முக்கிய செய்திகள்
Idhayam Matrimony

சரக்கு வாகனங்களில் ஆட்களை ஏற்றிச்சென்றால் நடவடிக்கை

ஞாயிற்றுக்கிழமை, 12 மார்ச் 2017      நீலகிரி

சரக்கு வாகனங்களில் ஆட்களை ஏற்றிச்சென்றால் நடவடிக்கை எடுக்கப்படும் என நீலகிரி மாவட்ட கலெக்டர் முனைவர் பொ.சங்கர் எச்சரிக்கை விடுத்துள்ளார். இது தொடர்பாக அவர் கூறியதாவது-

                               சரக்கு வாகனங்கள்

சரக்கு வாகனங்களில் சரக்குகளை ஏற்றிச்செல்ல மட்டுமே அனுமதி வழங்கப்பட்டுள்ளது. ஆனால் அவற்றில்  ஆட்களை ஏற்றிச்சென்று விபத்துகள் ஏற்படுவது தற்சமயம் அதிகரித்துள்ளது. பத்திரிகை செய்திகள் மூலமாகவும், வாகன தணிக்கையின் போதும் சரக்கு வாகனங்களில் அனுமதிக்கு புறம்பாக ஆட்களை ஏற்றிச்செல்லக்கூடாது என பலமுறை தெரிவிக்கப்பட்டுள்ளது. ஆனால் கடந்த சில வருடங்களாக இதுபோன்று சரக்கு வாகனங்களில் அனுமதிக்கு புறம்பாக ஆட்களை ஏற்றிச்சென்றதால் விபத்துக்கள் ஏற்பட்டு உயிரிழப்புகள் ஏற்பட்டு வருகிறது.

                                        ஓட்டுநர் உரிமம் ரத்து

எனவே சரக்கு வாகனங்களிலும், பிக்கப் போன்ற வாகனங்களிலும் அனுமதிக்கு புறம்பாக ஆட்களை ஏற்றிச்செல்லும் வாகனங்கள் வாகன சோதனையின்போது கண்டறியப்பட்டால் அந்த வாகனங்கள் சிறைபிடிக்கப்பட்டு, வாகனத்தில் அனுமதிச்சீட்டு ரத்து செய்வதுடன் ஓட்டுநர் உரிமமும் ரத்து செய்ய நடவடிக்கை மேற்கொள்ளப்படும் என தெரிவிக்கப்படுகிறது. குறிப்பாக சரக்கு வாகனங்களில் மூட்டைகளுக்கு மேல் ஆட்கள் அமர்ந்து செல்வது கண்டறியப்பட்டால் கடும் நடவடிக்கை எடுக்கப்படும். இவ்வாறு மாவட்ட கலெக்டர் முனைவர் பொ.சங்கர் எச்சரிக்கை விடுத்துள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 6 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago