முக்கிய செய்திகள்
Idhayam Matrimony

தைப்பூசத் திருவிழா : பழனியில் குவியும் பக்தர்கள்

செவ்வாய்க்கிழமை, 7 பெப்ரவரி 2017      ஆன்மிகம்
Image Unavailable

மதுரை -  தைப்பூசத் திருவிழா நாளை  கொண்டாடப்பட உள்ளதையொட்டி, பழனி, திருச்செந்தூர் உள்ளிட்ட பகுதிகளில் அமைந்துள்ள முருகப்பெருமானின் திருக்கோயில்களில் பக்தர்கள் குவிந்த வண்ணம் உள்ளனர்.  முருகப்பெருமானின் அறுபடை வீடுகளில் 3ம் படை வீடான திண்டுக்கல் மாவட்டம் பழனியில் தைப்பூசத் திருவிழா கடந்த 3ம் தேதி கொடியேற்றத்துடன் வெகு சிறப்பாகத் தொடங்கியது. விழாவையொட்டி நாள்தோறும் முத்துக்குமார சுவாமி பல்வேறு வாகனங்களில் வீதி உலா வந்து பக்தர்களுக்கு அருள்பாலித்து வருகிறார்.

 திருக்கல்யாணம் :
 இன்று திருக்கல்யாணம் மற்றும் வெள்ளித் தேரோட்டம் நடைபெறுகிறது. விழாவின் முக்கிய நிகழ்ச்சியான தைப்பூசத் தேரோட்டம் 9ம் தேதி நடைபெறுகிறது. 12ம் தேதி தெப்பத் தேரோட்டத்துடன் விழா நிறைவு பெறுகிறது. இத்திருவிழாவை முன்னிட்டு, தமிழகத்தின் பல்வேறு மாவட்டங்களில் இருந்தும் ஏராளமான பக்தர்கள் மயில் பீலிக்காவடி, பால் காவடி, சர்க்கரைக் காவடி என பல்வேறு விதமான காவடிகளை எடுத்து பாத யாத்திரையாக பழனி வந்த வண்ணம் உள்ளனர்.

சிறப்புப் பேருந்துகள் :
பக்தர்களின் நலன் கருதி மாவட்ட நிர்வாகத்தின் சார்பில், சுமார் 350 சிறப்புப் பேருந்துகள் பழனியிலிருந்து அனைத்து ஊர்களுக்கும் இயக்கப்பட்டு வருகின்றன. திண்டுக்கல் வழியாக ஏராளமான பக்தர்கள் பாதயாத்திரையாக செல்வதால், ஒட்டன்சத்திரம்-பழனி தேசிய நெடுஞ்சாலை ஒரு வழிப்பாதையாக மாற்றப்பட்டுள்ளது. நெடுஞ்சாலைத்துறை சார்பில் சாலைகள் முறையாக பராமரிக்கப்பட்டுள்ளதுடன், பக்தர்கள் பாதுகாப்பாக தங்கவும், பாத யாத்திரை மேற்கொள்ளவும் சிறப்பான ஏற்பாடுகள் செய்து கொடுக்கப்பட்டுள்ளதற்கு தமிழக அரசுக்கு பக்தர்கள் நன்றி தெரிவித்துக் கொண்டனர்.

 திருச்செந்தூரில் தைப்பூச விழா :
தைப்பூசத் திருவிழாவை முன்னிட்டு நெல்லை மாவட்டம், திருச்செந்தூர் சுப்பிரமணிய சுவாமி கோவிலுக்கும் பக்தர்கள் பாதயாத்திரையாகச் சென்று வழிபாடு மேற்கொள்கின்றனர். நெல்லை, தூத்துக்குடி, கன்னியாகுமரி, விருதுநகர் உள்ளிட்ட பல்வேறு மாவட்டங்களில் இருந்தும் பக்தர்கள் பாதயாத்திரையாக சென்று முருகப்பெருமானை தரிசிக்கின்றனர். வாயில் அலகு குத்தியும், காவடி எடுத்தும் பக்தர்கள் நேர்த்திக் கடனை செலுத்தி வருகின்றனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago