முக்கிய செய்திகள்
Idhayam Matrimony

நடிகர் விஜய், நயன்தாரா, சமந்தா வீடு உள்ளிட்ட இடங்களில் வருமான வரி துறையினர் சோதனை

புதன்கிழமை, 30 செப்டம்பர் 2015      சினிமா
Image Unavailable

சென்னை - நடிகர் விஜய் நடித்துள்ள புலி திரைப்படம் இன்று வெளியாகவுள்ள நிலையில் நேற்று விஜயின் வீடு உள்பட பல இடங்களில் வருமான வரிதுறையினர் சோதனை நடத்தினர். மேலும் நடிகைகள் நயன்தாரா, சமந்தா உள்ளிட்ட திரையுலகினர் வீடுகளிலும் வருமான வரித்துறையினர் நடத்திய சோதனை திரையுலகில பெரும் பரபரப்பை ஏற்படுத்தியுள்ளது. நடிகைகள் நயன்தாரா, சமந்தா ஆகியோர் வீடுகளிலும் நேற்று காலை வருமான வரித் துறையினர் அதிரடி சோதனையைத் நடத்தினர். அவர்களது அலுவலகங்களிலும் சோதனை நடந்தது.

நீலாங்கரையில் உள்ள விஜய் வீடு மட்டுமன்றி, புலி படத்தின் தயாரிப்பாளரான பி.டி.செல்வகுமார் மற்றும் ஷிபு தமீன்ஸ் ஆகியோர் வீடுகளிலும் வருமான வரி சோதனை நடைபெற்றது. மதுரையில் சினிமா தயாரிப்புக்கு ஃபைனான்ஸ் அளிக்கும் அன்பு வீட்டிலும் சோதனை நடைபெற்றது. புலி படத்துக்கு அதிகமாக ஃபைனான்ஸ் அளித்தது அன்பு தான் என்கிறது கோலிவுட் வட்டாரம். மேலும், விஜய் அடுத்ததாக நடித்து வரும் இயக்குநர் அட்லீ படத்தின் தயாரிப்பில் தொடர்புடையவர்கள் வீட்டிலும் சோதனை நடைபெற்று வருகிறது. அப்படத்தில் விஜய் நாயகியாக நடித்துவரும் சமந்தா, தயாரிப்பாளர் தாணு ஆகியோரது வீடு மற்றும் அலுவலங்களில் சோதனை நடைபெற்றது.

விஜய் படங்களின் தயாரிப்புகளில் சம்பந்தப்பட்டவர்கள் அனைவரது வீடு மற்றும் அலுவலகங்கள் என 35 இடங்களில் சோதனை நடைபெற்றது குறிப்பிடத்தக்கது.மேலும், இப்படத்தின் சென்னை விநியோக உரிமையை வாங்கியிருக்கும் தேனாண்டாள் பிலிம்ஸ் அலுவலகத்திலும் சோதனை நடைபெற்றது. இந்த அதிரடி சோதனைக்கு காரணம் புலி திரைப்படத் தயாரிப்பில் கணக்கில் காட்டப்படாத முதலீடுகள் இருப்பது தெரிய வந்துள்ளதால்தான்  சோதனை நடைபெற்றதாக தெரிகிறது.

இதனிடையே, புலி மற்றும் விஜய்யின் சமீபத்திய படங்களில் தொடர்பில்லாத நடிகை நயன்தாராவின் கொச்சி வீட்டிலும் சோதனை நடைபெற்றது. அங்கு முக்கிய ஆவணங்கள் கைப்பற்றப்பட்டதாக தகவல் வெளியாகியுள்ளது.  புலி படம் இன்று ரிலீஸாக உள்ளது. புலி தமிழ், தெலுங்கு மற்றும் இந்தி ஆகிய 3 மொழிகளில் ரிலீசாக உள்ளது. பட ரிலீஸை கொண்டாடித் தீர்க்க ரசிகர்கள் ஏற்கனவே தயாராகிவிட்டார்கள். புலி படம் ரிலீசுக்கு தயாராகிவிட்ட நிலையில் அந்த படம் கணக்கில் காட்டப்படாத கருப்பு பணத்தை கொண்டு எடுக்கப்பட்டதாக வருமான வரித்துறையினருக்கு ரகசிய தகவல் சென்றதால் தான் இந்த சோதனை நடந்துள்ளது.

விஜய்யின் வீட்டில் வருமான வரித்துறையினர் அதிரடி சோதனை நடத்தி வரும் செய்தி அறிந்து அவரது ரசிகர்கள் அதிர்ச்சி அடைந்துள்ளனர். விஜய்யின் வீடு மற்றும் புலி படக்குழுவினரின் வீடுகளில் வருமான வரித்துறையினர் நேற்று காலை முதல் அதிரடி சோதனை நடத்தி வந்த தகவலை அறிந்த ரசிகர்கள் அதிர்ச்சியில் உறைந்துள்ளனர். இன்று படம் ரிலீஸாக உள்ள நிலையில் சோதனை நடந்தது குறித்து அவர்கள் கவலை அடைந்துள்ளனர்.  சென்னை பல்லாவரத்தில் உள்ள நடிகை சமந்தாவின் வீட்டில் வருமான வரித்துறையினர் அதிரடி சோதனை மேற்கொண்டனர்.

சினிமாவில், விளம்பரங்களில் சம்பாதித்த பணத்துக்கு சமந்தா முறையாக வரி செலுத்தவில்லை என்று கூறி இந்த சோதனையை மேற்கொண்டனர் அதிகாரிகள்.  இதனைக் கேள்விப்பட்டு, அவரது வீட்டுக்கு செய்தி சேகரிக்கச் சென்றனர் நிருபர்களை  ஆங்கிலத்தில் திட்டியபடி, விரட்டியடிக்க முனைந்தார் சமந்தாவின் தாயார். உங்களுக்கு இங்கே வேலையில்லை. வெளியே போங்கள் என்று அவர் திட்டிக் கொண்டிருக்கும்போதே, உள்ளேயிருந்து வேகமாக வந்த சமந்தாவின் சகோதரர் செய்தியாளர்களைத் தாக்க ஆரம்பித்தார்.  இதனால் பதிலுக்கு அவரைத் தாக்க செய்தியாளர்கள் முனைந்தபோது, அவர் உள்ளே ஓடிவிட்டார்.

அவரை வெளியே வருமாறும், போலீஸ் ஸ்டேஷனில் புகார் தரப் போவதாகவும் செய்தியாளர்கள் கூற, உடனே செய்தியாளர்கள்தான் தாக்கியதா அடாவடியாகப் பேச ஆரம்பித்துவிட்டார் சமந்தாவின் தாயார். அதன் பின்னர் சமந்தாவின் தந்தை பிரபு வெளியில் வந்து, வரிமான வரி குறித்து விளக்கம் கூறிவிட்டு கதவை மூடிக் கொண்டார். நடிகர் விஜய், நடிகைகள் நயன்தாரா, சமந்தா மற்றும் திரையுலகினர் வீடுகளில் வருமான வரித்துறையினர் நடத்திய இச்சோதனை தமிழ் திரையுலகினர் மத்தியில் பெரும் பரபரப்பை ஏற்படுத்தியுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago