குல்புஷன் ஜாதவை தூக்கிலிட பாகிஸ்தானுக்கு தடை - 11 நீதிபதிகளும் ஏக மனதாக வழங்கிய பரபரப்பு தீர்ப்பு

வியாழக்கிழமை, 18 மே 2017      உலகம்
 Kulbhushan Jadhav 2017 5 13

ஹக் : இந்திய முன்னாள் கப்பல்படை அதிகாரி குல்புஷன் யாதவுக்கு விதிக்கப்பட்ட தூக்குத்தண்டனையை நிறுத்திவைக்கும்படி பாகிஸ்தானுக்கு சர்வதேச கோர்ட்டு உத்தரவு பிறப்பித்துள்ளது.
இந்திய கப்பல் படையில் பணியாற்றிய முன்னாள் அதிகாரி குல்புஷன் ஜாதவ்,(46)  வியாபாரம் தொடர்பாக ஈரானுக்கு சென்றிருந்தார். அங்கு இவரை கடந்த ஆண்டு மார்ச் மாதம் 3-ம் தேதி பாகிஸ்தான் உளவு பிரிவினர் கடத்திக்கொண்டு பாகிஸ்தானுக்கு சென்றுவிட்டனர்.

ஜாதவ் மீது பொய் வழக்கு

அதோடு மட்டுமல்லாது ஜாதவ் மீது உளவு பார்த்ததாகவும் நாசவேலைக்கு சதி செய்ததாகவும் பாகிஸ்தான் தனது ராணுவ கோர்ட்டில் வழக்குப்பதிவு செய்தது. இந்த வழக்கை சரியாக விசாரிக்காத பாகிஸ்தான் ராணுவ கோர்ட்டு, ஜாதவுக்கு தூக்குத்தண்டனையை விதித்தது.


இந்தியா கடும் எதிர்ப்பு

ஜாதவுக்கு தூக்குத்தண்டனை விதிக்கப்பட்டதற்கு இந்தியா கடும் எதிர்ப்பு தெரிவித்தது. மேலும் ஜாதவுக்கு தூக்குத்தண்டனை விதிக்கப்பட்டால் கடும் விளைவுகள் ஏற்படும் என்று பாகிஸ்தானுக்கு எச்சரிக்கை விடுத்தது. ஜாதவ் விவகாரத்திற்கு தூதரக ரீதியாக தீர்வுகாண இந்தியா 30-க்கும் மேற்பட்ட முறை முயற்சி செய்தது. இதை பாகிஸ்தான் நிராகரித்துவிட்டது.

சர்வதேச கோர்ட்டில் வழக்கு

இதையடுத்து, ஜாதவுக்கு தூக்குத்தண்டனையை ரத்து செய்யக்கோரி நெதர்லாந்து நாட்டில் ஹக் நகரில் உள்ள சர்வதேச கோர்ட்டில் கடந்த 8-ம் தேதி இந்தியா வழக்கு தொடர்ந்தது. வழக்கு விசாரணையின்போது இந்திய தரப்பில் பிரபல வழக்கறிஞர் ஹரீஷ் சால்வே ஆஜராகி வாதாடினார். ஜாதவுக்கு தூக்குத்தண்டனையை பாகிஸ்தான் விதித்திருப்பது கடந்த 1977-ம் ஆண்டு வியன்னா மாநாட்டில் நடந்த ஒப்பந்தத்திற்கு எதிரானது என்றும் ஈரானுக்கு வியாபாரம் சம்பந்தமாக ஜாதவ் சென்றிருந்தார் என்றும் அவரை பாகிஸ்தான் உளவுப்பிரிவினர் கடத்திக்கொண்டு சென்றுவிட்டனர் என்றும் ஹரீஷ் வாதாடினார்.

30 முறை முயற்சி

தூதரக ரீதியாக பிரச்சினைக்கு தீர்வுகாண இந்தியா 30 முறை முயற்சி செய்தும் அதை பாகிஸ்தான் நிராகரித்துவிட்டது என்றும் தீர்ப்பை உடனடியாக வழங்க வேண்டும் என்றும் இல்லாவிட்டால் ஜாதவுக்கு பாகிஸ்தான் தூக்குத்தண்டனையை நிறைவேற்றிவிடும் என்றும் ஹரீஷ் கேட்டுக்கொண்டார். பாகிஸ்தான் தரப்பில் வாதாடிய வழக்கறிஞர், பாகிஸ்தானில் உள்ள பலூசிஸ்தான் மாகாணத்தில் ஜாதவ் கைது செய்யப்பட்டார் என்றும் அவர் நாசவேலை மற்றும் உளவு வேலையில் ஈடுபட்டதாகவும் உளவு பார்த்த விவகாரம் தூதரக ரீதியாக வராது என்றும் கூறினார்.

ஆனால் இந்தியா கேட்டுக்கொண்டபடி சர்வதேச கோர்ட்டு முதலில் ஜாதவுக்கு தூக்குத்தண்டனையை கடந்த 9-ம் தேதி சஸ்பெண்ட் செய்தது. பின்னர் தீர்ப்பு வழங்கப்படும் என்றும் சர்வதேச கோர்ட்டு அறிவித்தது. அதன்படி நேற்று பிற்பகல் சர்வதேச நேரப்படி மாலை 3 மணி அளவில் சர்வதேச கோர்ட்டு தீர்ப்பு வழங்கியது.

தண்டனையை நிறுத்தி வைக்க உத்தரவு

அந்த தீர்ப்பில் ஜாதவுக்கு வழங்கப்பட்ட தூக்குத்தண்டனையை உடனடியாக நிறுத்திவைக்க வேண்டும் என்று கூறப்பட்டுள்ளது. தீர்ப்பு வழங்கிய பெஞ்சில் 11 நீதிபதிகள் இருந்தனர். இந்த 11 நீதிபதிகளும் ஒரு மித்த கருத்துடன் தீர்ப்பு வழங்கியுள்ளனர். உண்மையிலேயே இது இந்தியா தரப்பில் நீதி உள்ளது என்பதை காட்டுகிறது.

ஜாதவ் விவகாரத்தில் இந்தியா தூதரக ரீதியாக தொடர்புகொண்டதை வியன்னா மாநாடு ஒப்பந்தப்படி பாகிஸ்தான் ஏற்றுக்கொண்டிருக்க வேண்டும். ஜாதவ் கைது விவகாரம் ஒரு பிரச்சினையாக இருக்கிறது என்றும் தீர்ப்பை வாசித்த தலைமை நீதிபதி ரோன்னி ஆப்ரஹாம் கூறினார்.

இதை ஷேர் செய்திடுங்கள்:

சில சுவாரிஸ்யமான தகவல்கள்

மோட்டார் வீடு

எலிசியம் என்ற பெயரிடப்பட்டுள்ள நகரும் சொகுசு வீடு ஒன்றை 45 அடி நீளம், 8 அடி அகலம் கொண்டதாக வடிவமைக்கப்பட்டுள்ளது. மோட்டார் இல்லத்தின் உள்பகுதியில் அமர்வதற்கான பெரிய அளவிலான சோஃபா மற்றும் படுக்கை வசதி, 75 இன்ச் திரையுடன் கூடிய எல்.இ.டி டிவி பொருத்தப்பட்டிருக்கிறது. இங்கு அனைத்தும் சென்சார் சுவிட்சுகள் கொண்டதாக இருக்கிறது. இரண்டு பேர் தங்குவதற்கான சொகுசு படுக்கை வசதியுடன் ஒரு அறையும் உள்ளது.

தமிழனின் துரதிஷ்டம்

14 வயதிலேயே மின்னஞ்சல் சிஸ்டத்தை உருவாக்கி பிரமிக்க வைத்தவர் அமெரிக்காவாழ் தமிழர் சிவா அய்யாதுரை. இவருக்கு ஆகஸ்ட் 30,1982-ல் அமெரிக்க அரசு அதிகாரப்பூர்வமாக மின்னஞ்சலை கண்டுப்பிடித்தவர் என காப்புரிமை அளித்தும் மாடர்ன் வரலாற்றில் இவர் பெயர் இடம் பெறாமல் போனது வேதனைக்குரியது.

செயற்கையால் ஆபத்து

ஆப்பிள்கள் சீக்கிரம் கெடாமல் இருக்கு இயற்கையாகவே மெழுகுப் பூச்சு இருக்கும். ஆனால், தற்போது செயற்கையாக பூசப்படும் மெழுகில் சேர்க்கப்படும் நைட்ரேட், ‘நைட்ரைஸோ மார்போலின்’ என்ற ரசாயனத்தை உருவாக்குகிறது. இது கேன்சர் நோய்க்கான முக்கிய காரணியாக இருக்கிறது. எனவே கவனமாக இருக்க வேண்டும்.

பயத்தை போக்க...

துபாயில் ‘டெடிபியர்’ பொம்மைக்கு சிகிச்சை அளிக்க தனி மருத்துவமனை தொடங்கப்பட்டுள்ளது. உடல் நலக் குறைவால் அவதிப்படும் குழந்தைகள் மற்றும் சிறுவர், சிறுமிகள் ஆஸ்பத்திரிக்கு வந்து டாக்டர்களிடம் சிகிச்சை மேற்கொள்ள அச்சப்படுகின்றனர். அவர்களின் பயத்தை போக்க பொம்மைகளுக்கு சிகிச்சை அளிக்கும் புதுமையான திட்டம் ஒன்றை துபாய் அரசு நடைமுறைபடுத்தியுள்ளது.

புதிய வசதி

ஆண்ட்ராய்ட், ஐபோன்களில் வாட்ஸ் அப் உபயோகப்படுத்துபவர்கள் தாங்கள் இருக்கும் இடத்தை அவர்களின் நண்பர்கள் தெரிந்து கொள்ளும் புதிய வசதி, நண்பர்கள் தங்கள் வாட்ஸ் அப் ஸ்டேடஸ்களை மாற்றும் போதும், வாட்ஸ் அப் கால் பேசிகொண்டிருக்கும் போதும் Low பேட்டரி என இருந்தால் அதனை நண்பர்களுக்கு Notification-களில் தெரியபடுத்தும் அப்டேட்டும் விரைவில் வரவுள்ளது.

இறைச்சியைத் தவிர்க்கனுமாம்

நாம் உண்ணும் இறைச்சி உணவு வகைகளை தவிர்த்தாலே புவி வெப்பமயமாதலை குறைக்க முடியுமாம். இதுகுறித்த புதிய ஆய்வில் மாட்டிறைச்சிக்கு பதிலாக பீன்ஸ் உள்ளிட்ட காய்கறிகைளை உண்பதால் புவி வெப்பமயமாதலை அதிகரிக்கும் பசுமை இல்ல வாயுக்களின் (GHG)அளவை குறைக்கும் என தெரிவிக்கிறது. ஒரு வேளை அமெரிக்கர்கள் தொடர்ந்து இறைச்சியை விட பீன்ஸ் உண்டால் 2020ம் ஆண்டுக்குள் 50 முதல் 75 சதவிகிதம் வெப்பமயமாதல் குறைவதை உணர முடியுமாம். மேலும், வெப்பமயமாதலை குறைக்க ஆட்டோமொபைல் சாதனங்களை குறைப்பது, அதன் உற்பத்தியை நிறுத்தவது போன்ற நடவடிக்கைகளை எடுக்காமல் இதன் மூலமாகவே எளிதாக குறைக்கலாமாம். அமெரிக்கர்கள் இறைச்சியை வாங்க ஆர்வம் காட்டும் அளவுக்கு காய்கறிகளை வாங்குவதில்லை.

'அர்சிட்' விண்கற்கள்

இந்த வருடம் இதுவரை இல்லாத அளவிற்கு விண்கற்கள் பொழிவு நிகழும் என நாசா விஞ்ஞானிகள் தெரிவித்துள்ளனர். அர்சிட் எனப்படும் விண்கற்கள் இன்று அதிகாலை சூரிய உதயத்திற்கு முன் இருண்ட வானில் தீப்பந்துகள் போல காட்சியளிக்குமாம்.இதனை தொலைநோக்கி இல்லாது வெறும் கண்ணால் கூட பார்க்கலாம். அர்சிட் விண்கற்கள் 1790 ஆம் கண்டுபிடிக்கப்பட்டது. சுமார் 20-30 நிமிடங்கள் வானில் பிரகாசமாக தெரியும் என எதிர்பார்க்கப்படுகிறது. இலங்கை மக்களும் வருடத்தின் இறுதியில் இந்த விண்கற்கள் பொழிவினை காண முடியும்.

அச்சம் தவிர்

இந்தியாவில் பிறந்து உலக நாடுகளை குறிப்பாக ஆங்கிலம் பேசும் மக்களை தனது பேச்சால் ஈர்த்தவர் விவேகானந்தர்.  ஆங்கிலத்தில் சரளமாக பேசும் வல்லமையை பெற்றவராக இருந்த போதும் அவர் தனது பள்ளி, கல்லூரி தேர்வுகளில் ஆங்கிப்பாடத்தில் சராசரியாக 45 , 50 என்ற மதிப்பெண்களை தான் எடுத்தார்.

சிறிய சாதனம்

‘ராஸ்பெர்ரி பை’ என்பது மலிவு விலையில் கிடைக்கக்கூடிய மிகச்சிறிய கணினி ஆகும். இதை அடிப்படையாகக் கொண்டு, நிலநடுக்கத்தை முன்கூட்டியே அறியக்கூடிய ‘ராஸ்பெர்ரி ஷேக் 4டி’  என்ற சாதனத்தை உருவாக்கியுள்ளனர். நிலநடுக்கத்தின்போது உருவாகும் கண்ணுக்குத் தெரியாத அசைவுகளைப் பார்ப்பதற்கும் இது உதவுகிறது. இதனால் நிலநடுக்கம் ஏற்படுவதை முன்பே நாம் கணிக்க முடியுமாம்.

புதிய வசதி

ஆண்ட்ராய்டு தளத்தில் கூகுள் மேப்பில், சேவ் யுவர் பார்க்கிங் என்ற ஆப்ஷனை பயன்படுத்தி காரை எங்கே நிறுத்தினீர்கள் என்பதை பதிவு செய்து கொள்ளலாம். கார் நிறுத்தம் குறித்த கூடுதல் தகவல்களையும் இதில் சேர்க்கலாம் என கூகுள் நிறுவனம், தெரிவித்துள்ளது. கார் நிறுத்த தகவல்களையும் இடத்தையும் புகைப்படமாக எடுத்து நண்பர்களுக்கு அனுப்பும் வசதியும் இதில் உள்ளது.

நினைவாற்றலை அதிகரிக்க

மதிய உணவிற்கு பிறகு ஒரு மணி நேரம் குட்டித் தூக்கம் போடுவது மூளையைச் சுறுசுறுப்பாக்கும் எனவும் சிந்தனைத் திறனை மேம்படுகிறதாம்.மேலும், அவர்களின் மூளை ஐந்து வயது இளமையாகி விடும் என்றும் ஆய்வில் தெரியவந்துள்ளது. சராசரியாக 60 சதவீதம் பேர் மதிய உணவுக்குப் பிறகு 63 நிமிடங்கள் தூங்குகிறார்களாம்.

ஏலம் போனது

2-ம் உலகப்போரின் போது எத்தனையோ உயிர்களை கொல்ல ஆணையிட்ட சர்வாதிகாரி அடால்ப் ஹிட்லர் பயன்படுத்திய தொலைபேசி 1945-ம் ஆண்டு ஜெர்மனியின் பெர்லின் நகரில் ஒரு பாதுகாப்பு கிடங்கு அறையில் கண்டு பிடிக்கப்பட்டது. இது தற்போது ரூ.1 கோடியே 68 லட்சத்திற்கு ஏலம் போயுள்ளது.