நெல்லை அதிவிரைவு ரயிலுக்கு சிறந்த பராமரிப்பு விருது

திங்கட்கிழமை, 20 மார்ச் 2017      திருநெல்வேலி

தெற்கு ரயில்வேயில் சிறந்த பராமரிப்புக்கான விருதை நெல்லை அதிவிரைவு ரயில் பெற்றுள்ளது. இதற்காக பாராட்டுச் சான்றிதழும், ரூ.10 ஆயிரம் ரொக்கப் பரிசும் நெல்லை பராமரிப்புப் பிரிவுக்கு அளிக்கப்பட்டுள்ளது.

திருநெல்வேலி-சென்னைக்கு தினமும் இயக்கப்படும் நெல்லை அதிவிரைவு ரயில், தெற்கு ரயில்வே துறைக்கு அதிக வருவாய் பெற்றுத்தரும் பிரதான ரயில்களில் ஒன்றாகும். இதில், 7 குளிர்சாதன வசதி கொண்ட பெட்டிகள், 12 படுக்கை வசதி பெட்டிகள், 3 பொது பெட்டிகள், 2 ரயில்வே ஊழியர் பெட்டிகள் என மொத்தம் 24 பெட்டிகள் இடம்பெற்றுள்ளன. மதுரை கோட்டத்தின் கீழ் திருநெல்வேலி சந்திப்பு ரயில் நிலையம் அருகேயுள்ள பராமரிப்பு நிலையத்தில் (பிட்லைன்) நெல்லை அதிவிரைவு ரயில், பிலாஸ்பூர் விரைவு ரயில் மற்றும் சிறப்பு ரயில்கள் பராமரிக்கப்படுகின்றன.தெற்கு ரயில்வே பொறியியல் துறை சார்பில் அண்மையில் நடைபெற்ற சிறந்த ரயில் பராமரிப்புக்கான தேர்வில் மதுரை திருவனந்தபுரம், பாலக்காடு, சென்னை, சேலம், திருச்சி கோட்டங்களில் இருந்து தலா ஒரு விரைவு ரயில் போட்டியில் பங்கேற்றது. இதில் நெல்லை அதிவிரைவு ரயில் சிறந்த பராமரிப்புக்கான விருதைப் பெற்றது. இதற்காக ரூ.10 ஆயிரம் ரொக்கப் பரிசையும், பாராட்டுச் சான்றிதழையும் தட்டிச் சென்றது.பெட்டிகளில் புதுமைகள்: இதுகுறித்து ரயில்வே வட்டாரங்கள் கூறியது: நெல்லை அதிவிரைவு ரயிலில் பெட்டி எண், இருக்கை எண் குறிப்பிடுதல், தீயணைப்புக் கருவி இருப்பிடம், அவற்றை உபயோகிக்கும் முறை, பாதுகாப்பு ஜன்னல் பாதை, ரயில் பெட்டியை அதிக அழுத்தத்தில் தண்ணீர் அடித்து சுத்தப்படுத்துதல் ஆகிவற்றில் கூடுதல் கவனம் செலுத்தப்படுகிறது. ஒரு ரயில் பெட்டியில் 400 லிட்டர் கொள்ளளவு கொண்ட 4 தண்ணீர் தொட்டிகள் அமைத்து பராமரிக்கப்படுகிறது. கரப்பான், எலி, மூட்டைப்பூச்சி உள்ளிட்டவற்றின் தொல்லையைக் கட்டுப்படுத்த முறையான நடவடிக்கை எடுக்கப்படுகிறது என்றனர்.பயணிகளுக்கு அக்கறை தேவை: திருநெல்வேலி ரயில் நிலைய மேலாளர் கல்யாணி கூறியதாவது: நெல்லை அதிவிரைவு ரயிலுக்கு விருது கிடைத்திருப்பது மகிழ்ச்சியளிக்கிறது. திருநெல்வேலி பராமரிப்புக் குழுவினரின் துரித பணிகள் பாராட்டுக்குரியதாகும். உணவுப் பொருள்களை பெட்டிகளுக்குள் கொட்டிவிட்டு அப்புறப்படுத்தாமல் செல்வது போன்றவற்றை கைவிட்டு, ரயில்களின் பராமரிப்பு விஷயத்தில் பயணிகளும் அக்கறை காட்ட வேண்டும். தூய்மை இந்தியா திட்டத்தின் கீழ் ரயில்வே துறையில் புதிய மாற்றங்கள் செய்யப்பட்டு வருகின்றன.அந்த வகையில் மனிதக்கழிவுகள் பாக்டீரியா மூலம் மட்கிப்போகும் விதத்தில் பயோ கழிவறைகள் ரயில்களில் பொருத்தப்பட்டுள்ளன. இவற்றில் காகிதம் உள்ளிட்டவற்றை போடக்கூடாது என அறிவுறுத்தப்பட்டுள்ளது. எனினும், சில பயணிகள் இதைக் கடைப்பிடிப்பதில்லை. விதிமீறல்களை ரயில் பயணிகள் கைவிட்டால் பராமரிப்பு மேலும் சிறப்பாக அமையும் என்றார் அவர்.


 

இதை ஷேர் செய்திடுங்கள்:

சில சுவாரிஸ்யமான தகவல்கள்

வேற்று கிரகவாசிகளை அறிய ...

வேற்று கிரகங்களில் மக்கள் வாழ்கின்றனரா என்பதை அறிய ’நாசா’ மையம் ஆய்வு மேற்கொண்டுள்ளது. கெப்லர் விண்வெளி தொலைநோக்கி மூலம் சூரிய மண்டலத்திற்கு வெளியே வாழக்கூடிய உயிரினங்கள் கூறித்து அது ஆய்வு நடத்தி வருகிறது. இதுவரை வேற்றுகிரகவாசிகள் பூமியை ஏன் தொடர்பு கொள்ளவில்லை என்பதை தற்போது விஞ்ஞானிகள் கண்டறிந்துள்ளனர்.  இதற்கு மனித இனம் இன்னும் முன்னேறாமல் இருப்பதே காரணமாம். அதாவது, இந்த பிரபஞ்சத்தில் பூமியில் உள்ள மனித இனம் மிக இளமையானதாக இருக்கிறதாம். ஒரு நாகரிகத்தின் தொடக்கம் குறைந்த பட்சம் 10 லட்சம் ஆண்டுகளாக இருக்க வேண்டும். அதாவது நாம் இன்னமும் ஒப்பிட்டளவில் சிம்பன்சிகளை போலவே தெரியலாம் என் ஆய்வாளர்கள் கருதிகின்றனர்.

உணவில் கவனம்

காரமான உணவுகள், இரைப்பையில் அமில சுரப்பை அதிகரித்து உடலை பரபரப்புடன் இருக்க செய்வதால் கோபத்தை ஏற்படுத்தும். எண்ணெயில் பொரித்த உணவுகளை உட்கொள்வது, காபி அல்லது டீயை ஒரு நாளில் அதிகளவு பருகுதல், பிஸ்கட், சிப்ஸ், சூயிங் கம் மற்றும் செயற்கை சுவையூட்டிகள், ஆல்கஹால் ஆகியவை கோபத்தை ஏற்படுத்தும்.

மதுவினால் தீமை

பெண்கள் மது குடிப்பதால் அதிக உடல்நல பாதிப்புக்கு உள்ளாகிறார்கள். உடல் எடை கூடுவது, கல்லீரல் பாதிப்பு, இதயநோய், வயிற்றுப்புண், கண்பார்வை மங்குதல் போன்றவை ஏற்படும். கர்ப்பிணி பெண்கள் மதுகுடித்தால் பிறக்கும் குழந்தைகளுக்கு குறைபாடு ஏற்படும். மேலும், குழந்தை உண்டாகும் வாய்ப்பு குறைவாகும். குறிப்பாக மார்பக புற்றுநோய் தாக்கும் அபாயம் அதிகம்.

பீர்க்கங்காய் மகத்துவம்

பீர்க்கங்காயில் நார்ச்சத்து, ‘ஏ’, ‘பி’, ‘சி’ வைட்டமின்கள், தாது உப்புகள் போன்றவை அளவுடன் அமைந்திருப்பதால் நீரிழிவு நோயாளிகள் பயமின்றி சாப்பிடலாம்.சொறி, சிரங்கு, புண்கள் முதலியன குணமாகப் பீர்க்கன் கொடி இலைகளை அரைத்து, அந்த இடங்களில் வைத்துக் கட்டினால் குணமாகிவிடும்.  தோல் நோயாளிகள் இதை சாப்பிட்டு வந்தால் இரத்தம் சுத்தமாகி நோய் விரைவாக குணமாகும்.

எளிய முறை

ஆண்ட்ராய்டு ஸ்மார்ட்போனில் டைப் செய்யாமலேயே டைப் செய்து, மற்றவர்களுக்கு குறுந்தகவல் அனுப்ப முடியும். இதற்கு, ஆண்ட்ராய்டில் ஸ்பீச் டூ டெக்ஸ்ட் வசதியை பயன்படுத்தி ஸ்மார்ட்போனில் பேசினாலே டெக்ஸ்ட் டைப் செய்யப்படும். இதற்கு கீபோர்டு செயலியை ஓபன் செய்து, அதன் ஓரத்தில் காணப்படும் மைக்ரோபோன் பட்டனை அளித்தினால் போதும்.

ஆண்களின் குணம்

ஆண்கள் தைரியமான மற்றும் தன்னம்பிக்கையுடன் செயல்படும் பெண்களை அதிகம் விரும்புவார்கள். இதன்மூலம், தனக்கு துணையாக வரும் பெண் எப்பொழுதும் தன்னை சார்ந்து இல்லாமல் இருக்க முடியும் என நம்புகின்றனர். எப்போதும் நச்சரித்துக் கொண்டே இருக்கும் பெண்களைக் கண்டால், ஆண்களுக்கு சுத்தமாக பிடிக்காது. புத்திசாலித்தனத்துடன் இருக்கும் பெண்களை பெரிதும் விரும்புவர்.

எளிய பயிற்சிஎளிய பயிற்சி

இதயம், எலும்புகள் பலப்படுத்தி, மன அழுத்தத்தை குறைக்கும் சிறந்த மற்றும் எளிய பயிற்சியான நடை பயிற்சி உடல் உறுப்புகள் அனை்ததுக்கும் பயனளித்து, கொழுப்பைக் கரைத்து, உடலை கட்டுகோப்பாக வைக்கிறது. நடைபயிற்சியை நாம் தொடர்ந்து தடையில்லாமல் மேற்கொள்ள காலை பொழுதில், பூங்காக்களில் நண்பர் அல்லது உறவினரோடு நடப்பதை வழக்கப்படுத்தி கொள்ள வேண்டும்.

மடக்கும் பைக்

டீசல் மற்றும் பெட்ரோல் வாகனங்களுக்கு மாற்றாக மின்சாரத்தில் இயங்கும் வாகனத்தை தயாரிக்க ஆர்வம் பெருகியுள்ள நிலையில், கச்சிதமான எலெக்ட்ரிக் பைக்கினை ஷென்ஷென் எனும் சீன நிறுவனம் தயாரித்துள்ளது. ஸ்மாசர்க்கிள் எஸ் 1 என்று பெயரிடப்பட்டுள்ள இந்த எலெக்ட்ரிக் பைக் சுமார் 7 கிலோ எடை கொண்டது. மணிக்கு 20 கி.மீ. வேகத்தில் செல்லும் திறன் பெற்றது. இந்த எலெக்ட்ரிக் பைக்கை 5 எளிய முறைகளைப் பயன்படுத்தி மடித்து நமது கைப்பைக்குள் வைத்துக்கொள்ளலாம் என்பது இதன் கூடுதம் சிறபம்சம். 36 வோல்ட் பேட்டரியில் இயங்கும் இந்த எலெக்ட்ரிக் பைக், இரண்டரை மணி நேரத்தில் முழுவதும் சார்ஜ் ஆகிவிடுமாம். ஸ்மார்ட் போன் மூலம் கட்டுப்படுத்தும் வகையில் வடிவமைக்கப்பட்டுள்ள ஸ்மாசர்க்கிள் எஸ் 1 எலெக்ட்ரிக் பைக், 100 கிலோ எடை வரை தாங்குமாம்.  

பி.எம்.டபுள்யூ ஸ்கூட்டர்

பி.எம்.டபுள்யூ சுற்றுச்சூழலுக்கு கேடு விளைவிக்காத மின்சாரத்தால் இயங்கும் ஸ்கூட்டரை வெளியிட உள்ளது. இத்தாலியில் நடைப்பெற்ற கண்காட்சி ஒன்றில் பி.எம்.டபுள்யூ நிறுவனம் உருவாக்கவுள்ள மின்சார ஸ்கூட்டரை அறிமுகம் செய்தது. நகர பயன்பாட்டை மனதில் வைத்து இந்த ஸ்கூட்டர் தயாரிக்கப்பட உள்ளது. இதில் செராமிக் எல்.இ.டி விளக்கு முகப்பில் அமைக்கப்படுகிறது. ஆங்கில ''சி'' எழுத்து வடிவத்திலான விளக்குகள் பின்புறத்தில் அமைக்கப்படுகிறது. இதனுடைய இருக்கைகளில் பயணிகளின் எண்ணிக்கையை பொறுத்து மாற்றக்கூடிய சிறப்பம்சமும், தொடுதிரை வசதியுடன் கூடிய இன்ஃபோடெய்ன்மெண்ட் சிஸ்டம் உள்ளது. டிஸ்பிளேவில் வேகம், போகும் பாதை, ஹேண்டில் பார்களை பயன்படுத்தும் முறை ஆகியவை உடனே திறையில் தோன்றும் வகையில் உள்ளது.

திருமண பந்தம்

திருமணம் மற்றும் ஆரோக்கியம் சம்மந்தமாக, சுமார் 16 ஆண்டுகள் நடத்தப்பட்ட ஆய்வில் , திருமணம் ஆனவர்களை விட தனியாக இருப்பவர்கள் ஆரோக்கியமாக இருப்பதாகவும் குறைவான அளவே உடல் பாதிப்புகள் ஏற்படுவதாகவும் தெரியவந்துள்ளது. மேலும், திருமணம் ஆனவர்கள் விவாகரத்து பெறும்போது, அவர்களது ஆரோக்கியம் மேலும் பாதிக்கப்படுவதாக ஆய்வு தெரிவிக்கிறது.

நிறத்தை அதிகரிக்க

புளி வெறும் சுவைக்கு மட்டுமின்றி, உடல் ஆரோக்கியத்தைப்பாதுகாக்கவும் பயன்படுகிறது. புளி சருமத்தின் பொலிவை அதிகரிக்கவும் உதவும். அதற்கு புளியை சுடுநீரில் ஊற வைத்து சாறு எடுத்து, அதில் சிறிது மஞ்சள் தூள் சேர்த்து கலந்து, முகத்தில் தடவி 10 நிமிடம் ஊற வைத்து கழுவ வேண்டும். இப்படி வாரம் இரண்டு முறை செய்து வந்தால், சருமத்தின் பொலிவு அதிகரிக்கும்.

ஒற்றைக் காலில் ....

நாரைகள் ஒற்றைக் காலில் நிற்பதற்கு காரணம் தற்போது தெரியவந்துள்ளது. உடலின் சக்தியை சேமிக்க அவை ஒற்றைக்காலில் நிற்கின்றனவாம். உடலின் இயக்கத்தைக் கட்டுப்படுத்தி நீண்ட நேரம் நிற்கும் வகையில் நாரைகள் இவ்வாறு நிற்கின்றதாம். ஒற்றைக்காலில் நிற்கும்போது அவைகளின் உடலில் மற்ற எந்த தசைகளும் செயல்படுவதில்லை என ஆய்வில் தெரிய வந்துள்ளது.