முக்கிய செய்திகள்
Idhayam Matrimony

மறைந்த முதல்வர் ஜெயலலிதா காரில் சுழல் விளக்கை பயன்படுத்தியதே இல்லை: முதல்வர் எடப்பாடி பேட்டி

வியாழக்கிழமை, 20 ஏப்ரல் 2017      தமிழகம்
Image Unavailable

சென்னை  - மத்திய அரசின் உத்தரவை அடுத்து, தமிழக முதல்வர் எடப்பாடி பழனிசாமி தனது வாகனத்தில் பொருத்தப்பட்டிருந்த சிவப்பு சுழல் விளக்கை தாமாகவே அகற்றினார். மறைந்த முதல்வர் ஜெயலலிதா முதலமைச்சராக இருந்தபோதே, தமது காரில் சுழல் விளக்கை பயன்படுத்தியதில்லை என அப்போது அவர் பெருமிதத்துடன் தெரிவித்தார்.  முக்கிய பிரமுகர்கள், கார்களில் சிவப்பு சுழல் விளக்கு பொருத்துவது தொடர்பாக பல்வேறு கட்டுப்பாடுகளை மத்திய அரசு விதித்துள்ளது. அதன்படி, மிகவும் அவசர தேவைக்குப் பயன்படுத்தப்படும் ஆம்புலன்ஸ், போலீஸ் வாகனங்கள், தீயணைப்பு வாகனங்களில் மட்டுமே இத்தகைய சிவப்பு சுழல் விளக்குகள் பயன்படுத்தப்படலாம் என மத்திய அமைச்சரவை நேற்று முடிவு செய்தது.

மேலும், ஜனாதிபதி, துணை ஜனாதிபதி, பிரதமர், மக்களவை சபாநாயகர், உச்சநீதிமன்ற தலைமை நீதிபதி ஆகியோரின் கார்களில் மட்டுமே சிவப்பு விளக்கு பொருத்திக்கொள்ள அனுமதி வழங்கப்படும் என மத்திய அரசு தெரிவித்துள்ளது. இதனையடுத்து, பல்வேறு மாநில முதல்வர்களும் , அமைச்சர்களும் தங்கள் வாகனங்களில் உள்ள சிவப்பு சுழல் விளக்குகளை அகற்றியுள்ளனர்.

தமிழக முதல்வர் . எடப்பாடி கே.பழனிசாமி, தனது வாகனத்தில் பொருத்தப்பட்டிருந்த சுழல் விளக்கை தலைமை செயலகத்தில் நேற்று தாமாகவே அகற்றினார். அப்போது பேசிய அவர், மறைந்த முன்னாள் முதல்வர் ஜெயலலிதா தமிழக முதலமைச்சராக இருந்த காலத்திலேயே தமது காரில் சுழல் விளக்கை பயன்படுத்தியதில்லை என குறிப்பிட்டார். தமிழகத்தில் நிலவும் குடிநீர்ப் பிரச்னைக்கு முன்னுரிமை அளிக்கும் வகையில் உள்ளாட்சித்துறைக்கு ஏற்கனவே 500 கோடி ரூபாய் ஒதுக்கப்பட்டுள்ள நிலையில், தற்போது மேலும் 100 கோடி ரூபாய் ஒதுக்கப்பட்டுள்ளதாக குறிப்பிட்டார். ஜெயலலிதா ஆட்சியில் போடப்பட்ட திட்டங்கள் நிறைவேற்றப்பட்டு வருவதாகவும் அவர் தெரிவித்தார். தமிழக அமைச்சர்கள் மற்றும் அதிகாரிகளும், தங்கள் வாகனங்களில் உள்ள சுழல் விளக்குகளை அகற்றுவார்கள் என முதலமைச்சர்.எடப்பாடி பழனிசாமி மேலும் தெரிவித்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago