முக்கிய செய்திகள்
Idhayam Matrimony

பொதுமக்களின் குறைகளை மக்களின் இருப்பிடம் தேடிச்சென்று நிவர்த்தி செய்யக்கூடிய மகத்தான ஆட்சி நடைபெறுகிறது : துணைசபாநாயகர் மு.தம்பிதுரை, அமைச்சர் விஜயபாஸ்கர் பெருமிதம்

சனிக்கிழமை, 4 பெப்ரவரி 2017      கரூர்
Image Unavailable

கரூர் மாவட்டம், கரூர் ஊராட்சி ஒன்றியத்திற்குட்பட்ட திருமுக்கூடலூர், நெரூர் வடபாகம், நெரூர் தென்பாகம், மின்னாம்பள்ளிபஞ்சமாதேவி, காதப்பாறை, ஆகிய பகுதிகளில் துணை சபாநாயகர் டாக்டர்.மு.தம்பிதுரை , போக்குவரத்துத்துறை அமைச்சர் எம்.ஆர்.விஜயபாஸ்கர் , மாவட்ட கலெக்டர் கு.கோவிந்தராஜ், தலைமையில் பொதுமக்களிடமிருந்து பல்வேறு கோரிக்கை மனுக்களை பெற்று உரிய துறை அலுவலர்களிடம் பிரித்து கொடுத்து உடன் நடவடிக்கை மேற்கொள்ள உத்தரவிட்டார்.

 

மகத்தான ஆட்சி

 

இந்நிகழ்ச்சியில், துணை சபாநாயகர் தெரிவித்ததாவது:

பணி நாட்களில் மாவட்ட ஆட்சியரகம், வட்ட அலுவலகங்களில் சென்று பொதுமக்கள் மனுக்களை கொடுத்து தங்களது குறைகள் மற்றும் தேவைகளை எடுத்துரைத்த காலம் போக மக்களின் இருப்பிடம் தேடிவந்து மாவட்ட கலெக்டர் , மாவட்ட அமைச்சர்கள் பொதுமக்களின் குறைகள் மற்றும் தேவைகளை மனுக்களாக பெற்று உடனடியாக நிவர்த்தி செய்யக்கூடிய மகத்தான ஆட்சி மறைந்த முதலமைச்சர் அம்மா அவர்களின் வழிகாட்டுதலின்படி மிகச்சிறப்பான ஆட்சி தமிழகத்தில் நடைபெற்று வருகிறது. இந்த பொற்காலத்தை பயன்படுத்திக்கொண்டு பொதுமக்கள் தங்களது வாழ்வாதாரத்தை உயர்த்திக்கொள்ள வேண்டுமென கேட்டுக்கொண்டார்.

இந்நிகழ்ச்சியில், போக்குவரத்துத்துறை அமைச்சர் தெரிவித்ததாவது:மறைந்த தமிழ்நாடு முதலமைச்சர் அம்மா அவர்களின் உத்தரவுப்படி, ஊராட்சி வாரியாக பொது மக்களை சந்தித்து கோரிக்கை மனுக்களை பெறும் நிகழ்ச்சி நடைபெற்று வருகிறது. பொதுமக்களின் கோரிக்கைகளை தீர்ப்பதற்காக வாரத்தில் திங்கட்கிழமை தோறும் மாவட்ட கலெக்டர் தலைமையில், மக்கள் குறை தீர்க்கும் நாள் கூட்டம், வாரத்தில் வெள்ளிக்கிழமை அம்மா திட்டம், மாதத்தில் ஒரு நாள் மக்கள் தொடர்பு முகாம் மற்றும் 253 பொது சேவை மையங்கள் அமைக்கப்பட்டு பொதுமக்களின் கோரிக்கைகள் உடனுக்குடன் நிறைவேற்றப்பட்டு வருகிறது. மேலும், குடும்ப அட்டைதாரர்களுக்கு விலையில்லா அரிசியும், ரூ.24,000 கோடி கல்விக்காக நிதி ஒதுக்கி மாணவ, மாணவிகளுக்கு கணினி முதல் காலணி வரை கல்வி உதவித்தொகை, இலவச பேருந்து பயண அட்டை உள்ளிட்ட அனைத்தையும் வழங்கி வருகிறார்கள்.

 

விலையில்லா ஆடு

 

மேலும், விலையில்லா மிக்ஸி, கிரைண்டர் மற்றும் மின் விசிறிகளை 100 சதவீதம் வழங்கியதுடன் ஏழைப்பெண்களின் திருமணத்திற்காக 4 கிராம் தங்கம் மற்றும் நிதியுதவி வழங்கியதை தேர்தல் வாக்குறுதியில் 8 கிராம் வழங்கப்படும் என்பதையும் நிறைவேற்றி வருகிறார். ஏழைப்பெண்களின் பொருளாதாரத்தை பெருக்குவதற்காக விலையில்லா ஆடுகளை வழங்கி வருகிறார். அவ்வாறு வழங்கிவரும் திட்டங்களில் பிற மாநிலங்கள் வியக்கும் வண்ணம் முத்துலெட்சுமி மகப்பேறு நிதியுதவி திட்டம் என பல்வேறு திட்டங்கள் வழங்கிவருவது மட்டுமின்றி தற்போது ஏழை தாய்மார்கள் தங்கள் குழந்தைகளை நன்றாக பராமரித்திட அம்மா குழந்தைநல பரிசுப்பெட்டகம் வழங்கப்பட்டு வருகிறது. இந்த அரிய வாய்ப்புகளை பயன்படுத்திக்கொண்டு பொருளாதார ஏற்றம் அடைய வேண்டும் என போக்குவரத்துத்துறை அமைச்சர் எம்.ஆர்.விஜயபாஸ்கர் தெரிவித்தார்.

இந்நிகழ்ச்சியில், கிரு~;ணராயபுரம் சட்டமன்ற உறுப்பினர் கீதா, வருவாய் கோட்டாட்சியர் பாலசுப்பிரமணியம், செய்தி மக்கள் தொடர்பு அலுவலர் அ.செந்தில், வட்டார வளர்ச்சி அலுவலர் அன்புச்செல்வன், மண்மங்கலம் வட்டாட்சியர் அம்பாயிரநாதன், இரயில்வே ஆலோசனைக்குழு உறுப்பினர் திருவிக, கூட்டுறவு மொத்த பண்டக விற்பனை சங்கத்தலைவர் நெடுஞ்செழியன் மற்றும் அரசு அலுவலர்கள் உட்பட பலர் கலந்து கொண்டனர்.

 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago