மு.க.ஸ்டாலினின் கனவு பலிக்காது - தம்பிதுரை பரபரப்பு பேட்டி

ஞாயிற்றுக்கிழமை, 18 ஜூன் 2017      தமிழகம்
Thambidurai 2017 6 18

சென்னை : அ.தி.மு.க. ஆட்சியை கலைத்து விட்டு முதல்வராகும் மு.க.ஸ்டாலினின் கனவு பலிக்காது என்றும் நடக்காத ஒன்றுக்கு சி.பி.ஐ விசாரணை தேவையற்றது என்று கவர்னர் வித்யாசாகர் ராவை சந்தித்த பின்னர் அதிமுக அம்மா அணி கொள்கைப்பரப்பு செயலாளரும் மக்களவை துணைசபாநாயகருமான தம்பிதுரை தெரிவித்தார்.

தி.மு.க. செயல்தலைவரும் எதிர்க்கட்சி தலைவருமான மு.க.ஸ்டாலின் நேற்று முன்தினம் சென்னை ராஜ்பவனில் காங்கிரஸ் தலைவர்களுடன் சென்று கவர்னர் வித்யாசகர் ராவை சந்தித்து பேசினார். இந்த சந்திப்பின் போது ஆங்கில தொலைக்காட்சியில் வெளியான வீடியோ ஆதாரத்தை கொண்டு விசாரணை நடத்த வேண்டும் என்றும் தமிழக அரசை கலைக்க வேண்டும் என்றும் மு.க.ஸ்டாலின் வலியுறுத்தினார்.

கவர்னருடன் சந்திப்பு:-


இந்த நிலையில், மக்களவை சபாநாயகரும், அண்ணா தி.மு.க. அம்மா அணியின் கொள்கை பரப்பு செயலாளருமான தம்பிதுரை நேற்று காலை 11 மணிக்கு சென்னை ராஜ்பவனில் கவர்னர் வித்யாகர் ராவை சந்தித்து பேசினார். சுமார் ஒரு மணிநேர சந்திப்புக்கு பின்னர் வெளியே வந்த தம்பிதுரை நிருபர்களுக்கு பேட்டியளிக்கையில் கூறியதாவது:-

விசாரணை தேவையில்லை:-

கவர்னர் வித்யாசாகர் ராவ் என்னுடைய நண்பர், மரியாதை நிமித்தமாகவே கவர்னரை சந்தித்தேன். கட்சித்தாவல் தடைச்சட்டம் இருப்பதால் பணம் வாங்கி கொண்டு வாக்களிக்கவும் முடியாது. பேரம் பேசவும் முடியாது. அப்படி மீறி வாக்களித்தால் பதவி பறிபோய் விடும். அதிமுக எம்எல்ஏக்கள் பணம் வாங்கவும் இல்லை. பேரம் பேசவும் இல்லை. குதிரை பேரமெல்லாம் நடக்கவில்லை. அப்படி பேட்டிக்கொடுத்ததாக கூறப்படும் எம்.எல்.ஏ.க்கள்  சரவணனும் கனகராஜூம் தாங்கள் பேட்டியளிக்கவில்லை என்று மறுத்து விட்டனர். எனவே இது குறித்து சிபிஐ விசாரணை தேவையில்லை. இல்லாத ஒன்றுக்கு எதற்காக சிபிஐ விசாரணை நடத்த வேண்டும். அ.தி.மு.க.வில் அணிகள் என்பதே கிடையாது. இரட்டை இலை சின்னத்தில் போட்டியிட்டு வெற்றி பெற்றவர்கள் தனி அணியாக செயல்பட முடியாது. மீறி செயல்பட்டால் பதவி பறிபோய்விடும் என்பது அவர்களுக்குத் தெரியும். சட்டமன்ற உறுப்பினர்கள் அனைவரும் ஒற்றுமையாக உள்ளனர். இந்த ஆட்சியைக் காப்பாற்றுவதே எங்கள் நோக்கம்.

எப்படியும் இந்த ஆட்சியை கலைக்க வேண்டும் என்பது தான் மு.க.ஸ்டாலினின் எண்ணம். எம்.ஜி.ஆரின் ஆட்சியையும் அப்படித்தான் கலைக்கப்பட்டது. இந்த ஆட்சி முழுமையாக நான்காண்டுகள் நீடிக்க வேண்டும் என்று தான் மக்கள் வாக்களித்திருக்கிறார்கள். முதல்வர் எடப்பாடி பழனிசாமி சிறப்பாக ஆட்சி நடத்துகிறார், மானியக்கோரிக்கைகள் சட்டமன்றத்தில் சிறப்பாக நிறைவேற்றப்படுகின்றன. மு.க.ஸ்டாலினின் ஆசை தேவையற்ற ஆசை. முதல்வராக மு.க.ஸ்டாலின் கனவு காண்கிறார். அவரது கனவு பலிக்காது.

அதிமுகவில் பிளவு எதுவும் இல்லை. நான் இரட்டை இலை சின்னத்தில் போட்டியிட்டு எம்.பி.யாக தேர்ந்தெடுக்கப்பட்டவன். அதேபோல் மற்ற எம்.எல்.ஏ.க்கள் அனைவரும் இரட்டை இலை சின்னத்தில் போட்டியிட்டு வெற்றி பெற்றவர்கள் தான். அதிமுகவில் எந்த பிளவும் இல்லை. கருத்து வேறுபாடுகள் இருக்கின்றன அவ்வளவுதான். அதிமுக ஆட்சி நான்காண்டுகள் முழுமையாக நீடிக்கும். எப்போது தேர்தல் வந்தாலும் அதிமுகவே வெற்றி பெறும். ஜெயலலிதாவின் அரசை கலைக்கும் அதிகாரம் யாருக்கும் இல்லை. மைனாரிட்டியாக இருந்தபோது திமுகவே ஆண்டபோது மெஜாரிட்டியாக இருக்கும் நாங்கள் ஏன் ஆளமுடியாது.

நட்பு அரசு:-

மத்திய பா.ஜ. அரசு எங்களுடைய நட்புக்குரிய அரசாக இருக்கிறது. ஜனாதிபதி தேர்தலில் யாருக்கு வாக்களிப்பது என்பது குறித்து கழக முன்னோடிகளும் முதல்வர் எடப்பாடி பழனிசாமியும் முடிவெடுப்பார்கள். ஒ.பன்னீர்செல்வம், இணைப்பு பேச்சுவார்த்தைக்கான குழுவை கலைத்து விட்டாலும் நாங்கள் கலைக்கவில்லை. இணைப்புக்கான பேச்சுவார்த்தை நீடிக்கும் இவ்வாறு அவர் தெரிவித்தார்.

தம்பிதுரையை தொடர்ந்து பா.ஜ.வின் முக்கிய புள்ளிகளில் ஒருவரான ஆடிட்டர் குருமூர்த்தி ராஜ்பவனில் கவர்னரை சந்தித்து பேசினார்.

இதை ஷேர் செய்திடுங்கள்:

View all comments

வாசகர் கருத்து

சில சுவாரிஸ்யமான தகவல்கள்

தண்ணீர் பற்றாக்குறையால்....

ரத்தச் சுற்றோட்டத்தில் ரத்தம் உறைந்து விடுவதுதான் மாரடைப்புக்கு முக்கியக் காரணம். ரத்தத்தில் பைப்ரினோஜன் எனும் ரத்த உறைவுப் பொருள் உள்ளது. ரத்தம் திரவ நிலையில் இருந்தால் மட்டுமே பைப்ரினோஜன் தன் வேலையைச் சரியாகச் செய்யும். உடலில் தண்ணீரின் அளவு குறைந்து, அது திடமாகிவிட்டால், ரத்தக் குழாய்க்குள்ளேயே ரத்தம் உறைவதற்கு பைப்ரினோஜன் ஏற்பாடு செய்துவிடும். இதனால் மாரடைப்பு ஏற்படுகிறது. ஒருவர் தேவைக்குத் தண்ணீர் அருந்தாவிட்டால், முதலில் இதயத்தைச் சுற்றியுள்ள கொலாட்டிரல்ஸ் எனும் மிக நுண்ணிய ரத்தக்குழாய்கள் மூடிக்கொள்ளும். அதாவது, இதயத் தசைகளுக்கு ரத்த வினியோகம் செய்யும் முதன்மை ரத்தக் குழாய்களான கரோனரி தமனிகளில் அடைப்பு உண்டாகி, மாரடைப்பு ஏற்படும்போது, இவை தான் இதயத்தசைகளுக்கு ரத்தம் கொடுக்கின்றன. இதன் மூலம் மாரடைப்பு தள்ளிப்போகவோ மாரடைப்பின் கடுமை குறையவோ வாய்ப்பு உள்ளது.

சிகரெட் கழிவில் ....

சிகரெட் புகைத்த பின் எறியப்படும், பஞ்சுடன் கூடிய கழிவு துண்டுகளை ரோடு போட பயன்படுத்த முடியுமாம். ரோடு போட‘பாராபின் வேக்ஸ்’ எனப்படும் மெழுகு மற்றும் ரசாயன பொருளுடன் சிகரெட் கழிவு துண்டுகளும் சேர்த்து ஒரு கலவை தயாரிக்கப்படுகிறது. இதை கொண்டு போடப்படும் ரோடு பலம் வாய்ந்ததாகவும்,  அந்த ரோட்டில் வெப்பம் அதிகம் வெளியேறுவதும் தடுக்கப்படுமாம்.

எச்சரிக்கும் ஆய்வு

மது குடிக்கும் பழக்கத்தால் பெண்கள் அதிக பாதிப்புக்கு உள்ளாகிறார்கள். பெண்கள் மது போதையில் இருந்து தெளிய காலதாமதமாகும். இயற்கையாகவே பெண்கள் உடலில் உள்ள தண்ணீரின் அளவு குறைந்திருப்பதால், போதை தலைக்கேறினால் இறங்குவது சிரமம். கர்ப்பிணி பெண்கள் மதுகுடித்தால் பிறக்கும் குழந்தைகளுக்கு குறைபாடு ஏற்படும். தொடர்ந்து குடிக்கும் பெண்களுக்கு குழந்தை உண்டாகும் வாய்ப்பு மிக அரிது.

எளியது ஆபத்து

பெரும்பாலான இந்தியர்கள் தங்கள் பாஸ்வேர்டை எளியதாக தேர்வு செய்து தவறு செய்துவிடுகின்றனர். கடந்த 2016-ம் ஆண்டு கிட்டத்தட்ட 10 மில்லியன் எளிய பாஸ்வேர்டுகள் பொதுத்தளத்தில் கசிந்திருக்கிறதாம். இதனால் இணையம் தொடர்பான குற்றங்கள் பெருக வழிவகுக்கின்றன. எளிமையான பாஸ்வேர்டுகளை ஹேக்கர்கள் மிக எளிதாக திருட வழிவகை செய்யும்.

பிராணாயாமம்

நாம் மிக ஆழமாக மூச்சை இழுக்கும்போது ஆக்சிஜன், உடலில் உள்ள அனைத்து திசுக்களுக்கும் அதிக அளவில் கிடைக்கிறது. இது திசுக்களின் செயல்பாட்டை விரைவுபடுத்தி நச்சுக்களை அப்புறப்படுத்துகிறது. வயிறு உள்ளே போவதால், வயிற்றுப் பகுதி தசைகள் சுருங்கும். இந்தத் தசைப் பயிற்சியை, தினமும் தொடர்ந்து செய்யும்போது, இவை இரண்டும் சேர்ந்து உடலின் எடையைக் குறைத்துவிடும்,

கண் எரிச்சல்

கணினி, லேப்டாப், ஸ்மார்ட் போன் அதிகம் பயன்படுத்துவதால் ஏற்படும் கண்ணெரிச்சலை போக்க, வெங்காயம் மற்றும் புளிய இலையை இடித்து சாறு எடுத்து அதனுடன் நல்லெண்ணெய் கலந்துக் எடுத்து, பின் தலையில் தேய்த்து சிறிது நேரம் காய விட்டு, குளித்தால் கண் எரிச்சல் நீங்கி, கண் நல்ல குளிர்ச்சியடையும்.

புதிய ரோபோ

ஜப்பானின் ‘ஒரிகாமி’ என்னும் முறையை பின்பற்றி அமெரிக்காவில் உள்ள ஹர்வார்ட் பல்கலைக் கழக ஆராய்ச்சியாளர்கள் மடிக்கு வைக்கக்கூடிய புதிய ரோபோடை வடிவமைத்துள்ளனர்.  இந்த ரோபோட்டிற்கு பேட்டரி தேவை இல்லை. இந்த ரோபோட் வயர்லெஸ் மாக்னெட்டிக் ஃபீல்ட் மூலம் இயக்கப்படுகிறது.

உருகாத ஐஸ்கிரீம்

ஐஸ்க்ரீம் உருகுவதைத் தடுக்க ஜப்பான் விஞ்ஞானிகள் புதிய தொழில்நுட்பத்தைக் கண்டறிந்துள்ளனர். ஜப்பானில் உள்ள கனஜவா பல்கலைக்கழகத்தைச் சேர்ந்த ஆய்வாளர்கள் ஐஸ்க்ரீம் உருகி அதன் வடிவம் மாறாமல் இருக்கும் தொழில்நுட்பத்தைக் கண்டறிந்துள்ளனர். இதன் மூலம் 3 மணி நேரத்துக்கு அந்த ஐஸ்க்ரீம் உருகாமல் இருக்கும் எனவும் ஆய்வாளர்கள் தெரிவித்துள்ளனர். ஸ்ட்ராபெரி பழத்திலிருந்து எடுக்கப்படும் பாலிஃபினல் என்ற திரவத்தை ஐஸ்க்ரீமில் செலுத்தி சோதனையில் வெற்றி அடைந்துள்ளனர். இந்த திரவத்தை செலுத்தியபின் ஐஸ்கீரிமை அனல் காற்றில் காண்பித்தாலும் சுமார் 5 நிமிடம் வரை ஐஸ்க்ரீமின் வடிவம் மாறவில்லை என ஆய்வாளர்கள் தெரிவித்துள்ளனர்.

புதிய காகிதம்

அச்சிட்டதை அழித்து மீண்டும் மீண்டும் 80 முறை வரை அச்சிடத் தகுந்த புதிய காகிதத்தை விஞ்ஞானிகள் உருவாக்கியுள்ளனர். நானோ பார்டிகல்ஸ் என்று அழைக்கப்படும் மிகச் சிறிய துகள்கள் மூலம் இந்தக் காகிதம் உருவாக்க‌ப்பட்டிருக்கிறது. அந்த துகள்களை அச்சிடும் மையில் கலந்து அச்சிட வேண்டும். அச்சிடப்பட்டு 5 நாட்களில் எழுத்துக்கள் கொஞ்சம் கொஞ்சமாக காகிதத்திலிருந்து மறையத் துவங்கும். காற்றிலுள்ள ஆக்ஸிஜன் துகள்கள் மையிலுள்ள எலக்ட்ரான்களை எடுத்துக்கொள்ளும், இதனால் எழுத்துக்கள் காகிதத்திலிருந்து மறையும். மேலும் காகிதத்தை சூடாக்கும் போது, இந்த செயல்முறையை சில நிமிடங்களில் வேகப்படுத்துவதன் மூலம் காகிதத்தை மீண்டும் மீண்டும் பயன்படுத்தலாம்.

காற்றில் இருந்து

சிலியில் இயங்கும் ஒரு நிறுவனம், காற்றில் இருந்து குடிநீரை உருவாக்கும் இயந்திரத்தைத் தயாரித்துள்ளது. பிரஷ் வாட்டர் எனப் பெயிடப்பட்டிருக்கும் இந்த இயந்திரம், ஈரப்பதமான காற்றை குளிர்வித்து வடிகட்டி குடிநீராக மாற்றுகிறது. இந்த கருவி பாலைவனங்களில், மலைப் பகுதிகளில் பேருதவியாக இருக்குமாம்.

அழியும் ஆபத்தில்...

இந்தியாவில் தற்போது 780 மொழிகளில், 400 மொழிகள் அடுத்த 50 ஆண்டுகளில் அழிந்துவிடும் அபாயம் உருவாகியுள்ளது என தி பீப்பில்ஸ் லிங்குஸ்டிக் சர்வே ஆப் இந்தியா மேற்கொண்ட ஆய்வில் தெரியவந்துள்ளது. மேலும், ஒவ்வொரு மொழி அழியும்போதும், அந்த கலாச்சாரமும் அழியும் ஆபத்துள்ளதாக அது தெரிவிக்கிறது.

புதுமையான வழியில்...

மிச்சிகன் மாநில ஆய்வாளர்கள் கோப்பிரவைடு மெட்டலிடிரன்ஸ் என்றழைக்கப்படும் பாக்டீரியாவில் இருந்து தங்கம் வெளிவருவதை  கண்டுபிடித்துள்ளனர். இந்தப் பாக்டீரியா தங்கம் உருவாகத் தேவைப்படும். கோல்டு குளோரைடு எனும் ரசாயன பொருட்களை விழுங்கி தங்கத்தை உமிழ்வதாக கண்டறிந்துள்ளனர்.