மதுரை சித்திரை திருவிழாவின் சிகர நிகழ்ச்சி: தங்கக் குதிரை வாகனத்தில் கள்ளழகர் இன்று வைகை ஆற்றில் இறங்குகிறார்

செவ்வாய்க்கிழமை, 9 மே 2017      ஆன்மிகம்
alagar etircevai

மதுரை  - மதுரை சித்திரை திருவிழாவின் சிகர நிகழ்ச்சியான  கள்ளழகர் ஆற்றில் இறங்கும் வைபவம் இன்று கோலாகலமாக நடைபெறவுள்ளது. தங்கக் குதிரை வாகனத்தில்  பட்டுஉடுத்தி கள்ளழகர் வைகை ஆற்றில் இறங்குகிறார். இதனை ஆயிரக்கணக்கான பக்தர்கள் கண்டு சாமி தரிசனம் செய்வார்கள்.

சித்திரை திருவிழா
மதுரையில் முத்திரை பதிக்கும் விழாக்களில் சித்ரா பெளர்ணமி நாளில் நடைபெறும்  கள்ளழகர் ஆற்றில் இறங்கும் வைபவமே  பெரிய திருவிழாவாக கொண்டாடப்படுகிறது. கடந்த பத்து நாட்களாக வெகு விமர்சையாக கொண்டாடப்பட்டு வரும் சித்திரை திருவிழாவில் உச்சகட்டமாக கள்ளழகர் என்று அழைக்கப்படுகின்ற சுந்தராஜ பெருமாள் வைகையாற்றில் இறங்கும்   வைபவமே சிறப்பானதாகும்.

மதுரைக்கு புறப்பட்டார்
அதன்படி மீனாட்சி அம்மன் கோவில் முக்கிய நிகழ்ச்சியான திருக்கல்யாணம் 7-ம் தேதியும்,  தேரோட்டம் மறுநாளும் சிறப்பாக நடைபெற்றது. இதனை தொடர்ந்து அழகர் மதுரைக்கு எழுந்தருளும் திருவிழா தொடங்கியது. நேற்று முன்தினம் இரவு 7 மணிக்கு அழகர் கோயிலிலிருந்து தோளுக்கினியான் என்கிற சுந்தராஜபெருமாள் கள்ளர் திருக்கோலத்தில் தங்க பல்லக்கில் மதுரைக்கு புறப்பட்டார். வழியில் உள்ள பொய்கரைப்பட்டி, கள்ளந்திரி, அப்பன்திருப்பதி, சுந்தராஜன்பட்டி, ஆகிய இடங்களில் தங்கி நேற்று  அதிகாலை 2.30 மணிக்கு மதுரை நகருக்கு எழுந்தருளினார். வழி நெடுகிலும் அமைக்கப்பட்டிருந்த 400-க்கும் மேற்பட்ட திருக்கண் மண்டகப்படிகளில் கள்ளழகர் எழுந்தருளி பக்தர்களுக்கு அருள்பாலித்தார். நள்ளிரவிலும் கிராம மக்கள் திரண்டு வந்து சாமி தரிசனம் செய்தனர்.


மூன்று மாவடியில் அழகர்
நேற்றுக்காலை 6 மணிக்கு நகர எல்லையான மூன்று மாவடிக்கு கள்ளழகர் வருகை தந்தார். அப்போது ஆயிரக்கணக்கான பக்தர்கள் எதிர்கொண்டு (எதிர்சேவை) கள்ளழகரை வரவேற்றனர். பக்தர்கள், செம்புகளில் சர்க்கரை, இனிப்புகளை நிரப்பி தீபாராதனை காட்டினர். அப்போது கோவிந்தா, கோவிந்தா என பக்திபரவசத்துடன் பக்தர்கள் சாமி தரிசனம் செய்தனர். தொடர்ந்து கள்ளழகர் புதூர் வழியாக அவுட் போஸ்டில் உள்ள மாரியம்மன் கோவிலுக்கு வந்தார். அங்கும் பக்தர்கள் திரண்டு சாமி தரிசனம் செய்தனர். அங்கிருந்து நேற்று மாலை 5 மணிக்கு அழகர் புறப்பட்டு அம்பலக்கார மண்டபத்துக்கு வந்தார். பின்னர் இரவு 9.30 மணிக்கு  தல்லாகுளத்தில் உள்ள பிரசன்ன வெங்கடாஜலபதி கோவிலுக்குள் பக்தர்களுக்கு அருள்பாலித்தார். அங்கு திருமஞ்சனமாகி, தங்க குதிரை வாகனத்தில் எழுந்தருளினார்.

இன்று ஆற்றில் இறங்குகிறார்
பின்னர்  ஸ்ரீவில்லிபுத்தூர் ஆண்டாள் சூடிக்கொடுத்த திருமாலையை அணிந்து கொண்டு இரவு 12 மணிக்கு  தமுக்கம் கருப்பணசுவாமி கோயிலுக்கு வந்தார். அங்கு ஆயிரம் பொன் சப்பரம் நிகழ்ச்சி நடைபெற்றது. வழிநெடுக மண்டகப்படிகளில் எழுந்தருளும் கள்ளழகர் தங்க குதிரை வாகனத்தில் இன்று காலை 6.15 மணிக்கு வைகை ஆற்றில் இறங்குகிறார்.

உள்ளூர் விடுமுறை
இந்நிகழ்ச்சியைக் காண வைகை ஆற்றில் 10 லட்சத்துக்கும் அதிகமான பக்தர்கள் திருளுகிறார்கள். இதனையொட்டி ப க்தர்களுக்கு தேவையான குடிநீர், கழிப்பிட வசதிகள் செய்யப்பட்டுள்ளன. அழகரை வரவேற்பதற்காக  கள்ளழகர் வேடமிட்ட 100-க்கணக்கான  பக்தர்கள் மதுரை வந்துள்ளனர். இவர்கள் அனைவருமே  நேர்த்திக்கடன் நேர்ந்தவர்கள். இவர்கள் யாவரும் வைகை ஆற்றில் தண்ணீர் பிடித்து அதனை பீச்சி, பைமூலம்  தண்ணீரை தெளித்து கோடையின் வெயிலை தணிப்பதோடு, தங்களது நேர்த்திக்கடனையும் நிறைவேற்றுவார்கள். கள்ளழகர் வைகை ஆற்றில் இரங்குவதையொட்டி இன்று  உள்ளூர் விடுமுறை அறிவிக்கப்பட்டுள்ளது. போக்குவரத்து மாற்றம் செய்யப்பட்டுள்ளது. பாதுகாப்பு ஏற்பாட்டுக்களுக்காக  2000 போலீசார் குவிக்கப்பட்டுள்ளனர்.
ஆற்றில் இறங்கிய பிறகு அழகர் வண்டியூர் செல்வார். அங்கு வீரராகவ பெருமாள் கோவிலில் பக்தர்களுக்கு காட்சி கொடுப்பார். நாளை சேஷ வாகனத்தில் வீதி உலா வரும் அழகர் மண்டூக முனிவருக்கு சாப விமோசனம் அளிப்பார். பிறகு தசாவதாரம் நடைபெறும். மறுநாள் அழகர் அழகர்கோவிலுக்கு புறப்பட்டுச் செல்வார்.

இதை ஷேர் செய்திடுங்கள்:

சில சுவாரிஸ்யமான தகவல்கள்

எய்ட்ஸ் நோய்

உலகம் முழுவதும் ஏராளமானோரை தாக்கி உயிர் பலி வாங்கும் எய்ட்ஸ் நோய்க்கு முற்றிலும் குணப்படுத்தும் சிகிச்சை முறையை விஞ்ஞானிகள் கண்டு பிடித்துள்ளனர். மரபணு சிகிச்சை மூலம் எச்.ஐ.வி. கிருமி உடலில் வளரும் போதே அவற்றை அழித்து விடலாம். உயிர் இழப்புகளை தடுத்து விடலாம். விரைவில் இந்த மருத்துவ முறையை மனிதனிடம் சோதனை நடத்தி நடைமுறைக்கு கொண்டு வர உள்ளனர்.

தூக்கம் வர

தூக்கம் வராமல் தவிப்பவர்களுக்கு இதோ ஒரு டிப்ஸ். உறங்குவதற்கு முன்பு ஒரு வாழைப்பழமும், வெதுவெதுப்பான பாலும் சாப்பிடுவது நல்ல உறக்கத்தை தரும், காரணம் உறக்கதிற்கான ஹார்மோன் மெலடோனின் மூலம் சிறந்து செயல்படுகிறது. மேலும், பாலில் இருக்கும் டிரிப்டோபென் ஆழ்ந்த உறக்கத்தை நமக்கு தருகிறது.

நாய்களின் திறமை

நாயின் மூளையில் உள்ள மோப்ப சக்தி, மனிதனின் மோப்ப சக்தியை விட 40 மடங்கு அதிகம். எனவே நாய்களுக்கு பயிற்சி அளிப்பதன் மூலம் மனித நோயை கண்டறிவதற்கான முழுத் திறனும் நாய்களுக்கு உள்ளது உறுதி செய்யப்பட்டுள்ளது. தற்போது மருத்துவர்களுக்கு உதவும் வகையில், பார்கின்ஸன்ஸ் நோய் ஆரம்பகட்டத்தில் இருப்பவர்களை கண்டுபிடிக்க நாய்களுக்கு பயிற்சி அளிக்கப்படுகிறது. நாய்களின் மூக்கில் உள்ள துவாரத்தில் இருந்து வெளிப்படும் மெல்லிய ஆற்றலைப் பயன்படுத்தி நாய்களால் நோய்களைக் கண்டுபிடிக்க முடியும் என ஆய்வில் கண்டறியபட்டுள்ளது. இதனால் நோய் கண்டறிவதற்கு நாய்களுக்கு பயிற்சி அளிக்கப்படுகின்றன. புற்றுநோயை கண்டுபிடிப்பதற்கும் கடந்த காலத்தில் நாய்களுக்கு பயிற்சி அளிக்கப்பட்டுள்ளது.

எளிய வழி இருக்கு

தொலைந்து போன ஆண்ட்ராய்டு ஸ்மார்ட்போனினை கண்டறிய, போன் தொலையும் முன்னரே உங்களது ஸ்மார்ட்போனின் கூகுள் செட்டிங்-ஐ செயல்படுத்தி இருக்க வேண்டும். மேலும் லொகேஷன் ரிபோர்டிங் ஆப்ஷன் செட் செய்யப்பட்டுள்ளதா என்பதையும் சரி பார்க்க வேண்டும். தொலைந்த ஆண்ட்ராய்டு ஸ்மார்ட்போனினை டிராக் செய்ய முதலில் கணினி அல்லது லேப்டாப் மூலம் பிரவுஸர் ஒன்றை ஓபன் செய்து, பின் உங்களது ஆண்ட்ராய்டு ஸ்மார்ட்போனில் பதிவு செய்திருந்த கூகுள் அக்கவுண்ட் மூலம் லாக்-இன் செய்து, இறுதியாக கூகுளில் "find my phone" என டைப் செய்தால் உங்கள் ஸ்மார்ட்போன் இருக்கும் இடம் தெரியும். துல்லியமாக அறிந்து கொள்ள "Ring button" என்ற ஆப்ஷனை கிளிக் செய்யவும்.

ஆஸ்துமாவுக்கு ...

கணேச முத்திரை உடலில் உள்ள 6 ஆதார சக்கரங்களில், நான்காவது சக்கரமான அனாகத்தை தூண்டவல்லது. மேலும் இதயத்தைப் பலப்படுத்தி, மன அழுத்தத்தைக் குறைத்து, நம்பிக்கை தரும். மூச்சை சீராக்கி, ரத்த ஓட்டம் நன்றாக இருக்கும்படி செய்து, ஆஸ்துமா, ரத்தக் கொதிப்பு போன்ற நோய்களையும் கட்டுப்படுத்தும். தினமும் காலை, மாலை 15 நிமிடம் செய்தால் மிகுந்த பயன்.

கொட்டாவி அறியாதது

ஒருவர் அலுப்பான சூழலில் இருக்கும்போது, கொட்டாவி விட்டால், அதே மனநிலையை கொண்டவருக்கும் மூளை அனிச்சையாக செயல்பட்டு, கொட்டாவியை வரவழைக்கிறது. கொட்டாவியின் செயல், ஆக்சிஜனை உள்ளிழுக்கும். கார்பன் டை ஆக்ஸைடை வெளியில் தள்ளும். கொட்டாவி ஒரு நோய் அல்ல. அது ஓர் அறிகுறி. கொட்டாவி வந்தால், நல்ல ஓய்வு தேவை என்று அரத்தம்.

மற்றொறு கோள்

சூரியக்குடும்பத்தில் இதுவரை 9 கோள்கள் இருப்பதாகக் கூறப்பட்டது. பின்னர் புளூட்டோவுக்கு கோள்களுக்கான தகுதி இல்லை எனக்கூறி அது நீக்கப்பட்டது.  இந் நிலையில் செவ்வாய் கோள் போன்ற விண்பொருள் ஒன்று சூரியக்குடும்பத்தின் எல்லையில் இருப்பதை விஞ்ஞானிகள் கண்டறிந்துள்ளனர். அந்த விண்பொருளின் காந்த விசையை பொருத்தே அது கோளா? இல்லையா? என்பதை உறுதிப்படுத்த முடியும் என்றும் தெரிவித்துள்ளனர்.

யோகா நித்ரா

யாரெல்லாம் தூக்கத்தை தொலைக்கிறார்களோ அவர்களுக்கு யோகா நித்ரா ஆசனம்  உதவும். 20 நிமிடங்கள் இந்த ஆசனத்தை செய்தால் 2 மணி நேரம் அதிகமான தூக்கத்தை பெறலாம்.  ஓய்வின்மை, பாதுகாப்பின்மையால் வெறுப்பு, கவலை உளைச்சல் மற்றும் பயத்திலிருந்து காக்கும். மன உறுதியை வளர்த்துக் கொள்வீர்கள். வயோதிகம் கட்டுப்படுத்தப்படும். சக்தி அதிகரிக்கும்.

மகிழ்ச்சி தரும்

கோபம், வெறுப்பு உணர்ச்சியும்கூட மகிழ்ச்சி தரும் என்று ஒரு புதிய ஆய்வில் தெரியவந்துள்ளது. அமெரிக்கா, பிரேசில், ஜெர்மனி, சீனா, இஸ்ரேல், கானா, போலந்து, சிங்கப்பூர் உள்ளிட்ட நாடுகளைச் சேர்ந்த 2, 300 மாணவர்களிடம் நடத்தப்பட்ட ஆய்வில் இது தெரியவந்துள்ளது. தாங்கள் விரும்பியதற்கு நிகராக அனுபவிக்கும் உணர்ச்சிகள் இருந்தால் மக்களின் வாழ்க்கை திருப்தியுடன் இருக்கும் என ஆராய்ச்சியாளர்கள் கண்டு பிடித்துள்ளனர்.

அதிவேகம்

சீனத் தலைநகர் பெய்ஜிங் - தொழில்நகரமான ஷாங்காய் நகரை இணைக்கும் வகையில் 1250 கிலோமீட்டர் தூரத்தை நான்கரை மணி நேரத்தில் கடக்கும் உலகின் அதிவேக புல்லட் ரெயில் சேவை சீனாவில் வரும் இந்த மாதம் 21-ம் தேதி தொடங்குகிறது.

பல்வேறு முத்திரைகள்

யோகாசனம் ஒரு அற்புதமான கலை. கை விரல்களால் செய்வதுதான் முத்திரைகள். நம் உடலில் மறைந்திருக்கும் சக்தியை வெளிக் கொண்டு வருவதே முத்திரைகள். இந்த முத்திரைகளை உட்கார்ந்திருக்கும் போதோ, நிற்கும்போதோ, நடக்கும்போதோ செய்யலாம். வஜ்ராசனம், பத்மாசனத்தில் அமர்ந்து செய்வது அதிக நன்மை அளிக்கும். சின் முத்திரை அல்லது ஞான முத்திரை செய்வதால் மனத்தை ஒருநிலைப்படுத்த உதவும். மூளை செல்கள் புத்துணர்ச்சி பெறும். தலைவலி, தூக்கமின்மை, கவலை, கோபம் ஆகியவை விலகும். வாயு முத்திரை செய்வதால் வாயு தொடர்பான நோய்கள் போகும். ரத்த ஓட்டம் சீராகும். சூன்ய முத்திரை செய்வதால் காதில் நீர் வடிதல், காது வலி, காது அடைப்பு போன்றவை சீராகும். எலும்பு தளர்ச்சி மற்றும் இதய நோய் தவிர்க்கப்படும். தசைகள் வலுவடையும். தைராய்டு நோயிலிருந்து நிவாரணம் கிடைக்கும்.

உடற்பயிற்சியால் நன்மை

போதிய உடற்பயிற்சி இன்மையால் முதுகுத்தண்டானது தனது செயல்திறனை இழக்க ஆரம்பிக்கிறது. மேலும் இடுப்பு எழும்பும், பந்து கின்ன மூட்டுக்களும், பாத எழும்புகளும், தோல்பட்டை மூட்டுக்களும், கழுத்து எழும்பும் பாதிக்கப்படுவதற்கு உடற்பயிற்சி இன்மையே காரணம். உடற்பயிற்சி உங்கள் உடலின் முதுகுத் தண்டில் தொடங்கி, முக்கிய எழுப்பு இணைப்புகளின் செயல்திறனையும், ஆயுள் காலத்தையும் அதிகரிக்க செய்கிறது.