நீலகிரியில் அம்மா திட்ட முகாம் நடைபெறும் இடங்கள்

வியாழக்கிழமை, 15 ஜூன் 2017      நீலகிரி

 

நீலகிரி மாவட்டத்தில் அம்மா திட்ட முகாம்கள் இன்று(16_ந் தேதி) நடைபெறுகிறது. இது தொடர்பாக மாவட்ட கலெக்டர் முனைவர் பொ.சங்கர் வெளியிட்டுள்ள செய்திக்குறிப்பில் கூறியிருப்பதாவது-

 

நிவர்த்தி செய்ய ஏற்பாடு

 

நீலகிரி மாவட்டத்தில் 24.07.2015 முதல் அம்மா திட்டம் ஒவ்வொரு வாரமும் வெள்ளிக்கிழமைகளில் நடைபெற்று வருகிறது. இதில் முதியோர் ஓய்வூதியத்தொகை, விதவை உதவித்தொகை, நலிந்தோர் உதவித்தொகை, உழவர் பாதுகாப்பு திட்டத்தின் கீழ் உதவித்தொகை, புதிய உழவர் அட்டை, வருவாய்த்துறை மூலம் வழங்கப்படும் வருமான சான்று, சாதி சான்று, விதவை சான்று மற்றும் குடும்ப அட்டைதாரர்களுக்கு பெயர்சேர்த்தல், நீக்குதல் போன்ற மக்கள் நல பணிகள் மேற்கொள்ளப்பட்டு வருகிறது. மேலும் தோட்டக்கலைத்துறை, சமூக நலத்துறை, மின்வாரியம் மற்றும் வளர்ச்சித்துறை சார்ந்த குறைகள் கேட்டு குறை நிவர்த்தி செய்ய ஏற்பாடுகள் செய்யப்பட்டுள்ளது. எனவே பொதுமக்கள் தங்களது கோரிக்கை மனுக்களை அளித்து பயன்பெறலாம்.

3வது வெள்ளிக்கிழமை

இத்திட்டமானது ஜூன் மாதம் 3_வது வெள்ளிக்கிழமையான இன்று(16_ந் தேதி) ஊட்டி வட்டத்தில் மாவனல்லா சமுதாய கூடம், குன்னூர் வட்டத்தில் பர்லியார் சமுதாய கூடம், கோத்தகிரி வட்டத்தில் தெங்குமரஹாடா சமுதாயகூடம், குந்தா வட்டத்தில் வினோபாஜி நகர் சமுதாய கூடம், கூடலூர் வட்டத்தில் மேல் கூடலூர் செயின்ட் மேரீஸ் உயரிநிலைப்பள்ளி, பந்தலூர் வட்டத்தில் அய்யங்கொல்லி உண்டு உறைவிடப்பள்ளி ஆகிய இடங்களில் நடைபெறுகிறது.

 

எனவே இப்பகுதி மக்கள் இத்திட்டத்தின் மூலம் பயன்பெறு கேட்டுக்கொள்ளப்படுகிறார்கள். இவ்வாறு கலெக்டர் முனைவர் பொ.சங்கர் தெரிவித்துள்ளார்.

இதை ஷேர் செய்திடுங்கள்:

View all comments

வாசகர் கருத்து