இந்தியாவில் அறுவை சிகிச்சை பிரசவம் 87 சதவீதமாக அதிகரித்துள்ளது மகப்பேறு மருத்துவர்கள் தகவல்

செவ்வாய்க்கிழமை, 16 மே 2017 சென்னை

அ+ அ-

இயற்கை முறையில் நிகழும் பிரசவங்களே ஆரோக்கியமானது. பெண்களைப் பலவீனப்படுத்தும் சிசேரியன் பிரசவங்களுக்கு அவர்கள் ஒப்புக்கொள்ளக் கூடாது. இது அவர்களைப் பலவீனப்படுத்தும் என மகப்பேறு மருத்துவர்கள் எச்சரித்து உள்ளனர்.

அன்னையர் தினத்தை ஒட்டி "தாய்மையைக் கொண்டாடுவோம்" என்ற கருத்தை மையமாகக் கொண்டு, சென்னை வேளச்சேரியில் நடைபெற்ற நிகழ்வில் மகப்பேறு மருத்துவர்கள் இதனைத் தெரிவித்தனர். நிகழ்ச்சியில் பேசிய மருத்துவர் கவிதா கவுதம், "தேசிய குடும்ப நல அமைச்சகம் கடந்தாண்டு எடுத்த ஆய்வில், சில மாநிலங்களில் சிசேரியன் பிரசவ எண்ணிக்கை 87 சதவீதமாக உயர்ந்துள்ளது. தமிழ்நாட்டில் இது 51 சதவீதமாக உயர்ந்துள்ளது. பெரும்பாலும் தனியார் மருத்துவமனைகளில்தான் சிசேரியன் பிரசவங்கள் நடக்கின்றன. எந்த நிலையில் உள்ள பெண்ணாலும் இயற்கையாக பிரசவிக்க முடியும். உடலில் வலு இல்லை என்பதெல்லாம் உண்மையல்ல. எனவே, பெண்கள் சிசேரியன் பிரசவத்திற்கு ஒப்புக்கொள்ளக் கூடாது. அவர்களுக்குத்தான் முதலில் விழிப்புணர்வு தேவை," என்று வலியுறுத்தினார்.

அறுவை சிகிச்சை

நிகழ்ச்சியில் கலந்துகொண்ட மருத்துவர்கள், கர்ப்பிணிகள் என்ற பெயரில் பெண்களின் சுதந்திரத்தைப் பறித்து அவர்களை முடக்கக் கூடாது என்று அறிவுறுத்தினர். "தவிர்க்க முடியாத ஆபத்தான சூழலில் மட்டுமே சிசேரியன் செய்யலாம். உலக சுகாதார நிறுவன அறிக்கையின்படி, மொத்த பிரசவங்களில் 15 சதவீதம் வரையிலும் சிசேரியன் இருக்கலாம். அதற்கு மேல் இருந்தால், அது ஆபத்தானது. பிரசவ சூழலை எளிமையாக்க நீர்த்தொட்டிக்குள் பிரசவம், இயற்கை வழி பிரசவம் என புதிய முறைகளுக்குப் பெண்கள் தங்களை தயார்படுத்திக் கொள்ள வேண்டும்" என ஆலோசனை வழங்கினார் கர்ப்பிணிகளுக்கான பயிற்றுனர் ஜெயஸ்ரீ ஜெயகிருஷ்ணன்.

நிகழ்ச்சியில் கர்ப்பிணிப் பெண்களுக்கு பிரசவத்தை எளிமையாக்கும் யோகா மற்றும் உடற்பயிற்சிகள் அளிக்கப்பட்டன. கர்ப்பிணிகளின் வயிற்றில் மெகந்தி வரைந்து உற்சாகப்படுத்தினர். பால் புகட்டும் முறைகள், கர்ப்ப கால பற்கள் பராமரிப்பு, குழந்தைகளைக் கையாளும் முறை, ரசாயன மருந்துகளைத் தவிர்த்து மாற்று முறையில் ஆரோக்கியத்தை மேம்படுத்துதல் உள்ளிட்ட அம்சங்கள் குறித்தும் விவரிக்கப்பட்டது.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 2 weeks 6 days ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 2 weeks 6 days ago	ஆவாரம்பூவின் மருத்துவ பலன்கள் 2 weeks 6 days ago
தீக்காயங்கள் குணமாக \| தீப்புண் கொப்பளங்கள் குணமாக \| தீப்புண் வடு மறைய \| காயம் விரைவில் ஆற - சித்த மருத்துவ குறிப்புக்கள் 3 months 2 weeks ago	குழந்தைகளுக்கு குடல் பூச்சி தீர \| நாக்கு பூச்சி நீங்க \| வயிற்றில் உள்ள நுண்புழுக்கள் அழிய \| குடல் புண் குணமாக 7 months 4 days ago	பேன் ஒழிய \| பேன் ஈர் ஒழிய - சித்த மருத்துவ குறிப்புக்கள் 8 months 11 hours ago

வீடியோ

நரம்புத் தளர்ச்சியை விரட்டி அடிக்கும் இயற்கை உணவுகள்.	திராட்சை பழத்தின் மருத்துவ பயன்கள்	தர்பூசணி பழத்தின் மருத்துவ பயன்கள்
வேனல்கட்டி,வேர்க்குரு நீங்க வீட்டு மருத்துவம்	பல் வலி வராமல் தடுக்க இயற்கை மருத்துவம்	சிறுநீர் பாதை எரிச்சல் நீங்க இயற்கை மருத்துவம்

அரசியல்