முக்கிய செய்திகள்
Idhayam Matrimony

உலக செஸ் போட்டி: கார்ல்சன் 3-வது முறையாக சாம்பியன்

வியாழக்கிழமை, 1 டிசம்பர் 2016      விளையாட்டு
Image Unavailable

நியூயார்க் : நியூயார்க் நகரில் நடந்த உலக செஸ் போட்டியில் ரஷிய வீரர் செர்ஜி கர்ஜாகினை வீழ்த்தியதன் மூலம் மாக்னஸ் கார்ல்சன் 3-வது முறையாக சாம்பியன் பட்டத்தை வென்றுள்ளார்.

சமநிலை

உலக செஸ் சாம்பியன் போட்டி அமெரிக்காவில் உள்ள நியூயார்க் நகரில் கடந்த 11-ம் தேதி தொடங்கியது. 12 சுற்றுகளை கொண்ட இந்தப்போட்டியில் நடப்பு சாம்பியனான மாக்னஸ் கார்ல்சன் (நார்வே)- செர்ஜி கர்ஜாகின் (ரஷியா) மோதினார்கள்.

உலக செஸ் சாம்பியன் போட்டியின் முதல் 7 ஆட்டங்களும் ‘டிரா’வில் முடிந்தன. 8-வது சுற்றில் செர்ஜி கர்ஜாகின் வெற்றி பெற்றார். 9-வது சுற்று ‘டிரா’ ஆனது. 10-வது சுற்றில் கார்ல்சன் வெற்றி பெற்றார். 11-வது சுற்று ‘டிரா’ ஆனால் 5-5 என்ற சமநிலை ஏற்பட்டது. இதேபோல 12-வது மற்றும் கடைசி சுற்று ஆட்டமும் ‘டிரா’ ஆனது. இதனால் 6-6 என்ற சமநிலை ஏற்பட்டது. 10 சுற்றுகள் ‘டிரா’ ஆனது. இருவரும் தலா ஒரு சுற்றில் வென்று இருந்தனர்.

கார்ல்சன் வெற்றி

ஆட்டம் சமநிலையில் முடிந்ததால் வெற்றி- தோல்வியை நிர்ணயிக்க டைபிரேக்கர் கடை பிடிக்கப்பட்டது. டைபிரேக்கர் போட்டி நேற்று முன்தினம் நடந்தது. ரேபிட் முறையில் 4 ஆட்டங்கள் நடத்தப்பட்டது. இதன் முதல் 2 ஆட்டமும் ‘டிரா’ ஆனது. 3-வது மற்றும் 4-வது ஆட்டத்தில் கார்ல்சன் வெற்றி பெற்றார்.

3 முறை சாம்பியன்

இதன்மூலம் கார்ல்சன் 3-1 என்ற கணக்கில் வென்று உலக செஸ் சாம்பியன் பட்டத்தை கைப்பற்றினார். அவர் 3-வது முறையாக சாம்பியன் பட்டத்தை வென்றுள்ளார். இதற்கு முன்பு 2013-ம் ஆண்டு சென்னையில் நடந்த போட்டியிலும், 2014-ம் ஆண்டு ரஷியாவில் நடந்த போட்டியிலும் விஸ்வநாதன் ஆனந்தை வீழ்த்தி உலக செஸ் சாம்பியன் பட்டத்தை கைப்பற்றி இருந்தார். தொடர்ச்சியாக 3-வது முறையாக அவருக்கு உலக சாம்பியன் பட்டம் கிடைத்துள்ளது. உலக சாம்பியன் பட்டம் வென்ற கார்ல்சனுக்கு ரூ.7½ கோடி பரிசு தொகை வழங்கப்பட்டது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago