ஜி.எஸ்.டி.யின் 4 துணை மசோதாவுக்கு மத்திய அமைச்சரவை ஒப்புதல்

திங்கட்கிழமை, 20 மார்ச் 2017      இந்தியா
central government(N)

புதுடெல்லி, ஜி.எஸ்.டி. தொடர்பாக 4 துணை மசோதாக்களுக்கு மத்திய கேபினட் அமைச்சரவை ஒப்புதல் அளித்துள்ளது.

நாடு முழுவதும் ஒரே மாதிரியான சரக்கு மற்றும் சேவை வரிவிதிப்பை கொண்டுவரும்  வகையில் ஜிஎஸ்டி மசோதா பாராளுமன்றத்தில் ஏற்கனவே நிறைவேற்றப்பட்டுள்ளது. பல மாநிலங்கள் சில திருத்தங்களை கோரியதால் சில திருத்தங்களுடன் 4 துணைமசோதாக்களை பாராளுன்றத்தில் தாக்கல் செய்ய பிரதமர் நரேந்திர மோடி தலைமையில் நேற்று நடைபெற்ற மத்திய கேபினட் அமைச்சரவை கூட்டத்தில் ஒப்புதல் அளிக்கப்பட்டது. இந்த மசோதாக்கள் பாராளுமன்றம் மற்றும் மாநிலங்களின் சட்டசபையில் நிறைவேறியவுடன் ஜிஎஸ்டி தொடர்பான அனைத்து பணிகளும் முடிந்துவிடும் வரும் ஜுலை மாதம் 1-ம் தேதியில் இருந்து இது அமுலுக்கு வந்துவிடும்.

ஜிஎஸ்டியின் மூலம் மத்திய அரசின் சுங்கவரி மற்றும் சேவை வரி, மாநிலங்களின் வாட் வரி விதிப்பு ஆகிய அனைத்தும் ஒருங்கிணைக்கப்படும். இதன்மூலம் ஒரு நாடு ஒரே வரி விதிப்பு முறை அமுலுக்கு வந்துவிடும். ஜிஎஸ்டி கவுன்சிலானது ஏற்கனவே 4 அடுக்கு வரிவிதிப்புக்கு ஒப்புதல் அளித்துள்ளது. அதாவது 5, 12,18,28 சதவீத விதிப்பு முறையை அறிவித்துள்ளது. இதைத்தவிர சொகுசு கார், குளிர்பானங்கள், புகையிலை பொருட்கள் ஆகியவைகளுக்கு கூடுதலாக வரி விதிக்க ஜிஎஸ்டி கவுன்சில் அனுமதி வழங்கியுள்ளது.


நேற்று நடைபெற்ற மத்திய கேபினட் அமைச்சரவை கூட்டத்தில் மத்திய சரக்கு மற்றும் சேவை வரி விதிப்பு மசோதா 2017,ஒருங்கிணைந்த சரக்கு மற்றும் சேவை வரி மசோதா 2017, யூனியன் பிரதேச சரக்கு மற்றும் சேவை வரி மசோதா 2017, மாநிலங்களுக்கு நஷ்டஈடு வழங்கும் சரக்கு மற்றும் சேவை வரி மசோதா 2017 ஆகிய 4 துணை மசோதாக்களுக்கு ஒப்புதல் அளிக்கப்பட்டது என்று கேபினட் கூட்டத்திற்கு பின்னர் வெளியிடப்பட்டுள்ள அறிக்கையில் கூறப்பட்டுள்ளது. இந்த வாரத்திலேயே இந்த 4 மசோதாக்களும் பண மசோதா என்ற பெயரில்  பாராளுமன்றத்தில் தாக்கல் செய்யப்பட்டு உடனடியாக விவாதமும் நடைபெறும். கேபினட் கூட்டத்தில் இந்த 4 மசோதாக்கள் மட்டும் எடுத்துக்கொள்ளப்பட்டு ஒப்புதல் அளிக்கப்பட்டது. ஜிஎஸ்டி வரிவிதிப்பு முறையை முடிந்த அளவு விரைவில் அமுல்படுத்த மத்திய அரசு உறுதிபூண்டுள்ளது. இது வரிவிதிப்பு முறையில் பெரிய சீர்திருத்தம் என்று கருதப்படுகிறது.  

இதை ஷேர் செய்திடுங்கள்:

சில சுவாரிஸ்யமான தகவல்கள்

கேட்ஜெட் ஆபத்து

குழந்தைகளின் மூளை வளர்ச்சியை நவீன தகவல் தொழில்நுட்ப சாதனங்களில் இருந்து வெளிப்படும் மின்காந்த அதிர்வலை தாக்கும் வாய்ப்புகள் அதிகம் உண்டு. குழந்தைகளின் கேட்ஜெட் பயன்பாட்டு நேரம் அதிகரிக்க அதிகரிக்க குழந்தையின் மொழி அறிவுத்திறனில் பாதிப்பு ஏற்படுமாம்.

ஆன்மீக ஸ்தலம்

தமிழ்நாட்டின் கோரமண்டல கடற்கரையோரம் அமைந்திருக்கும் வேளாங்கன்னி, அனைத்து மதத்தை சேர்ந்த மக்களுக்கும் ஆன்மீகத் ஸ்தலமாக விளங்கி வருகிறது. தமிழ்நாட்டின் நாகப்பட்டினம் மாவட்டத்தில் இருக்கும் இந்த வேளாங்கன்னியில் அன்னை மரியாவிற்கு ஒரு மகத்தான பேராலயம் எழுப்பப்பட்டிருக்கிறது. இங்கு கிறிஸ்துமஸ் பண்டிகை வெகு சிறப்பாக கொண்டாடப்படும். நாகப்பட்டினம், தஞ்சாவூர், சென்னை முதலிய பல இடங்களிலிருந்து பேருந்து வசதிகள் உள்ளன.

தண்டவாள கற்கள்

வெப்பம், நிலஅதிர்வு காரணமாக ரயில் தன்டவாளங்கள் சுருங்கி, விரிவதால், தண்டவாளங்கள் விலக வாய்ப்புள்ளது. இதைத் தடுக்கவே ஜல்லிக் கற்கள் பயன்படுத்தப்படுகின்றன. நீரின் தேக்கத்தால் தண்டவாளங்கள் மூழ்காமல் இருக்கவே ஜல்லிக் கற்கள் மீது தண்டவாளங்கள் அமைக்கப்படுகின்றன.

அத்திப்பழம் மகிமை

அத்திப்பழம் உணவை விரைவில் ஜீரணிக்க செய்து உடலுக்கு சுறுசுறுப்பைத் தருகிறது. பித்தத்தை வியர்வை மூலம் வெளியேற்றுகிறது. அத்திப்பழம் தின்பதால் வாய்நாற்றம் நீங்குவதுடன் தலைமுடியும் நீளமாக வளர்கிறது.  தினசரி 2 பழங்களை சாப்பிட்டால் உடலில் இரத்த உற்பத்தி அதிகரிக்கும். உடலும் வளர்ச்சி அடைந்து பருமனடையும்.  மலச்சிக்கல் போகும்.

'மொய் டெக்'

செல்போன் செயலியின் மூலமாக மொய் செய்பவரின் விவரங்களை எழுதிக்கொள்ள புது செயலியை உருவாக்கியுள்ளனர் உசிலம்பட்டிப் பெண்கள்.  'மொய் டெக்' எனும் இந்த செயலி வியக்க வைத்துள்ளது. மேலும் விழாக்களுக்கு வந்து மொய் எழுதும் மக்களுக்கு அவர்கள் மொய் செய்தமைக்கான ரசீது மற்றும் அவர்களது அலைப்பேசிக்கு குறுந்தகவல் என அசத்துகின்றனர்.

ரூ. 714 கோடியாம்

மறைந்த ஓவியர் ஷான் மிஷெல் பாஸ்கியா வரைந்த அந்த ஓவியம், நியூயார்க்கில் பிரபல ஏல நிறுவனத்தில் விற்பனை செய்யப்பட்டது. ஒரு மண்டையோடு வடிவத்தைக் கொண்ட முகத்தை இந்த ஓவியம் சித்தரிக்கிறது. இந்த ஓவியம், 110.5 மில்லியன் டாலர் களுக்கு விற்பனையானது. இந்திய மதிப்பில் இதன் விலை சுமார் 714 கோடி ரூபாய். இதை ஜப்பானைச் சேர்ந்த தொழில்முனைவர் வாங்கியுள்ளார். ஓவியர் ஷான் மிஷெலின் முந்தைய ஓவியத்தைக் காட்டிலும் இது கிட்டத்தட்ட இருமடங்கு விலைக்கு விற்கப்பட்டிருக்கிறது. தற்போது ஓவியத்தை ஏலத்தில் எடுத்தவர்தான் ஓர் ஆண்டுக்குமுன், ஷான் மிஷெலின் அந்த ஓவியத்தையும் விலைக்கு வாங்கினார். அமெரிக்காவைச் சேர்ந்த ஓவியக் கலைஞர்கள் வரைந்து விற்பனையான படைப்புகளிலேயே இது மிகவும் அதிக விலைக்குப் போனதாம்.

பளபளப்பு தேன்

தேனை முகத்தில் தடவி சிறிது நேரம் கழித்து ஸ்கரப் செய்து கழுவவேண்டும். இது சரும துளைகளில் அடைப்புக்களை ஏற்படுத்தாமல் அதில் உள்ள அழுக்குகளை வெளியேற்றும். எனவே இனிமேல் சோப்பு தேவையின்றி முகத்தை சுத்தம் செய்யலாம்.

ஆலமரம் ஆச்சரியம்

பாகிஸ்தானின் வடமேற்கு பகுதியில் இருக்கும் மாவட்டம் லண்டி கோட்டல். லண்டி கோட்டலில் இருக்கும் ஒரு இராணுவ முகாமில் தான் ஒரு ஆலமரம் நூறாண்டுகளுக்கு மேலாக கைது செய்யப்பட்டு சிறைப்படுத்தப்பட்டு இருக்கிறது. பிரிட்டிஷ் இராணுவ அதிகாரி ஒருவர்  மரம் தன்னை நோக்கி வந்ததாக கூறியதை அடுத்து இந்த மரத்தை சிறை வைத்தார்களாம்.  இன்றளவும் அந்த மரம் சங்கலிகளால் கட்டுப்பட்டு தான் வைத்திருக்கிறார்கள். பிரிட்டிஷ் காலத்தில், இந்த மரத்தை ஆணையை மீறி யாரேனும் செயற்பட்டால், அவர்களுக்கும் இதே தண்டனை என பிரிட்டிஷ் அதிகாரி கண்டித்தும் இருந்தாராம்.

ஈறு பிரச்சனையா?

நீண்ட நாட்களாக பல் ஈறு பிரச்சனை உள்வர்களுக்கு மாரடைப்பு அதிகமாக ஏற்படுகிறது எனவும், சாதாரன ஈறு பிரச்சனை உள்வர்களுக்கு இதயக்கோளாறுகள் ஏற்படும் ஆபாயம் உள்ளது என்றும், மருத்துவ நிபுணர்கள் கூறுகிறார்கள். எனவே, இப்பிரச்சனையில் இருந்து விடுபட தினமும் இருமுறை பல்துலக்க வேண்டுமாம்.

மொழி மாற்றம்

ட்ராவிஸ் எனும் மொழிமாற்றிச் சாதனம் தற்போது அறிமுகப்படுத்தப்பட்டுள்ளது. சிறிய வடிவில் இருக்கும் இந்த சாதனம் நிகழ்நேர முறையில் மொழிமாற்றம் செய்யக்கூடிய வகையில் வடிவமைக்கப்பட்டுள்ளது. இதில் 80 வகையான மொழிகள் உள்ளடக்கப்பட்டுள்ளன. நம் மொழியில் சொல்லும் வார்த்தையை பிற மொழிகளில் அழகாக மாற்றம் செய்து கொடுக்கும் திறன் உடையது.

மொபைல் ஜாக்கிரதை

இந்தியாவில் நுகர்வோர்கள் பயன்படுத்தும் பேமண்ட் ஆப்ஸ்கள் அனைத்தும் முழுமையான பாதுகாப்பு கொண்டவைகள், ஆனால், பாதுகாப்பான மொபைல் பேமண்ட் ஆப்ஸ்கள் கிடையாதாம். மொபைல் பேமண்ட் சேவைகளில் பயனர் தரவு பாதுகாக்கும் மென்பொருள் நிலை பாதுகாப்பு மட்டுமே உள்ளது, வன்பொருள் அடிப்படையிலான குறியாக்கம் கிடையாது. ஆக அது பயனர் உள்நுழைவு விவரங்கள் மற்றும் தரவு ஆகியவைகளை அணுக அனுமதிக்கக்கூடும் என்று தெரியவந்துள்ளது.

புதிய எரிபொருள்

பாசியின் மூலம் விமான எரிபொருளை உருவாக்கியுள்ளனர் ஜப்பான், யூக்ளினா நிறுவனத்தைச் சேர்ந்த ஆய்வாளர்கள். அந்த வகை பாசியிலிருந்து தயாரிக்கப்படும் வேதியியல் கலவையை விமானத்தில் எரிபொருளாகப் பயன்படுத்த முடியுமாம். இந்த கலவை மூலம் ஆண்டுக்கு 33,000 கலோன்கள் எரிபொருள் தயாரிக்க இலக்கு நிர்ணயித்துள்ளது.