5 எம்.எல்.ஏ.க்கள் மீதான சஸ்பெண்ட் நடவடிக்கையை ரத்து செய்தது சமாஜ்வாடி

லக்னோ - உத்தர பிரதேச மாநிலத்தில் சமாஜ்வாடி கட்சியின் 5 எம்.எல்.ஏ.க்கள் மீதான சஸ்பெண்ட் நடவடிக்கையை கட்சி மேலிடம் ரத்து செய்துள்ளது. சீதாபூர் மாவட்டத்தைச் சேர்ந்த எம்.எல்.ஏ.க்கள் ராம்பால் யாதவ், மகேந்திர சிங் என்ற ஜீன் பாபு, மனிஷ் ராவத், ராதே ஷியாம் ஜெய்ஸ்வால், அனுப் குப்தா, ருச்சி வீரா ஆகிய 6 பேர் கடந்த ஆண்டு பஞ்சாயத்து தேர்தலின்போது கட்சி வேட்பாளருக்கு எதிராக செயல்பட்டதால் சஸ்பெண்ட் செய்யப்பட்டனர்.

தற்போது 5 எம்.எல்.ஏ.க்கள் மீதான நடவடிக்கை திரும்ப பெறப்பட்டுள்ளதாகவும், இந்த புதிய உத்தரவு உடனடியாக நடைமுறைக்கு வருவதாகவும் கட்சியின் தேசிய பொதுச்செயலாளர் ராம் கோபால் யாதவ் அறிவித்துள்ளார். ஆறாவது எம்.எல்.ஏ.வான ருச்சி வீரா மீதான நடவடிக்கையை ரத்து செய்வது தொடர்பான முடிவு நிறுத்தி வைக்கப்பட்டுள்ளது.