முக்கிய செய்திகள்
Idhayam Matrimony

ரேஷன் அட்டைகளில் அனைவரின் ஆதார் எண்ணை இணைக்க அறிவுறுத்தல்

வியாழக்கிழமை, 2 மார்ச் 2017      சென்னை
Image Unavailable

கும்மிடிப்பூண்டி வட்டத்தில் உள்ள 61 ஊராட்சிகளில் உள்ள 119 ரேஷன் கடைகளில் ரேஷன் அட்டைகளில் அனைத்து குடும்ப உறுப்பினர்களின் ஆதார் எண்ணை இணைக்க வேகமான நடவடிக்கை எடுக்க வேண்டும் என ரேஷன் கடை விற்பனையாளர்களுக்கு நடைபெற்ற ஆலோசனை கூட்டத்தில் மாவட்ட வருவாய் அலுவலர் முத்து அறிவுறுத்தினார்.

 

கும்மிடிப்பூண்டி வட்டத்தில் உள்ள 61 ஊராட்சிகளை சேர்ந்த 119 ரேஷன் கடைகளின் விற்பனையாளர்களுக்கான ஆலோசனை கூட்டம் கும்மிடிப்பூண்டி வட்டாட்சியர் அலுவலகத்தில் புதன்கிழமை நடைபெற்றது.

 

கூட்டத்திற்கு மாவட்ட வருவாய் அலுவலர் முத்து தலைமை தாங்கினார்.மாவட்ட வழங்கல் அலுவலர் சந்தியா, வட்ட வழங்கல் அலுவலர் இளவரசி, கும்மிடிப்பூண்டி வட்டாட்சியர் ஸ்ரீதரன் முன்னிலை வகித்தனர்.

 

கூட்டத்தில் அனைத்து ரேஷன் கடைகளிலும் உள்ள ரேஷன் அட்டைகளில் 5 வயதிற்கு மேற்பட்டவரின் ஆதார் எண்ணை கட்டாயமாக இணைக்க விற்பனையாளர்கள் முழு முயற்சி எடுக்க வேண்டும். 5வயதிற்கு உட்பட்ட குழந்தைகளின் பிறந்த தேதியை விற்பனை முனையத்தில் பதிய வேண்டும். அனைத்து முதியோர் ஓய்வூதிய திட்ட பயனாளிகளின் ஆதார் எண்ணை மார்ச்-6ஆம் தேதிக்குள் இணைக்க வேண்டும். ஒரு நபர் உள்ள குடும்ப அட்டைகளில் ஆதார் எண்ணை பதிவிடுவதோடு, அதனை அவர் சார்ந்த குடும்பத்துடன் இணைத்திட வேண்டும் என வலியுறுத்தப்பட்டது.

 

மேலும் முதியோர் உதவித் தொகை பெறுபவர்கள் தனியாக வசிப்பவர்கள் என்றால் அவர்களை தவிர்த்து பிறரை குடும்பத்துடன் இணைக்க வேண்டும், மார்ச்-15ஆம் தேதிக்குள் குடும்ப அட்டைகளில் நிரந்தர கைப்பேசி எண்ணை பதியவேண்டும் எனவும் வலியுறுத்தப்பட்டது.

 

ரேஷன் அட்டைக்கு பதிலாக ஸ்மார்ட் கார்டு ஏப்ரல்-1ஆம் தேதி முதல் வழங்கப்பட உள்ளதால், ஆதார் எண் பதியாத ரேஷன் அட்டைகள் ஸ்மார்ட் கார்ட் பெற வழி இல்லாமல் போகும் என்பதால், அனைத்து ரேஷன் அட்டை தாரர்களின் குடும்ப உறுப்பினர்கள் அனைவரின் ஆதார் எண்ணை ரேஷன் அட்டையோடு இணைக்க நியாயநிலைக் கடைக்காரர்கள் உரிய நடவடிக்கை எடுக்கவேண்டும் என இந்த கூட்டத்தில் மாவட்ட வருவாய் அலுவலர் முத்து அறிவுறுத்தினார்.

 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago