முக்கிய செய்திகள்
Idhayam Matrimony

ஜெயலலிதாவின் புகழை இந்த மண்ணிலிருந்தும் மக்கள் மனதிலிருந்தும் எவராலும் பிரித்துவிட முடியாது: ஆர்.பி.உதயகுமார்

ஞாயிற்றுக்கிழமை, 26 பெப்ரவரி 2017      மதுரை
Image Unavailable

திருமங்கலம்.- மறைந்த தமிழக முதல்வர் அம்மா அவர்களின் 69வது பிறந்தநாளை முன்னிட்டு திருமங்கலம் நகர மற்றும் டி.கல்லுப்பட்டி ஒன்றிய கழகத்தின் சார்பில் திருமங்கலம் நகரில் நடைபெற்ற மாபெரும் பொதுக்கூட்டத்தில் பங்கேற்று சிறப்புரையாற்றிய தமிழக வருவாய்துறை அமைச்சரும்,கழக அம்மா பேரவை செயலாளருமான ஆர்.பி.உதயகுமார், அம்மா அவர்களின் புகழை இந்த மண்ணிலிருந்தும் மக்கள் மனதிலிருந்தும் எவராலும் பிரித்துவிட முடியாது என்று மு.க.ஸ்டாலினுக்கு பதிலடி கொடுத்து பேசினார்.

அம்மா பிறந்தநாள் பொதுக்கூட்டம்:

அ.தி.மு.க பொதுச்செயலாளர் வி.கே.சசிகலா,கழக துணைப் பொதுச்செயலாளர் டி.டி.வி.தினகரன் ஆகியோரின் ஆணைக்கிணங்க மதுரை புறநகர் மாவட்டம்,திருமங்கலம் நகர மற்றும் டி.கல்லுப்பட்டி ஒன்றிய கழக அ.தி.மு.க சார்பில் திருமங்கலம் நகர் தேவர்திடலில் மறைந்த தமிழக முதல்வர் அம்மா அவர்களின் 69வது பிறந்தநாள் விழா பொதுக்கூட்டம் வெசுசிறப்பாக எழுச்சியுடன் நடைபெற்றது.இந்த கூட்டத்திற்கு திருமங்கலம் நகர் கழகச் செயலாளர் ஜே.டி.விஜயன் தலைமை வகித்தார்.டி.கல்லுப்பட்டி ஒன்றிய செயலாளர் ராம்சாமி,கள்ளிக்குடி ஒன்றிய செயலாளர் மகாலிங்கம்,திருமங்கலம் நகர அவைதலைவர் ஜஹாங்கீர் ஆகியோர் முன்னிலை வகித்தனர்.ஒன்றிய செயலாளர் அன்பழகன்,முன்னாள் திருமங்கலம் யூனியன் சேர்மன் தமிழழகன்,பேரூர் கழகச் செயலாளர்கள் நெடுமாறன்,பாலசுப்பிரமணியன் ஆகியோர் வரவேற்று பேசினார்கள்.ஆயிரக்கணக்கான பெண்கள் உள்ளிட்ட ஏராளமானோர் கலந்து கொண்ட இந்த பொதுக்கூட்டத்தில் தமிழக வருவாய்துறை அமைச்சரும்,கழக அம்மா பேரவை செயலாளருமான ஆர்.பி.உதயகுமார் பங்கேற்று சிறப்புரையாற்றினார்.

அமைச்சர் ஆர்.பி.உதயகுமார் பேச்சு:

அப்போது அமைச்சர் ஆர்.பி.உதயகுமார் பேசியதாவது: அம்மாவின் பெயரால் அரசுவிழா நடத்துவதற்கு தனது வாய்க்கு வந்த வார்த்தைகளையெல்லாம் சொல்லி தமிழக மக்களின் நெஞ்சம் பொறுக்க முடியாத குற்றச்சாட்டுகளை சொல்லி எதிர்கட்சி தலைவர் ஸ்டாலின் பேட்டியளித்து வருகிறார்.புரட்சித்தலைவி அம்மா பிறக்கும் போதும் புனிதராக பிறந்தார்.அவர் வாழும் போதும் புனிதராகவே வாழந்தார்.அவர் இந்த மண்ணை விட்டு உயிர்பிரிகிற வரை தமிழக மக்களுக்காக உழைத்து புனிதராகவே மறைந்தார்.ஆக பிறக்கிற போதும் புனிதர்,வாழுகிற போதும் புனிதர்,மறைந்த போதும் புனிதராகவே மறைந்து இருக்கிற புரட்சித்தலைவி அம்மா அவர்களை புனிதர் பட்டம் பெற்ற அன்னை தெரசா இல்லம் தேடிவந்து வாழ்த்தினார் என்றால் அந்த புனிதவரலாறு அம்மா அவர்களுக்கு மட்டுமே சொந்தம்.ஆகவே பதவி வெறிபிடித்து அம்மாவின் ஆட்சியை அகற்ற நினைக்கிற மு.க.ஸ்டாலின் அவர்களின் வார்த்தைகள்,அவர் உதிர்த்திருக்கிற கடும் சொற்கள் தமிழக மக்களின் இதயத்தில் வேதனையை உருவாக்கி இருக்கிறது.உலகத்தமிழர்கள் உள்ளத்திலே துயரத்தை உருவாக்கி இருக்கிறது.ஆகவே இது போன்ற செயல்களில் அவர் ஈடுபடுவாரானால் அம்மாவின் புகழுக்கு புகழ் சேர்க்கிற தியாக வரலாற்றை அவர் மறைக்க நினைக்கிறார்.அம்மாவுடைய புகழை அவர் மாத்திரமல்ல எவர் நினைத்தாலும் இந்த உலகத்திலே தடுத்திட முடியாது.அம்மாவுடைய புகழ் அம்மாவுடைய தியாகம் இந்த உலகத்தில் வான் உள்ளவரை,வையகம் உள்ளவரை,இந்த மண் உள்ளவரை அம்மாவின் புகழ் நிலைத்திருக்கும்.ஸ்டாலின் நினைத்தால் அவர் ஒருவர் மாத்திரமல்ல அந்த நினைப்பு கொண்ட எவராலும் அம்மாவின் புகழை இந்த மண்ணிலிருந்தும் மக்கள் உள்ளத்திலிருந்தும் பிரித்துவிட முடியாது என்று பேசினார்.

கலந்து கொண்டவர்கள்:

இந்த கூட்டத்தில் மதுரை புறநகர் மாவட்ட கழகச் செயலாளர் வி.வி.ராஜன்செல்லப்பா எம்.எல்.ஏ.,தலைமை கழக பேச்சாளர்கள் ராஜேந்திரன்,நாஞ்சில் கோபிநாத்,முன்னாள் எம்.எல்.ஏ.,தமிழரசன்,மாவட்ட கழக துணைச் செயலாளர் பி.அய்யப்பன்,மாவட்ட சார்பு அணி நிர்வாகிகள் திருப்பதி,வக்கீல் ரமேஷ்,தமிழ்ச்செல்வம்,நிலையூர் முருகன், பிரேம்ஆனந்த்,முன்னாள் திருமங்கலம் நகராட்சி துணை சேர்மன் சதீஸ்சண்முகம்,மாவட்ட எம்.ஜி.ஆர் மன்ற இணைச்செயலாளர் ஆண்டிச்சாமி,முன்னாள் டி.கல்லுப்பட்டி யூனியன் துணை சேர்மன் பாவடியான்,மாவட்ட பிரதிநிதி கலைச்செல்வன்,முன்னாள் ஒன்றிய செயலாளர் பாண்டியன்,அவைதலைவர் அன்னகொடி,முன்னாள் ஒன்றிய கவுன்;சிலர்கள் செல்வம்,சிவஜோதிதர்மர்,பழனிச்சாமி,முனியாண்டி கட்சி நிர்வாகிகள் கபிகாசிமாயன், கருப்பணன்,பி.ஆர்.சி.கணேசன் மற்றும் கட்சி நிர்வாகிகள் உள்ளிட்டோர் கலந்து கொண்டனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago