாடினர். .நகர் பேருந்து நிலையம், ராயபுரம், உள்ளிட்ட பல்வேறு இடங்களில் மக்கள் முதல்வர் ஜெயலலிதா பிறந்தநாள் விழாவையொட்டி கோவில்கள் தர்காக்கள் மற்றும் தேவாலயங்களில் சிறப்பு வழிபாடுகள் நடத்தப்பட்டன. நலத்திட்ட உதவிகள் வழங்கப்பட்டன. இந்த நிகழ்ச்சிகளில் முதலமைச்சர் ஒ.பன்னீர்செல்வம் உள்ளிட்ட அமைச்சர்கள் பங்கேற்று சிறப்பித்தனர்.  

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து