2016-ம் ஆண்டில் 2.66 கோடி பக்தர்கள் திருப்பதியில் தரிசனம்

சனிக்கிழமை, 7 ஜனவரி 2017      ஆன்மிகம்
tirupathi 2017 1 7

திருமலை  - திருப்பதியில் கடந்த 2016-ம் ஆண்டு மொத்தம் 2 கோடியே 66 லட்சம் பக்தர்கள் தரிசனம் செய்துள்ளதாக திருப்பதி தேவஸ்தான முதன்மைச் செயல் அலுவலர் சாம்பசிவராவ் கூறினார்.

ஆன்லைனில் வெளியீடு
திருமலை-திருப்பதி தேவஸ்தான முதன்மைச் செயல் அலுவலர் சாம்பசிவராவ் நேற்று முன்தினம் பக்தர்களிடம் தொலைபேசி மூலமாக குறைகளை கேட்டறிந்தார். அப்போது பக்தர்கள் கேட்ட கேள்விகளுக்கு அவர் பதில் அளித்து பேசினார். பக்தர்களுக்கு ஆர்ஜித சேவைக்கான தரிசன டிக்கெட் ஆன்லைன் மூலமாக வெளியிடப்படுகிறது. 2017-ம் ஆண்டு ஏப்ரல் மாதம் 1-ந்தேதியில் இருந்து 30-ந்தேதி வரை பக்தர்கள் ஆன்லைன் மூலமாக ஆர்ஜித சேவைக்கான தரிசன டிக்கெட்களுக்கு முன்பதிவு செய்யலாம். ஆர்ஜித சேவை டிக்கெட் நேற்றுமுன்தின்  ஆன்லைனில் வெளியிடப்பட்டது.

சுப்ரபாதம் 6,299, அர்ச்சனை சேவை 120, தோமாலா சேவை 120, விசே‌ஷ பூஜை 1,125, அஷ்டதல பாதபத்ம ஆராதனை சேவை 80, நிஜபாத தரிசனம் 1,500, கல்யாண உற்சவம் 10,125, வசந்த உற்சவம் 10,750, ஆர்ஜித பிரம்மோற்சவம் 5,805, சகஸ்ர தீபலங்கார சேவை 12,350, ஊஞ்சல் சேவை 2,700 என மொத்தம் 50 ஆயிரத்து 974 டிக்கெட்டுகள் வெளியிடப்பட்டுள்ளது.இவ்வாறு அவர் பேசினார்.


டிக்கெட் வழங்க நடவடிக்கை
அதைத்தொடர்ந்து திருப்பதி தேவஸ்தான முதன்மைச் செயல் அலுவலர் சாம்பசிவராவ், பக்தர்கள் தெரிவித்த குறைகள், புகார்கள், கேள்விகளும், பதில் அளித்துப் பேசினார். ஐதராபாத்தைச் சேர்ந்த பிரசாத் என்பவர், கல்யாண உற்சவ டிக்கெட் ஆன்லைன் மூலம் ஒரே குடும்பத்தில் கணவன், மனைவிக்கு ஒரே டிக்கெட்டாக வழங்கப்பட்டு வருகிறது. இனிமேல், தனித்தனியாக கல்யாண உற்சவ டிக்கெட் வழங்க வேண்டும் என்றார். அதற்கு சாம்பசிவராவ், ஆகம பண்டிதர்களுடன் ஆலோசனை நடத்தி தனித்தனியாக டிக்கெட் வழங்க நடவடிக்கை எடுக்கப்படும் என்றார்.

பண்டிகை நாட்களில் ரத்து
தமிழ்நாட்டை சேர்ந்தச் பிரசாந்த் கூறுகையில், ஸ்ரீவெங்கடேஸ்வரா பக்தி சேனல் தமிழ் ஒளிபரப்பு எப்போது தொடங்கும் என்று கேட்டதற்கு, அதற்கு அவர், தற்போது தமிழ் சேனல் சோதனை ஓட்டம் நடந்து வருகிறது. வரும் மகர சங்கராந்தி பண்டிகை (பொங்கல் பண்டிகை) அன்று தமிழ் பக்தி சேனலில் நிகழ்ச்சிகள் தமிழில் ஒளிபரப்பு செய்யப்படும் என்றார். மிதியாலகூடாவைச் சேர்ந்த சாய்ராம் என்பவர், ஆன்லைன் மூலமாக சேவா டிக்கெட்டுகள் முன்பதிவு செய்து வருகிறார்கள். அதனுடன் தங்கும் விடுதிகளும் வழங்க வேண்டும் என்றார். அதற்கு அவர், பிரம்மோற்சவ விழா, ஆங்கில புத்தாண்டு, வைகுண்ட ஏகாதசி ஆகிய முக்கியமான பண்டிகை நாட்களில் ஆன்லைன் மூலம் அறைகள் முன்பதிவு செய்வது ரத்து செய்யப்படுகிறது என்றார்.

10 கோடியே 34 லட்சம் லட்டுகள்...
கடந்த 2016-ம் ஆண்டு 10 கோடியே 34 லட்சம் லட்டுகள் தயார் செய்து பக்தர்களுக்கு வழங்கப்பட்டுள்ளது. லட்டு தயாரிப்பு ஊழியர்களுக்கு எனது வாழ்த்துக்கள். 2017-ம் ஆண்டு 32 லட்சம் காலண்டர்கள், 10 லட்சம் டைரிகள் அச்சடித்து விற்பனை செய்யப்பட்டுள்ளது. கடந்த 2016-ம் ஆண்டு மொத்தம் 2 கோடியே 66 லட்சம் பக்தர்கள் தரிசனம் செய்துள்ளனர். உண்டியல் வருமானமாக ரூ.1018 கோடி கிடைத்துள்ளது. 8-ந் தேதி வைகுண்ட ஏகாதசி அன்று காலை 9 மணியில் இருந்து பகல் 11 மணிவரை தங்கத்தேரோட்டம் நடக்கிறது. துவாதசி அன்று அதிகாலையில் கோவில் புஷ்கரணியில் சக்கரத்தாழ்வார் தீர்த்தவாரி நிகழ்ச்சி நடக்கிறது என்றார்.

இதை ஷேர் செய்திடுங்கள்:

சில சுவாரிஸ்யமான தகவல்கள்

தண்ணீர் பற்றாக்குறையால்....

ரத்தச் சுற்றோட்டத்தில் ரத்தம் உறைந்து விடுவதுதான் மாரடைப்புக்கு முக்கியக் காரணம். ரத்தத்தில் பைப்ரினோஜன் எனும் ரத்த உறைவுப் பொருள் உள்ளது. ரத்தம் திரவ நிலையில் இருந்தால் மட்டுமே பைப்ரினோஜன் தன் வேலையைச் சரியாகச் செய்யும். உடலில் தண்ணீரின் அளவு குறைந்து, அது திடமாகிவிட்டால், ரத்தக் குழாய்க்குள்ளேயே ரத்தம் உறைவதற்கு பைப்ரினோஜன் ஏற்பாடு செய்துவிடும். இதனால் மாரடைப்பு ஏற்படுகிறது. ஒருவர் தேவைக்குத் தண்ணீர் அருந்தாவிட்டால், முதலில் இதயத்தைச் சுற்றியுள்ள கொலாட்டிரல்ஸ் எனும் மிக நுண்ணிய ரத்தக்குழாய்கள் மூடிக்கொள்ளும். அதாவது, இதயத் தசைகளுக்கு ரத்த வினியோகம் செய்யும் முதன்மை ரத்தக் குழாய்களான கரோனரி தமனிகளில் அடைப்பு உண்டாகி, மாரடைப்பு ஏற்படும்போது, இவை தான் இதயத்தசைகளுக்கு ரத்தம் கொடுக்கின்றன. இதன் மூலம் மாரடைப்பு தள்ளிப்போகவோ மாரடைப்பின் கடுமை குறையவோ வாய்ப்பு உள்ளது.

சிகரெட் கழிவில் ....

சிகரெட் புகைத்த பின் எறியப்படும், பஞ்சுடன் கூடிய கழிவு துண்டுகளை ரோடு போட பயன்படுத்த முடியுமாம். ரோடு போட‘பாராபின் வேக்ஸ்’ எனப்படும் மெழுகு மற்றும் ரசாயன பொருளுடன் சிகரெட் கழிவு துண்டுகளும் சேர்த்து ஒரு கலவை தயாரிக்கப்படுகிறது. இதை கொண்டு போடப்படும் ரோடு பலம் வாய்ந்ததாகவும்,  அந்த ரோட்டில் வெப்பம் அதிகம் வெளியேறுவதும் தடுக்கப்படுமாம்.

எச்சரிக்கும் ஆய்வு

மது குடிக்கும் பழக்கத்தால் பெண்கள் அதிக பாதிப்புக்கு உள்ளாகிறார்கள். பெண்கள் மது போதையில் இருந்து தெளிய காலதாமதமாகும். இயற்கையாகவே பெண்கள் உடலில் உள்ள தண்ணீரின் அளவு குறைந்திருப்பதால், போதை தலைக்கேறினால் இறங்குவது சிரமம். கர்ப்பிணி பெண்கள் மதுகுடித்தால் பிறக்கும் குழந்தைகளுக்கு குறைபாடு ஏற்படும். தொடர்ந்து குடிக்கும் பெண்களுக்கு குழந்தை உண்டாகும் வாய்ப்பு மிக அரிது.

எளியது ஆபத்து

பெரும்பாலான இந்தியர்கள் தங்கள் பாஸ்வேர்டை எளியதாக தேர்வு செய்து தவறு செய்துவிடுகின்றனர். கடந்த 2016-ம் ஆண்டு கிட்டத்தட்ட 10 மில்லியன் எளிய பாஸ்வேர்டுகள் பொதுத்தளத்தில் கசிந்திருக்கிறதாம். இதனால் இணையம் தொடர்பான குற்றங்கள் பெருக வழிவகுக்கின்றன. எளிமையான பாஸ்வேர்டுகளை ஹேக்கர்கள் மிக எளிதாக திருட வழிவகை செய்யும்.

பிராணாயாமம்

நாம் மிக ஆழமாக மூச்சை இழுக்கும்போது ஆக்சிஜன், உடலில் உள்ள அனைத்து திசுக்களுக்கும் அதிக அளவில் கிடைக்கிறது. இது திசுக்களின் செயல்பாட்டை விரைவுபடுத்தி நச்சுக்களை அப்புறப்படுத்துகிறது. வயிறு உள்ளே போவதால், வயிற்றுப் பகுதி தசைகள் சுருங்கும். இந்தத் தசைப் பயிற்சியை, தினமும் தொடர்ந்து செய்யும்போது, இவை இரண்டும் சேர்ந்து உடலின் எடையைக் குறைத்துவிடும்,

கண் எரிச்சல்

கணினி, லேப்டாப், ஸ்மார்ட் போன் அதிகம் பயன்படுத்துவதால் ஏற்படும் கண்ணெரிச்சலை போக்க, வெங்காயம் மற்றும் புளிய இலையை இடித்து சாறு எடுத்து அதனுடன் நல்லெண்ணெய் கலந்துக் எடுத்து, பின் தலையில் தேய்த்து சிறிது நேரம் காய விட்டு, குளித்தால் கண் எரிச்சல் நீங்கி, கண் நல்ல குளிர்ச்சியடையும்.

புதிய ரோபோ

ஜப்பானின் ‘ஒரிகாமி’ என்னும் முறையை பின்பற்றி அமெரிக்காவில் உள்ள ஹர்வார்ட் பல்கலைக் கழக ஆராய்ச்சியாளர்கள் மடிக்கு வைக்கக்கூடிய புதிய ரோபோடை வடிவமைத்துள்ளனர்.  இந்த ரோபோட்டிற்கு பேட்டரி தேவை இல்லை. இந்த ரோபோட் வயர்லெஸ் மாக்னெட்டிக் ஃபீல்ட் மூலம் இயக்கப்படுகிறது.

உருகாத ஐஸ்கிரீம்

ஐஸ்க்ரீம் உருகுவதைத் தடுக்க ஜப்பான் விஞ்ஞானிகள் புதிய தொழில்நுட்பத்தைக் கண்டறிந்துள்ளனர். ஜப்பானில் உள்ள கனஜவா பல்கலைக்கழகத்தைச் சேர்ந்த ஆய்வாளர்கள் ஐஸ்க்ரீம் உருகி அதன் வடிவம் மாறாமல் இருக்கும் தொழில்நுட்பத்தைக் கண்டறிந்துள்ளனர். இதன் மூலம் 3 மணி நேரத்துக்கு அந்த ஐஸ்க்ரீம் உருகாமல் இருக்கும் எனவும் ஆய்வாளர்கள் தெரிவித்துள்ளனர். ஸ்ட்ராபெரி பழத்திலிருந்து எடுக்கப்படும் பாலிஃபினல் என்ற திரவத்தை ஐஸ்க்ரீமில் செலுத்தி சோதனையில் வெற்றி அடைந்துள்ளனர். இந்த திரவத்தை செலுத்தியபின் ஐஸ்கீரிமை அனல் காற்றில் காண்பித்தாலும் சுமார் 5 நிமிடம் வரை ஐஸ்க்ரீமின் வடிவம் மாறவில்லை என ஆய்வாளர்கள் தெரிவித்துள்ளனர்.

புதிய காகிதம்

அச்சிட்டதை அழித்து மீண்டும் மீண்டும் 80 முறை வரை அச்சிடத் தகுந்த புதிய காகிதத்தை விஞ்ஞானிகள் உருவாக்கியுள்ளனர். நானோ பார்டிகல்ஸ் என்று அழைக்கப்படும் மிகச் சிறிய துகள்கள் மூலம் இந்தக் காகிதம் உருவாக்க‌ப்பட்டிருக்கிறது. அந்த துகள்களை அச்சிடும் மையில் கலந்து அச்சிட வேண்டும். அச்சிடப்பட்டு 5 நாட்களில் எழுத்துக்கள் கொஞ்சம் கொஞ்சமாக காகிதத்திலிருந்து மறையத் துவங்கும். காற்றிலுள்ள ஆக்ஸிஜன் துகள்கள் மையிலுள்ள எலக்ட்ரான்களை எடுத்துக்கொள்ளும், இதனால் எழுத்துக்கள் காகிதத்திலிருந்து மறையும். மேலும் காகிதத்தை சூடாக்கும் போது, இந்த செயல்முறையை சில நிமிடங்களில் வேகப்படுத்துவதன் மூலம் காகிதத்தை மீண்டும் மீண்டும் பயன்படுத்தலாம்.

காற்றில் இருந்து

சிலியில் இயங்கும் ஒரு நிறுவனம், காற்றில் இருந்து குடிநீரை உருவாக்கும் இயந்திரத்தைத் தயாரித்துள்ளது. பிரஷ் வாட்டர் எனப் பெயிடப்பட்டிருக்கும் இந்த இயந்திரம், ஈரப்பதமான காற்றை குளிர்வித்து வடிகட்டி குடிநீராக மாற்றுகிறது. இந்த கருவி பாலைவனங்களில், மலைப் பகுதிகளில் பேருதவியாக இருக்குமாம்.

அழியும் ஆபத்தில்...

இந்தியாவில் தற்போது 780 மொழிகளில், 400 மொழிகள் அடுத்த 50 ஆண்டுகளில் அழிந்துவிடும் அபாயம் உருவாகியுள்ளது என தி பீப்பில்ஸ் லிங்குஸ்டிக் சர்வே ஆப் இந்தியா மேற்கொண்ட ஆய்வில் தெரியவந்துள்ளது. மேலும், ஒவ்வொரு மொழி அழியும்போதும், அந்த கலாச்சாரமும் அழியும் ஆபத்துள்ளதாக அது தெரிவிக்கிறது.

புதுமையான வழியில்...

மிச்சிகன் மாநில ஆய்வாளர்கள் கோப்பிரவைடு மெட்டலிடிரன்ஸ் என்றழைக்கப்படும் பாக்டீரியாவில் இருந்து தங்கம் வெளிவருவதை  கண்டுபிடித்துள்ளனர். இந்தப் பாக்டீரியா தங்கம் உருவாகத் தேவைப்படும். கோல்டு குளோரைடு எனும் ரசாயன பொருட்களை விழுங்கி தங்கத்தை உமிழ்வதாக கண்டறிந்துள்ளனர்.