முக்கிய செய்திகள்
Idhayam Matrimony

ஒபாமாவே மீண்டும் அதிபராக வேண்டும்: யு.எஸ். மக்கள் ஆதரவு

சனிக்கிழமை, 4 பெப்ரவரி 2017      உலகம்
Image Unavailable

 வாஷிங்டன் - அமெரிக்க அதிபராக மீண்டும் ஒபாமாவே வர வேண்டும் என்று சமீபத்தில் நடத்தப்பட்ட கருத்துக் கணிப்பில் தெரிவிக்கப்பட்டுள்ளது. டொனால்டு ட்ரம்ப் அதிபராக பதவியேற்று இரண்டு வாரங்களுக்கு பிறகு நடத்தப்பட்ட இந்த கருத்துக் கணிப்பு ட்ரம்ப்பின் சமீபத்திய செயல்பாடுகளுக்கு மக்களிடயே நிலவும் அதிருப்தியை வெளிக்காட்டியுள்ளது. சமீபத்தில் அமெரிக்காவில் நடத்தப்பட்ட பொது கொள்கை கருத்துக் கணிப்பின் முடிவில், 52சதவீதம்  பேர் மீண்டும் ஒபாமாவே அமெரிக்காவின் அதிபராக விருப்பம் தெரிவித்துள்ளனர். வெறும் 43சதவீதம் பேர் மட்டுமே ட்ரம்ப்பின் நடவடிக்கைகளுக்கு பாராட்டு தெரிவித்து ஆதரவு அளித்துள்ளனர்.

பொது கொள்கை கருத்துக் கணிப்பின் தலைவர் டீன் டெப்னம் கூறும்போது, "பொதுவாக கருத்துக்கணிப்பில் புதிதாக பொறுப்பேற்ற அதிபருக்கே மக்கள் தங்கள் ஆதரவை வழங்குவார்கள். ஆனால் பெரும்பாலான மக்கள் ஒபாமா மீண்டும் அதிபராக வர வேண்டும் என ஆதரவு தெரிவித்துள்ளனர். இதன்மூலம் ட்ரம்ப் புதிய வரலாறு படைத்துள்ளார். ட்ரம்ப் முஸ்லிம்களுக்கு எதிராக மேற்கொண்ட நடவடிக்கையை அமெரிக்க மக்கள் எதிர்க்கின்றனர்" என்றார்.

ட்ரம்ப்பின் தடைக்கு எதிர்ப்பு:
ட்ரம்ப்பின் குடியுரிமை கொள்கை மாற்றத்துக்கு 47சதவீதம்பேர் ஆதரவும், 49சதவீதம் பேர் எதிர்ப்பும் தெரிவித்து வாக்களித்துள்ளனர். மேலும் குடியுரிமை கொள்கையில் மாற்றம் கொண்டு வந்திருப்பது முஸ்லிம்களுக்கெதிரான தடை என்று 52சதவீதம் பேரும், முஸ்லிம்களுக்கெதிரான தடை இல்லை என்று 41 சதவீதம் பேரும் வாக்களித்துள்ளனர். ஏழு இஸ்லாம் நாடுகளுக்கு ட்ரம்ப் அரசு விதித்த தடைக்கு 39சதவீதம் ஆதரவும், 53சதவீதம் எதிர்ப்பும் தெரிவித்துள்ளனர்.

சிரிய அகதிகளுக்கு விதிக்கப்பட்ட தடைக்கு 43சதவீதம் ஆதரவும், 48சதவீதம் எதிர்ப்பு தெரிவித்துள்ளனர். மேலும் 39சதவீதம் மட்டுமே ட்ரம்ப் சிறப்பாக செயல்படுகிறார் என்றும் 55 சதவீதம் ட்ரம்ப் சிறப்பாக செயல்படவில்லை என்றும் வாக்களித்துள்ளனர். இந்தக் கருத்துகணிப்பு ஜனவரி 30, 31 தேதிகளில் 725 பதிவு செய்யப்பட்ட வாக்காளர்களிடம் நடத்தப்பட்டது என குறிப்பிடப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago