கர்நாடகாவில் நடப்பது காவிரி பிரச்சினை அல்ல, காங்கிரஸ் பிரச்சினை: பொன்.ராதாகிருஷ்ணன்

வெள்ளிக்கிழமை, 23 செப்டம்பர் 2016      நாமக்கல்
Image Unavailable

சென்னை, சட்டசபை தேர்தலில் மிகப்பெரிய தோல்வியை காங்கிரஸ் சந்திக்கும் என்றும், கர்நாடகாவில் நடப்பது காவிரி பிரச்சினை அல்ல, காங்கிரஸ் பிரச்சினை என்றும் மத்திய அமைச்சர் பொன்.ராதாகிருஷ்ணன் தெரிவித்தார்.

இதுகுறித்து மத்திய அமைச்சர் பொன்.ராதாகிருஷ்ணன் நிருபரிடம் கூறியதாவது:-

கர்நாடகத்தில் இருக்கும் காங்கிரஸ் அரசாங்கம் கடந்த 4 ஆண்டுகளாக எல்லா துறைகளிலும் தோற்றுப் போன அரசாங்கமாகவும், மக்கள் விரோத அரசாங்கமாகவும் திகழ்ந்து வருகிறது. கர்நாடகத்தில் எப்போது சட்டசபை தேர்தல் நடந்தாலும், சித்தராமையா அரசாங்கத்தை மக்கள் தோற்கடிக்க வேண்டும் என்று உறுதியோடு இருந்தார்கள். இந்த நிலையை நன்றாக புரிந்து வைத்து இருந்த காங்கிரஸ் அரசாங்கம் சுமுகமாக தீர்த்து இருக்க வேண்டிய காவிரி பிரச்சினையை பூதாகரமாக மாற்றி, மொழி தீவிரவாதிகளுக்கு முழு ஆதரவை கொடுத்து, கர்நாடகத்தில் தமிழர்கள் மீது தாக்குதல் நடத்த வைத்து, காவிரி தண்ணீர் தமிழகத்துக்கு வருவதை ஒரு மிகப்பெரிய பாவமான செயலாக காட்டிவிட்டார்கள்.

தன்னுடைய காங்கிரஸ் அரசாங்கத்தை வீழ்ச்சியில் இருந்து காப்பாற்றுவதற்காக இதை ஒரு பெரிய பிரச்சினையாக அவர்கள் கையாண்டார்கள். அதன் விளைவு தான் அங்கு கலவரம் நடந்து தமிழர்கள் தாக்கப்பட்டது. இன்று உச்சநீதிமன்றம் தெளிவான தீர்ப்பு கொடுத்த பிறகும், தன்னுடைய அரசாங்கத்தை திருப்தி செய்யக்கூடிய அளவுக்கு சூழ்நிலையை உருவாக்கும் சிந்தனையோடு அங்குள்ள காங்கிரஸ் அரசாங்கம் செயல்படுகிறது. இது முழுக்க முழுக்க காவிரி பிரச்சினை அல்ல. காங்கிரஸ் பிரச்சினை.

அவர்களுடைய வீழ்ச்சியில் இருந்து மீட்டுக்கொள்வதற்காக அவர்கள் கையாளும் மிகப்பெரிய அரசியல் தந்திரம் என்பதை இருமாநில மக்களும் புரிந்து கொள்ள வேண்டும்.இனிமேல் கர்நாடகத்தில் எப்போது சட்டசபை தேர்தல் நடந்தாலும் காங்கிரஸ் மிகப்பெரிய தோல்வியை சந்திக்கும். உச்சநீதிமன்ற அளித்துள்ள தீர்ப்பின்படி, தமிழ்நாட்டுக்கு நியாயப்படி கிடைக்க வேண்டிய காவிரி தண்ணீர் கிடைக்கும் என்பதை நான் முழுமையாக நம்புகிறேன்.

இவ்வாறு அவர் கூறினார்.

Kaatrin Mozhi Review | Jyothika | Vidharth | Lakshmi Manchu | Radha Mohan

Vanaraja Chicken | How to Start Vanaraja Chicken farming | வனராஜா வகை நாட்டுக்கோழி வளர்ப்பு சுலபமா

Great Dane Dog | வேட்டைக்காக வளர்க்கும் கிரேட்டேண் நாய் வளர்ப்பு முறைகள் | Great Dane Dog in Tamil

சுலபமாக மஞ்சள் பயிரிட்டு சந்தைபடுத்தும் முறைகள் | How to grow Turmeric in farm easy ways

Easy 30 minutes Milk kova recipe in Tamil | Milk kova seivathu eppadi | Paalkova recipe in Tamil

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்: