முக்கிய செய்திகள்
Idhayam Matrimony

60 மீனவர்கள் மற்றும் 146 படகுகளை உடனே விடுவிக்க நடவடிக்கை எடுங்கள் - பிரதமர் மோடிக்கு, முதல்வர் எடப்பாடி மீண்டும் வலியுறுத்தல்

வியாழக்கிழமை, 13 ஜூலை 2017      தமிழகம்
Image Unavailable

சென்னை : இலங்கை சிறையில் அடைக்கப்பட்டிருக்கும் தமிழக மீனவர்கள் 60 பேர் மற்றும் பிடித்துவைக்கப்பட்டிருக்கும் 146 படகுகளை உடனடியாக விடுவிக்க  நடவடிக்கை எடுக்குமாறு பிரதமர் மோடிக்கு தமிழக முதல்வர் எடப்பாடி பழனிசாமி வலியுறுத்தி நேற்று மீண்டும் கடிதம் எழுதியுள்ளார்.

7 மீனவர்கள் கைது

இதுதொடர்பாக பிரதமர் மோடிக்கு முதல்வர் எடப்பாடி பழனிசாமி எழுதியுள்ள கடிதத்தில் மேலும் கூறியிருப்பதாவது:-

ராமநாதபுரம் மாவட்டத்தை சேர்ந்த மண்டபத்தில் இருந்து கடந்த 12-ம் தேதி பாக் ஜலசந்தி கடல்பகுதியில் 7 மீனவர்கள் மீன்பிடித்துவிட்டு வலைகளை உலர்த்திக் கொண்டியிருந்தனர். அப்போது அந்த வழியாக இலங்கை கடற்படையினர் பல படகுகளில் வந்து அந்த 7 மீனவர்களையும் துன்புறுத்தி அடித்ததோடு அவர்களை பிடித்துக்கொண்டு காங்கேசன் துறைமுகத்திற்கு சென்றனர். பின்னர் அவர்களை கோர்ட்டில் ஆஜர்படுத்தி சிறையில் அடைத்துள்ளனர். மேலும் அவர்களின் 2 படகுகளையும் பறிமுதல் செய்துகொண்டு சென்றுள்ளனர். இது தொடர்கதையாக இருக்கிறது.

விடுவிக்க நடவடிக்கை ...

இலங்கை கடற்படையினரின் அத்துமீறல் செயலுக்கு முற்றுப்புள்ளி வைப்பதோடு ஏற்கனவே இலங்கை சிறையில் இருக்கும் 53 பேர்களையும் கடந்த 12-ம் தேதி நள்ளிரவில் கைது செய்யப்பட்ட மண்டபம் மீனவர்கள் 7 பேர்களையும் சேர்த்து 60 மீனவர்களையும் தமிழக மீனவர்களிடம் இருந்து பறிமுதல் செய்யப்பட்ட 144 படகுகளையும் நேற்றுமுன்தினம் பறிமுதல் செய்யப்பட்ட 2 படகுகளையும் சேர்த்து 146 படகுகளையும் விடுவிக்க இலங்கை அரசை வலியுறுத்த வேண்டும். இல்லாவிட்டால் ஏற்கனவே பாதிக்கப்பட்டுள்ள மீனவர்களின் வாழ்வாதாரம் மேலும் பாதிக்கும் என்பதை வருத்தத்துடன் தெரிவித்துக்கொள்கிறேன். பாரம்பரியமாக பாக் ஜலந்தி கடல் பகுதியில் மீன்படிக்கும் தமிழக மீனவர்களின் உரிமையை பாதுகாத்து தரும்படியும் கேட்டுக்கொள்கிறேன்.
இவ்வாறு முதல்வர் எடப்பாடி பழனிசாமி அந்தக்கடிதத்தில் கூறியுள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து