மேட்டூர் அணையில் விவசாய நிலங்களின் பயன்பாட்டிற்கு மண் எடுக்கவுள்ள இடம்: கலெக்டர்வா.சம்பத், ஆய்வு

வெள்ளிக்கிழமை, 19 மே 2017      சேலம்
2

தமிழ்நாடு முதலமைச்சர் அறிவித்த மேட்டூர் அணையிலிருந்து விவசாய நிலங்களின் பயன்பாட்டிற்காக விவசாயிகளுக்கு இலவசமாக வண்டல் மண் எடுக்கவுள்ள இடத்தினை கலெக்டர் கலெக்டர்வா.சம்பத், நேற்று (19.05.2017) ஆய்வு மேற்கொண்டனர். இந்த ஆய்வுக்கு பின்னர் கலெக்டர் செய்தியாளர்களிடம் தெரிவித்ததாவது :

 

 


கலெக்டர் ஆய்வு

தமிழ்நாடு முதலமைச்சர் எதிர்கால தண்ணீர் தேவையை கருத்தில் கொண்டு, வரலாற்று சிறப்பு வாய்ந்த திட்டங்களான ஏரி, குளங்களை தூர்வாரும் குடிமாரமத்து பணி திட்டம் மற்றும் விவசாய நிலங்களில் வளத்தினை மேம்படுத்தும் வகையில் ஏரி, குளம், கண்மாய்களில் உள்ள வண்டல் மண்களை இலவசமாக விவசாயிகளுக்கு வழங்கும் திட்டங்களை அறிவித்து சிறப்பான முறையில் செயல்படுத்தி வருகிறார்கள்.

மாண்புமிகு தமிழக முதல்வர் மேட்டூர் அணையில் உள்ள வண்டல் மண்களை அதிக அளவிலான விவசாய நிலங்களின் பயன்பாட்டிற்கு விவசாயிகளுக்கு வழங்கிட உத்தரவிட்டதன் அடிப்படையில் இன்றைய தினம் மேட்டூர் அணையில் தொடர்புடைய அலுவலர்களுடன் வண்டல் மண் எடுபபதற்கு உரிய இடத்தினை ஆய்வு செய்யப்பட்டது.

சேலம் மாவட்டத்தில் இதுவரை 952 ஏரி, குளம், குட்டை, வாய்க்கால்கள் வண்டல் மண் அள்ளுவதற்கு தகுதியானவை என கண்டறியப்பட்டு, விவசாயிகளின் பயன்பாட்டிற்காக வண்டல் மண் வழங்கப்பட்டு வருகிறது. மேற்குறிப்பிட்ட ஏரிகளிலிருந்து இதுவரை 39,946 கன மீட்டர் அளவு வண்டல் மண்கள் 1,305 விவசாயிகளுக்கு வழங்கப்பட்டுள்ளது.

மேட்டூர் அணையில் வண்டல் மண் எடுத்துக்கொள்வதற்கு இதுவரை 2,160 விவசாயிகள் மனு அளித்துள்ளனர். இந்த மனுவினை கிராம நிர்வாக அலுவலர் மற்றும் அந்தந்த வட்டாட்சியர்கள் உடனடியாக பரிசீலித்து அனுமதி ஆணை வழங்கிட உத்தரவிடப்பட்டுள்ளது. மேலும், விளைநிலங்களுக்கு வண்டல் மண் இலவசமாக எடுத்துக்கொள்வதில் விவசாயிகளுக்கு எந்த சிரமமும் இல்லாத வகையில் தேவையான அனைத்து நடவடிக்கைகளும் மேற்கொள்ளப்பட்டுள்ளது. இவ்வாறு கலெக்டர் கலெக்டர்வா.சம்பத், தெரிவித்தார்.

இந்த ஆய்வினை தொடர்ந்து கலெக்டர் கலெக்டர்வா.சம்பத், மேட்டூர் சார் கலெக்டர் அலுவலகத்தில் விவசாய சங்க பிரநிதிகளுடன் பொதுப்பணித்துறை, வேளாண்மைத்துறை, கனிமவளத்துறை, ஊரக வளர்ச்சித்துறை உள்ளிட்ட அலுவலர்கள் இது குறித்து விவசாயிகளின் சந்தேகங்களுக்கு விளக்கம் அளித்தனர்.

இந்த ஆய்வின் போது மேட்டூர் சார் கலெக்டர் கலெக்டர்மேகநாதரெட்டி, , கனிம வளத்துறை துணை இயக்குநர் கலெக்டர்ஆறுமுகநைனார், மாவட்ட ஆட்சியரின் நேர்முக உதவியாளர் (வேளாண்மை) கலெக்டர்மணிக்குமார், பொதுப்பணித்துறை உதவி கோட்ட பொறியாளர் கலெக்டர்வசந்தம், வட்டாட்சியர் கலெக்டர்கே.வீரப்பன் உள்ளிட்ட தொடர்புடைய அலுவலர்கள் கலந்து கொண்டனர்.

இந்த வார ராசிபலன் - 17.06.2018 முதல் 23.06.2018 வரை | Weekly Tamil Horoscope from 17.06.2018 to 23.06.2018

Kashmiri Capscicum Chicken Recipe

இதை ஷேர் செய்திடுங்கள்: