முக்கிய செய்திகள்
Idhayam Matrimony

உத்தரப்பிரதேச முதல்வர் தேர்வில் ஆர்.எஸ்.எஸ். தலையிடவில்லை அமைச்சர் வெங்கையாநாயுடு மறுப்பு

செவ்வாய்க்கிழமை, 21 மார்ச் 2017      அரசியல்
Image Unavailable

லக்னோ  - உத்தரப்பிரதேச முதல்வர் தேர்வில் ஆர்.எஸ்.எஸ். தலையிடவில்லை என்று மத்திய அமைச்சரும், உத்தரபிரதேசத்தின் மேலிட பார்வையாளருமான வெங்கையாநாயுடு மறுப்பு தெரிவித்துள்ளார்.

யோகி ஆதித்யநாத் ...
உத்தரபிரதேசத்தில் பாரதிய ஜனதா அமோக வெற்றி பெற்று ஆட்சியை பிடித்ததையடுத்து முதல்வராக யோகி ஆதித்யநாத் தேர்ந்தெடுக்கப்பட்டார். அவர் கடந்த 3 நாட்களுக்கு முன் பதவி ஏற்றுக் கொண்டார். உத்தரபிரதேச முதல்வராக வேறொரு நபரை தேர்வு செய்ய பிரதமர் மோடி விரும்பியதாகவும், ஆனால் ஆர்.எஸ்.எஸ். தலையீட்டால் யோகி ஆதித்யநாத் தேர்வு செய்யப்பட்டதாகவும் தகவல்கள் வெளியாகின.

மாயாவதி குற்றச்சாட்டு
இதுசம்மந்தமாக பகுஜன் சமாஜ் கட்சி தலைவர் மாயாவதியும் கருத்து வெளியிட்டு இருந்தார். ஆர்.எஸ்.எஸ். விருப்பப்படி யோகி ஆதித்யநாத்தை முதல்வராக தேர்வு செய்துஇருக்கிறார்கள். மக்கள் அளித்த தீர்ப்புக்கு மாறாக பாரதிய ஜனதா நடந்து கொண்டிருக்கிறது என்று கூறியிருந்தார். இதற்கு மத்திய அமைச்சரும், உத்தரபிரதேசத்தின் மேலிட பார்வையாளருமான வெங்கையாநாயுடு மறுப்பு தெரிவித்துள்ளார். அவர் கூறியதாவது:-

வெங்கையா மறுப்பு
நாங்கள் மக்களின் தீர்ப்பை ஏற்று அதற்கு ஏற்றாற்போல்தான் முதல்வரை தேர்வு செய்து இருக்கிறோம். இதில் மக்கள் எண்ணங்களுக்கு மாறாக எதையும் செய்யவில்லை. முதல்வராக யாரை தேர்வு செய்யலாம் என்பது குறித்து கட்சி விதிகள்படி எல்லா நடவடிக்கைகளும் மேற்கொள்ளப்பட்டன. முதலில் எம்.எல்.ஏ.க்கள் கூட்டம் நடத்தப்பட்டது. அதில் முதல்வர் தேர்வு பற்றி முழுமையாக விவாதிக்கப்பட்டது. எம்.எல்.ஏ.க்கள் கூறிய கருத்துக்களை தேசிய தலைவர் அமித்ஷாவிற்கு கொண்டு சென்றோம். பின்னர் நான் எம்.எல்.ஏ.க்கள் கூட்டத்தை மீண்டும் நடத்தினேன். அதில் சுரேஷ்கண்ணா யோகி ஆதித்யநாத் பெயரை முன்மொழிந்தார். அதைத்தொடர்ந்து 9 பேர் வழிமொழிந்தனர்.

ஆர்.எஸ்.எஸ். தலையீடு ...
இதன்பின்னர் தான் யோகி ஆதித்யநாத்தை முதல்வராக நாங்கள் தேர்வு செய்தோம். இந்த வி‌ஷயத்தில் ஆர்.எஸ்.எஸ். தலையிடவே இல்லை. மாநில வளர்ச்சியை கருதி யோகி ஆதித்யநாத்தை முதல்வராக தேர்வு செய்திருக்கிறோம். அவர், நான் எந்த பாகுபாடும் இல்லாமல் மாநில வளர்ச்சியை மட்டுமே கருத்தில் கொண்டு பணியாற்றுவேன் என்று கூறியிருக்கிறார். அவர் 22 ஆண்டுகளுக்கு முன்பே தனது குடும்பத்தை விட்டு பிரிந்து வந்து சமூக சேவைப்பணிகளில் தொடர்ந்து ஈடுபட்டு வருகிறார். அவர் ஒருபோதும் ஜாதி ரீதியாகவோ, மத ரீதியாகவோ பணியாற்ற வாய்ப்பு இல்லை .இவ்வாறு வெங்கையாநாயுடு கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 5 days ago ஆவாரம்பூவின் மருத்துவ பலன்கள் 2 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 1 week ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 4 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 4 weeks ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.