ஈரோடு மாவட்டத்தில் பரவலாக மழை பவானியில் அதிகபட்சமாக 38 மில்லி மீட்டர் பதிவு

ஈரோடு மாவட்டத்தில் கடந்த 1½ மாதங்களுக்கும் மேலாக வெயில் சுட்டெரித்து வருகிறது. தினமும் 104 டிகிரிக்கு மேல் வெயில் பொதுமக்களை வாட்டி வதைக்கிறது. அதேசமயம் மாலை நேரங்களில் பல்வேறு இடங்களில் பரவலாக மழை பெய்தும் வருகிறது. நேற்று முன்தினம் பவானி, பெருந்துறை, கவுந்தப்பாடி மற்றும் சுற்றுவட்டார பகுதிகளில் மழை பெய்தது. இதில் பவானியில் அதிகபட்சமாக 38 மில்லி மீட்டர் மழை பதிவானது.ஈரோடு மாவட்டத்தில் நேற்று முன்தினம் பெய்த மழை அளவு விவரம் மில்லி மீட்டரில் வருமாறு–பவானி – 38, வரட்டுப்பள்ளம் – 24.2, கவுந்தப்பாடி – 20, பெருந்துறை –20, தாளவாடி – 5, கோபிசெட்டிபாளையம் – 4, அம்மாபேட்டை – 2, கொடிவேரி – 1.