அரக்கோணம் மயானகொள்ளை உற்சவம்: 26ந்தேதி நடக்கிறது

வியாழக்கிழமை, 16 பெப்ரவரி 2017      வேலூர்

அரக்கோணம் மயான கொள்ளை உற்சவம் வரும் 26ந்தேதி வெகு சிறப்பாக நடக்க இருக்கிறது. இது குறித்து ஸ்ரீஅங்காள அம்மன் ஆலய கமிட்டி நிர்வாகிகள் மற்றும் அரக்கோணம் வட்ட பர்வத ராஜகுல (மீனவர்) முன்னேற்ற சங்கத் தலைவர் சி.கணேசன், செயலாளர் எம்.செல்வம், இணை செயலாளர் ஆர்.சிதம்பரம், மற்றும் பொருளாளர் ஈ.சிவாஜி ஆகியோர் வெளியிட்ட பத்திரிகை செய்தியில் கூறியிருந்ததாவது. வேலூர் மாவட்டம், அரக்கோணம் நகரம், பழனிப்பேட்டையில் ஸ்ரீஅங்காள அம்மன் ஆலயம் உள்ளது. இந்த ஆலயமானது நூற்றாண்டுகள் பழமை கொண்டது. இந்த ஆலய கமிட்டியின் சார்பில் 2017-ஆம் ஆண்டு மயான கொள்ளை உற்சவம் வரும் 26ந் தேதி வெகு விமரிசையாக கொண்டாட உள்ளது. இந்த உற்சவத்தினை முன்னிட்டு 25ந் தேதி இரவு ஏழு மணிக்கு கரக உற்சவம் நடக்கிறது, மறுதினம் 26ந்தேதி 7-30 மணியளவில் அம்மனுக்கு அபிஷேகமும், பகல் 11 மணியளவில் மலர் அலங்காரமும், அதனை தொடர்ந்து பிற்பகல் 2-30 மணியளவில் மயான கொள்ளை உற்சவம் நடக்கிறது. அம்மன் மயானத்தை நோக்கி புறப்பட்டு செல்லும் போது அம்மன் வேண்டுதலை முன்னிட்டு ஆன்மீக பக்தர்கள், காளி, காட்டேரி வேடமணிந்தும். சிலர் தொங்கு காவடி எடுத்து செல்வதும். மற்றும் மெய்சிலிர்க்க வைக்கும் விதங்களில் சிலர் முதுகு புறத்தில் அலகு குத்தி ஆட்டோ, கார், வேன் போன்ற கனரக வாகனங்களை கயிற்றால் கட்டி இழுத்து செல்வதையும்; காணலாம். மேலும், அன்று இரவு ஆலயத்தின் அருகில் திரைப்படமும் காண்பிக்க உள்ளது. 28ந் தேதி 12 மணிக்கு வசந்த உற்சவம், அன்று இரவு 7 மணியளவில் ஊஞ்சல் உற்சவமும், 1ந் தேதி இரவு 08 மணிக்கு கும்பமும் நடக்க இருக்கிறது. மாவட்ட அளவில் மிகப்பெரிய விழாவாக அரக்கோணத்தில் கொண்டாடப்படுவதால்;. இவ்விழாவில் ஆந்திர மாநிலம், உள்ளிட்ட பிற மாவட்டங்களிலிருந்தும் ஆயிரகணக்கில் ஆன்மீக பக்தர்கள் கூடுவார்கள். எனவே, பாதுகாப்பு பணிகளில் அதிக அளவிலான போலிசாரும் ஈடுபடுத்த உள்ளனர். எனவே, ஆன்மீக பக்தர்கள் அம்மன் அருள் பெற அச்சமின்றி திரண்டு வாருங்கள். என நிர்வாகிகள் வெளியிட்ட பத்திரிகை செய்தியில் இவ்வாறு கூறியிருந்தனர்.

 


 

இதை ஷேர் செய்திடுங்கள்:

சில சுவாரிஸ்யமான தகவல்கள்

மிகப்பெரிய வைரம்

ரஷ்ய வரலாற்றி‌லேயே அதிக மதிப்புள்ள வைரம் ஒன்று ஏலத்துக்கு வந்திருக்கிறது. இதன் எடை 51 கேரட். இவை அனைத்தும் ஜார் மன்னர்கள் சேகரித்து வைத்தவை. இவை சுமார் 300 ஆண்டுகள் வரை பழமையானவையாக இருக்கலாம் எனக் கருதப்படுகிறது. இதனை ஏலம் எடுக்க செல்வந்தர்கள் முண்டியடிப்பார்கள் எனவும் எதிர்பார்க்கப்படுகிறது.

நல்லது எண்ணெய்

தலைக்கு மட்டுமின்றி, உடலுக்கும், நல்லெண்ணெய் தேய்த்து, மசாஜ் செய்து குளித்து வந்தால், சருமம் பொலிவோடு, மென்மையாக இருக்கும். மேலும் உடல் சூட்டை தவிர்க்க இது பெரிதும் உதவும். பொடுகுத் தொல்லை இருந்தால், வாரம் ஒருமுறை நல்லெண்ணெய் குளியலை மேற்கொண்டால் நீங்கும்.

சூப்பர் பைக்

பி.எம்.டபிள்யூ ‘விஷன் நெக்ஸ்ட் 100’ என்ற புதிய எலெக்ட்ரிக் மோட்டார் சைக்கிளை தயாரித்துள்ளது. இதை இயக்குபவருக்கும், மோட்டார் சைக்கிளுக்கும் இடையிலான தகவல் பறிமாற்றத்துக்காக வியூபைண்டர் கண் கண்ணாடிகள் வடிவமைக்கப்பட்டுள்ளன. இதன் மூலம் வேகம், ஆர்பிஎம் தகவல்களை அறியலாம்.

உற்ற நண்பன்

மிரோ எனப் பெயரிடப்பட்டுள்ள ரோபோ முதியோர், நோயாளிகளுக்கு உதவும் விதமாக லண்டனில் உருவாக்கப்பட்டுள்ளது. நாய், பசு, ஆடு போன்ற உருவத்தில் உள்ள இந்த ரோபோ முதியவர்கள், நோயாளிகள், ஆட்டிசம் நோயால் பாதிக்கப்பட்டவர்கள், மாற்றுத் திறனாளிகளுக்கு பேச்சுத் துணையாக செயல்படுகிறது.

பச்சையாக சாப்பிடவும்

விட்டமின் C, B6, ஃபோலிக் அமிலம், கால்சியம் சத்துக்களை உள்ளடக்கிய வெங்காயத்தை பச்சையாக சாப்பிட்டால் செரிமானம், மலச்சிக்கல், சிறுநீர்ப்பை கோளாறுகள் போன்ற பிரச்சனை ஏற்படாமல் தடுக்கிறது. மேலும் கொழுப்புகள் இல்லாததால்,  ரத்த நாளங்களின் நெகிழ்வுத் தன்மையை அதிகரித்து, உயர் இரத்த அழுத்த பிரச்சனை வராமல் தடுக்கிறது.

ஜாக்கிரதை... வேண்டாம்

உருளைக்கிழங்கு, ரொட்டி மற்றும் சிப்ஸ் போன்ற உணவு வகைகளை பொன்நிறத்தில் வறுத்து சாப்பிடுவதால் உடல் நலத்துக்கு தீங்கு இல்லை என்றும், அதே நேரம் மிகவும் கருஞ்சிவப்பு நிறத்தில் வறுக்கப்படும் உணவு பொருட்களில் ‘அக்ரிலேமிட்’ எனப்படும் ரசாயன பொருளின் அளவு அதிகரித்து, புற்றுநோய் ஏற்படும் வாய்ப்பு உள்ளதாம்.

பெயர் மாற்றம்

சில காலத்திற்கு முன் யாஹூவின் பல்வேறு தகவல்கள் மர்ம நபர்களால் ஹேக் செய்யப்பட்டது. இதையடுத்து அந்த நிறுவனம் சில மாறுதல்களை கொண்டுவர முடிவு செய்துள்ளது. அதன்படி, யாஹூவின் பெயர் இனி அல்டாப்பா ஐ.என்.சி என மாற்றப்பட உள்ளதாம். மேலும் அந்த நிறுவனத்தில் தற்போது இருக்கும் செயல் தலைவராக மரிசா மேயர் நியமிக்கப்படவுள்ளார்.

மிரட்டும் மலசேஷ்யா

குளிர் காலத்தில் பொடுகு தொல்லை அதிகரிப்பதோடு, தலையில் மலசேஷ்யா என்ற பூஞ்சை தொற்றும் உருவாகும். முகம், மார்பு, முதுகு ஆகிய உடலின் பிற பாகங்களுக்கும் பூஞ்சைத் தொற்று பரவும் ஆபத்து இருப்பதாக மருத்துவர்கள் எச்சரிக்கின்றனர். இதற்கு தீர்வு வாரத்திற்கு இருமுறை தலைக்கு எண்ணெய் தேய்த்து குளிக்க வேண்டும்.

ஆயிரம் லிங்கம்

கர்நாடக மாநிலத்தின் வடக்குப் பகுதியில் சீர்சி என்ற ஊரிலிருந்து சுமார் 17 கிலோமீட்டர் பயணம் செய்தால், சால்மலா ஆற்றை அடையலாம். இந்த ஆற்றுக்குள் இருக்கும் பாறைகளில் ஆயிரம் (சஹஸ்ர) லிங்கங்கள் இருக்கின்றன. ஆற்று நீரோட்டம் உள்ள பகுதிகளில்தான் இந்த அத்தனை லிங்கங்களும் உள்ளன. இந்த லிங்கங்கள் அனைத்தும் ஆவுடையாருடன் வடிவமைக்கப்பட்டிருக்கிறது. ஒருசில லிங்கங்களுக்கு முன்பு நந்தி சிலையும் செதுக்கப்பட்டுள்ளன. இந்த ஆயிரம் லிங்கங்களும் எப்பொழுது உருவாக்கப்பட்டது? யாரால் உருவாக்கப்பட்டது? என்பதுதான் புரியாத புதிராக இருக்கிறது. இதே போல கம்போடியா நாட்டில் கபல்சியான் என்ற ஊரில் ஓடும் ஆற்றில்தான் ஆயிரம் லிங்கங்கள் உள்ளது குறிப்பிடத்தக்கது. இங்கு சிவலிங்கம் தவிர, ராமர், கிருஷ்ணர், லட்சுமி போன்ற சுவாமி சிலைகளும் இருக்கிறது.

கூடும் ஆயுட்காலம்

பெண்களின் சராசரி ஆயுட்காலம் தொடர்பாக 35க்கும் மேற்பட்ட வளர்ந்த நாடுகளில் நடத்தப்பட்ட ஆய்வின் முடிவின்படி, நவீன மருத்துவ உலகில் சராசரி ஆயுட்காலம் அதிகரித்து வருவதாக தெரிய வந்துள்ளது. 2030-களில் தென்கொரியா, பிரான்ஸ், ஜப்பான், ஸ்பெயின் நாட்டு பெண்களின் சராசரி ஆயுட்காலம் 88 வயதை எட்டக்கூடுமாம்.

430 கோடி ஆண்டுகள் பழசு

430 கோடி ஆண்டுகள் பழமையான பாக்டீரியா படிமங்கள் கனடாவில் கண்டுபிடிக்கப்பட்டுள்ளது. வடக்கு கியூபெக் பகுதியில் அமைந்துள்ள ஹட்சன் கடற்கரையோரம் இந்த படிமங்கள் கிடைத்துள்ளன. பூமி தோன்றிய சிறிது காலத்திலேயே இந்த பாக்டீரியாக்கள் உருவாகியிருக்கலாம் என இதன் மூலம் தெரிய வந்துள்ளது.

வெள்ளை பறவை

விமானங்களில், வெள்ளை நிறம் பெரும்பாலும் பயன்படுத்த காரணம் வெள்ளை நிறம் ஒளியின் அலைநீளத்தை பிரதிபலித்து அதிகமாக வெப்பம் உள்வாங்காமல் பார்த்துக் கொள்ளும். இதனால் விமானம் அதிகமாக சூடாகாது. விபத்து ஏற்படாது. பறக்கும் போதும், நிலத்திலும் இயல்பாக, எளிதாக பார்க்கக்கூடிய நிலை வெள்ளை நிறத்திற்கு இருக்கிறது.