தி.மலையை புனித நகரமாக மத்திய அரசு அறிவிக்க வேண்டும் :தி.மலையில் ஓங்கார ஆசிரமம் சார்பில் நடந்த துறவிகள் ஆலோசனை கூட்டத்தில் தீர்மானம்

ஞாயிற்றுக்கிழமை, 2 ஜூலை 2017      திருவண்ணாமலை

திருவண்ணாமலை ஒரு தெய்வீக நகரமாக திகழ்வதால் அதை புனித நகரமாக மத்திய அரசு அறிவிக்க வேண்டுமென திருவண்ணாமலை கிரிவலப் பாதையில் ஓங்கார ஆசிரமம் சார்பில் நடந்த துறவிகள் ஆலோசனை கூட்டத்தில் தீர்மானம் நிறைவேற்றப்பட்டது.

புதுவை ஓங்கார ஆசிரமம் சார்பில் உலக பேரமைதிக்காக 27ம் ஆண்டையட்டி மகாகிரிவல பூஜை மற்றும் மகேஸ்வர பூஜை 2 நாட்கள் திருவண்ணாலையில் நடைபெற்றது. இதையட்டி சனிக்கிழமை அன்று மாலை 4 மணியளவில் திருவண்ணாமலை கிரிவலப் பாதையிலுள்ள அஷ்டலிங்கங்களுக்கும் மகாஅபிஷேகம் நடைபெற்றது. அதனைத் தொடர்ந்து இரவு 8 மணியளவில் திருவண்ணாமலை அண்ணாமலையார் கோவிலில் அண்ணாமலையார் உணாமலையம்மனுக்கு சிறப்பு அபிஷேகம் நடைபெற்றது அதனைத் தொடர்ந்து கோவிலில் உள்ள மகிழ மரத்தின் அருகிலிருந்து சுவாமி ஓங்காரனந்தா தலைமையில் மகாகிரிவலம் தொடங்கியது. அதனை ஸ்ரீ வல்லளார் அருள்மணி அடிகள் தொடங்கிவைத்தார்.

பூஜை


இந்த மகா கிரிவலம் நேற்று விடியற்காலை நிறைவு பெற்றது 2வது நாளான நேற்று காலை 10 மணியளவில் திருவண்ணாமலை கிரிவலப் பாதையிலுள்ள (நேர்அண்ணாமலை கோவில் அருகில்) ஸ்ரீ ராகவேந்திரா சுவாமி பிருந்தாவனத்திலிருந்து நிருதிலிங்கம் வரை உலக நன்மைக்காக, பேரமைதிக்காகவும் சாதுக்கள் சன்னியாசிகள் சிவபஞ்சாட்சர ஜெபத்துடன் ஊர்வலம் சென்றனர். அதனைத் தொடர்ந்து 12 மணியளவில் ஸ்ரீ ராகவேந்திரா சுவாமி பிருந்தாவனத்தில் துறவிகள் ஆலோசனை கூட்டம் ஓங்கார ஆசிரம அதிபர் கோட்டீஸ்வரானந்தா சுவாமிகள் தலைமையில் மகேஸ்வர பூஜை நடைபெற்றது.

இதில் வேலூர் சச்சிதானந்தா சுவாமிஜி தி.மலை மாவட்ட தமிழ்ச்சங்க தலைவர் பா.ந்திராஜன் அறங்காவலர்கள் பி.அருண்பிரசாத், பி.எம்.ராஜசேகர் கே.எஸ்.கருணாகரன் மற்றும் எல்லப்பசுவாமிகள் கலந்து கொண்டனர். இதனைத் தொடர்ந்து மதியம் 1 மணியளவில் சன்னியாசிகளுக்கு மகேஸ்வர பூஜை நடைபெற்றது. இந்த பூஜையின்போது 350க்கும் மேற்பட்ட சன்னியாசிகளுக்கு ஜோல்னா பை, எவர்சில்வர் தட்டு, தம்ளர், பிரட், மருந்து பொருட்கள் மற்றும் வஸ்திரதானம் வழங்கப்பட்டன

திருவண்ணாமலையில் வாழும் துறவிகளுக்கென்று சமாதி அமைக்க (அடக்கம் செய்ய) தனி மயானத்துக்கான இடத்தினை மாநில அரசு ஒதுக்கித் தர வேண்டும் தெய்வீக நகரமான வாரணாசிக்கு சென்னையிலிருந்து செல்ல நேரடி விமான சேவை மத்திய அரசு ஏற்படுத்தி தர வேண்டும் திருவண்ணாமலை ஒரு தெய்வீக நகரமாக விளங்குவதால் இதனை புனித நகரமாக மத்திய அரசு அறிவிக்க வேண்டும் என்றும் துறவிகள் ஆலோசனை கூட்டத்தில் தீர்மானம் நிறைவேற்றப்பட்டது. முடிவில் சட்ட ஆலோசகர் பி.நீதிக்குமார் நன்றி கூறினார்.

இதை ஷேர் செய்திடுங்கள்:

View all comments

வாசகர் கருத்து

சில சுவாரிஸ்யமான தகவல்கள்

புதிய காகிதம்

அச்சிட்டதை அழித்து மீண்டும் மீண்டும் 80 முறை வரை அச்சிடத் தகுந்த புதிய காகிதத்தை விஞ்ஞானிகள் உருவாக்கியுள்ளனர். நானோ பார்டிகல்ஸ் என்று அழைக்கப்படும் மிகச் சிறிய துகள்கள் மூலம் இந்தக் காகிதம் உருவாக்க‌ப்பட்டிருக்கிறது. அந்த துகள்களை அச்சிடும் மையில் கலந்து அச்சிட வேண்டும். அச்சிடப்பட்டு 5 நாட்களில் எழுத்துக்கள் கொஞ்சம் கொஞ்சமாக காகிதத்திலிருந்து மறையத் துவங்கும். காற்றிலுள்ள ஆக்ஸிஜன் துகள்கள் மையிலுள்ள எலக்ட்ரான்களை எடுத்துக்கொள்ளும், இதனால் எழுத்துக்கள் காகிதத்திலிருந்து மறையும். மேலும் காகிதத்தை சூடாக்கும் போது, இந்த செயல்முறையை சில நிமிடங்களில் வேகப்படுத்துவதன் மூலம் காகிதத்தை மீண்டும் மீண்டும் பயன்படுத்தலாம்.

காற்றில் இருந்து

சிலியில் இயங்கும் ஒரு நிறுவனம், காற்றில் இருந்து குடிநீரை உருவாக்கும் இயந்திரத்தைத் தயாரித்துள்ளது. பிரஷ் வாட்டர் எனப் பெயிடப்பட்டிருக்கும் இந்த இயந்திரம், ஈரப்பதமான காற்றை குளிர்வித்து வடிகட்டி குடிநீராக மாற்றுகிறது. இந்த கருவி பாலைவனங்களில், மலைப் பகுதிகளில் பேருதவியாக இருக்குமாம்.

அழியும் ஆபத்தில்...

இந்தியாவில் தற்போது 780 மொழிகளில், 400 மொழிகள் அடுத்த 50 ஆண்டுகளில் அழிந்துவிடும் அபாயம் உருவாகியுள்ளது என தி பீப்பில்ஸ் லிங்குஸ்டிக் சர்வே ஆப் இந்தியா மேற்கொண்ட ஆய்வில் தெரியவந்துள்ளது. மேலும், ஒவ்வொரு மொழி அழியும்போதும், அந்த கலாச்சாரமும் அழியும் ஆபத்துள்ளதாக அது தெரிவிக்கிறது.

புதுமையான வழியில்...

மிச்சிகன் மாநில ஆய்வாளர்கள் கோப்பிரவைடு மெட்டலிடிரன்ஸ் என்றழைக்கப்படும் பாக்டீரியாவில் இருந்து தங்கம் வெளிவருவதை  கண்டுபிடித்துள்ளனர். இந்தப் பாக்டீரியா தங்கம் உருவாகத் தேவைப்படும். கோல்டு குளோரைடு எனும் ரசாயன பொருட்களை விழுங்கி தங்கத்தை உமிழ்வதாக கண்டறிந்துள்ளனர்.

இப்படியும் ஒரு பெண்

சுமாரம் ரூ.2000 கோடி மதிப்புள்ள சொத்துகள் உள்ள மலேசிய கோடீசுவரர்  கோ கே பெங்கின் ஒரே மகளான ஏஞ்சலின் பிரான்சிஸ் கோ, தனது காதலுக்காக கோடிக்கணக்கான சொத்தை தியாகம் செய்து தனது காதலரை கைபிடித்து உள்ளார். இவரது காதலர் ஜடிடிஹா சாதரண தரவு விஞ்ஞானி (டேட்டா சைன்டிஸ்ட்) என்பதால் அவரது தந்தை ஏற்கவில்லை.

உடனடி தேடல்

கூகுள் நிறுவனம் இன்ஸ்டண்ட் சர்ச் வசதியை கடந்த 2010 ஆம் ஆண்டு அறிமுகப்படுத்தியது. குறிப்பாக மொபைல்களில் தேடலை விரைவாக வழங்குவதற்காகவே இன்ஸ்டண்ட் சர்ச் அறிமுகம் செய்யப்பட்டது. பயனாளர்கள் மத்தியில் நல்ல வரவேற்பை பெற்றிருந்த இன்ஸ்டண்ட் சர்ச்-ஐ கூகுள் தற்போது நீக்கியுள்ளது.

மைக்ரோசிப்

அமெரிக்காவில் ஒரு நிறுவனம் அங்கு பணிபுரியும் ஊழியர்களின் உடலில் ஒரு ஊழியருக்கு 300 டாலர் செலவு செய்து மைக்ரோ சிப்களை பொருத்தியுள்ளது. இந்த சிப் அக்சஸ் கார்டு போன்று செயல்படுகிறது. அதாவது அலுவலகம் வரும்போது கதவுகளை திறப்பது, பன்ச் செய்வது, அவர்களுக்கான கணினியை பயன்படுத்துவது ஆகியவற்றுக்கு பயன்படுகிறது.

குழந்தை கல்லீரல்

பெரும்பாலும், மது அருந்துபவர்கள் கல்லீரல் பாதிப்புக்கு அதிகம் ஆளாகிறார்கள். உடலிலுள்ள மிகப் பெரிய உறுப்பான கல்லீரல் பல காரணங்களால் ஏற்படக்கூடிய தொற்றால் பாதிக்கப்படுகிறது. அமெரிக்காவில் மட்டும் 17,000 பேர் கல்லீரல் பாதிப்பால் அவதி படகின்றனர். இந்நிலையில், தற்போது கல்லீரலினை செயற்கையாக உருவாக்கும் முயற்சியில் விஞ்ஞானிகள் ஈடுபட்டுள்ளனர். இந்த கண்டுபிடிப்புக்கு குழந்தை கல்லீரல் என பெயரிட்டுள்ளனர். கல்லீரலை செயற்கையாக உருவாக்க ஆய்வின்போது,  மனித உயிரணுக்களில் இருந்து உயிரணுக்களை எடுத்து பயன்படுத்துகின்றனர். இந்த சோதனை வெற்றி பெற்றால் கல்லீரல் பிரச்சினைகளுக்கு தீர்வு கிடைக்கும்.

’ப்ளூ வேல்’ கேம்

உலக அளவில் பிரபலமாக வரும் ஆன்லைன் விளையாட்டான ப்ளூவேல், பங்கேற்பாளருக்கு பல்வேறு சவால்களை அளிக்கும். நாளொரு சவால் வீதம் 50 நாட்களுக்கு கொடுக்கப்படும். ஆரம்பத்தில் சவால்கள் எளிதாகவே இருக்கும். ஆனால், போகப்போக சவால்கள் கடினமாக்கப்படும். இறுதியில் தற்கொலை செய்து கொள்ள வேண்டும் என்ற சவால் விடுக்கப்படும். இந்த விளையாட்டுக்கு அடிமையாகும் இளைஞர்களை நிஜ உலகத்துடனான தொடர்பை இழக்க செய்து, விர்ச்சுவல் எனப்படும் மாய உலகத்துக்குள் அழைத்துச் சென்று தற்கொலை செய்யத் தூண்டுவதுதான் இதன்  நோக்கம். இந்த விளையாட்டை வடிவமைத்த ரஷ்யாவின் பிலிப் புடேய்கின் மீது கொலைக்குற்றம் சாட்டப்பட்டுள்ளது.

மஞ்சளின் மகிமை

நரம்பு கட்டி புற்று நோயை குணப்படுத்தும் தன்மை மஞ்சளுக்கு உள்ளது என அமெரிக்க வாழ் இந்திய நிபுணர் தம்மாரா கண்டுபிடித்துள்ளார். இவரது ஆய்வில், மஞ்சளில் உள்ள மிக சிறிய ரசாயன பொருட்கள் மருந்தாகி நரம்பு கட்டி புற்று நோயை குணப்படுத்துவதாக தெரிய வந்துள்ளதையடுத்து, புற்று நோய் மருந்துகளில் மஞ்சளை சேர்க்க பரிந்துரைக்கப்பட்டுள்ளது.

விந்தணு குறைவு

1973 - 2011-ம் ஆண்டுவரை மேற்கொள்ளப்பட்ட 185 ஆய்வுகளின்படி, வட அமெரிக்கா, ஐரோப்பா, ஆஸ்திரேலியா, நியூசிலாந்து நாடுகளில் தொடர்ந்து ஆண்களின் விந்தணுக்கள் எண்ணிக்கை பாதிக்கு பாதி குறைந்துள்ளதாம். இது நீடித்தால் மனித இனத்தின் அடையாளமே அழிந்து போகுமாம். ஆனால், ஆசியா, ஆப்பிரிக்காவில் இந்த அளவு பாதிப்பு இல்லையாம்.

சிறிய சாதனம்

‘ராஸ்பெர்ரி பை’ என்பது மலிவு விலையில் கிடைக்கக்கூடிய மிகச்சிறிய கணினி ஆகும். இதை அடிப்படையாகக் கொண்டு, நிலநடுக்கத்தை முன்கூட்டியே அறியக்கூடிய ‘ராஸ்பெர்ரி ஷேக் 4டி’  என்ற சாதனத்தை உருவாக்கியுள்ளனர். நிலநடுக்கத்தின்போது உருவாகும் கண்ணுக்குத் தெரியாத அசைவுகளைப் பார்ப்பதற்கும் இது உதவுகிறது. இதனால் நிலநடுக்கம் ஏற்படுவதை முன்பே நாம் கணிக்க முடியுமாம்.