திருமங்கலம் அருகே உயிரிழக்கும் மான்களின் எண்ணிக்கை தினம்தோறும் அதிகரிப்பு: மான்கள் சரணாலயம் அமைத்திட சமூக ஆர்வலர்கள் கோரிக்கை:

வெள்ளிக்கிழமை, 11 ஆகஸ்ட் 2017      மதுரை
tmm news

 திருமங்கலம்.- மதுரை மாவட்டம் திருமங்கலம் அருகேயுள்ள சிவரக்கோட்டை பகுதியில் வாகன விபத்துக்களில் சிக்கியும்,வனவிலங்குகள் தாக்கியும் உயிரிழக்கும் மான்களின் எண்ணிக்கை தினம்தோறும் அதிகரித்து வருவதால் அந்த பகுதியில் வசித்திடும் மான்களை காப்பாற்றிட வசதியாக மான்கள் சரணாலயம் அமைத்திட வேண்டும் என வனத் துறையினருக்கு சமூக ஆர்வலர்கள் கோரிக்கை விடுத்துள்ளனர்.
திருமங்கலம் அருகேயுள்ள சிவரக்கோட்டை,நேசநேரி,கரிசல்காளம்பட்டி உள்ளிட்ட பல்வேறு கிராமப் பகுதிகளில் மான்கள்,முயல்கள்,காட்டுபன்றிகள்,காட்டுப்பூனைகள் மற்றும் எறுப்புதின்னிகள் உள்ளிட்ட ஏராளமான வனஉயிரினங்கள் வசித்து வருகின்றன.சில சமயங்களில் சிறுத்தைகள் நடமாட்டம் இருப்பதாகவும் அப்பகுதி மக்கள் தெரிவிக் கின்றனர்.எனினும் குறிப்பாக சிவரக்கோட்டை கண்மாயிலும் அதனைச் சுற்றியுள்ள காட்டுப்பகுதிகளிலும் 50க்கும் மேற்பட்ட ஏராளமான புள்ளிமான்கள் கூட்டம் கூட்டமாக வசித்து வருகின்றது. இந்நிலையில் தண்ணீர் மற்றும் இரை தேடி காட்டுப்பகுதியை விட்டு வெளியேறிடும் மான்களை அப்பகுதியிலுள்ள நாய்கள் துரத்திச் செல்வதை வழக்கமாக கொண்டுள்ளன.நாய்களின் துரத்தலால்  மிரண்டு ஓடிடும் மான்கள் ராயபாளையம் விலக்கு-சிவரக்கோட்டை-கள்ளிக்குடி இடையே சென்றிடும் நான்கு வழிச்சாலையை கடந்து செல்ல முற்படும்போது அவ்வழியே அதிவேகத்தில் சென்றிடும் வாகனங்கள் மோதி படுகாயமடைந்து உயிரிழக்கின்றன.கடந்த சில நாட்களில் மட்டும் அடையாளம் தெரியாத வாகனங்கள் மோதியதில 10க்கும் மேற்பட்ட புள்ளி மான்கள் விபத்தினால் இறந்துள்ளன.
இதனிடையே மேற்கண்ட பகுதிகளில் இரை தேடி காட்டைவிட்டு வெளியேறிடும் மான்களை அப்பகுதியிலுள்ள நாய்கள் கூட்டமாக விரட்டிச் சென்று கடித்துக் குதறி தின்பதை வழக்கமாக கொண்டுள்ளது.இது போன்று நாய்களின் தாக்குதலுக்கு ஆளாகி இதுவரையில் 8 க்கும் மேற்பட்ட புள்ளிமான்கள் பலியாகி உள்ளன.சில சமயங்களில் இந்த பகுதியில் நடமாடிடும் சிறுத்தைகள் மான்களை நீண்டதூரம் விரட்டிச் சென்று கொன்று தின்பதாக காட்டில் ஆடு,மாடு மேயப்பவர்கள் தெரிவித்துள்ளனர்.கடந்த சில தினங்களுக்கு முன்பாக கூட சிறுத்தை தாக்கி புள்ளி மானொன்று பாதி தின்னப்பட்ட நிலையில் இறந்து கிடந்ததாக தகவல்கள் வெளியாகின.இந்நிலையில் நேற்று காலை சிவரக்கோட்டை கிராமத்தில் கழுத்தில் காயத்துடன் புள்ளிமான் இறந்து கிடந்ததையும்,முன்னாள் சாலையோர உணவகத்தினுள் காலில் காயத்துடன் பெண் புள்ளிமானொன்று கிடந்ததையும் வனத்துறையினர் மீட்டு விசாரணை நடத்தி வருகின்றனர்.
இந்நிலையில் புள்ளிமான்கள் நான்குவழிச்சாலையை கடந்து செல்லும் போது வாகனங்கள் மோதியும்,காட்டு விலங்குகள் மற்றும் தெரு நாய்கள் தாக்கி உயிரிழப்பதையும் தடுத்திடும் வகையில்  வனத்துறையினர் பல்வேறு நடவடிக்கைகள் மேற்கொண்டு வரும் சூழலில் மதுரை மாவட்டம் திருமங்கலம் அருகேயுள்ள சிவரக்கோட்டை பகுதியில் மான்கள் சரணாலயம் அமைத்திட வேண்டும் என்று சமூக ஆர்வலர்கள் கோரிக்கை விடுத்துள்ளனர்.இல்லாவிடில் அரிவகை புள்ளிமான்களின் இனம் இந்த பகுதியில் இல்லாமல் போய்விடும் எனவும் சமூக ஆர்வலர்கள் கவலை தெரிவிக்கின்றனர்.
2படம் நெட்டில் உள்ளது: படவிளக்கம்: 1.வனவிலங்கு தாக்கியதில் உயிரிழந்த மான்.
2.நான்கு வழிச்சாலையை கடக்க முயன்று வாகனம் மோதியதில் காலில் லேசான காயமடைந்த நிலையில் வனத்துறையினரால் மீட்கப்பட்ட மான்.

இதை ஷேர் செய்திடுங்கள்:

View all comments

வாசகர் கருத்து

சில சுவாரிஸ்யமான தகவல்கள்

ஸ்மார்ட் ரெயில் !

சீனாவில் சாலையில் வரையப்பட்டுள்ள கோட்டின் மீது மணிக்கு 70 கி.மீ. வரை வேகத்தில் செல்லும் உலகின் முதல் ஸ்மார்ட் ரெயில் தனது சோதனை ஓட்டத்தை வெற்றிகரமாக முடித்து பயணத்தை தொடங்கி உள்ளது. ஏ.ஆர்.டி. என்று அழைக்கப்படும் இந்த ரெயில் மூன்று பெட்டிகளை கொண்டுள்ளது. இதில் 300 பேர் பயணம் செய்யலாம். மற்ற ரெயில் அல்லது டிராம் போக்குவரத்திற்கு ஆகும் செலவை விட குறைந்த அளவான தொகையே இதற்கு செலவாகிறது. தற்சமயம் ஹூனான் மாகாணம் சுஜோவ் நகரில் நான்கு நிலையங்களை கொண்ட 3.1 கி.மீ. தொலைவிற்கு மட்டுமே அறிமுகப்படுத்தப்பட்டு, ரெயில் இயக்கப்படுகிறது. அடுத்த ஆண்டு முதல் முக்கிய சாலைகளில் இயங்கத் தொடங்கும் என எதிர்பார்க்கப்படுகிறது.

நௌலி ஆசனம்

நௌலியின் ஆசனத்தை செய்து வருவதால் வயிற்றை சார்ந்த முதுகெலும்பின் பாகங்கள், அதைச்சார்ந்த நரம்புக்கூட்டங்கள் அனைத்தும் புத்துயிர் பெறும். நரம்புகள் பலம் பெறுவதால் உடல் வலுவடையும். குடல் வாயு, வயிற்று கோளாறுகள், வாயில் துர்நாற்றம் உள்பட பல பிரச்சினைகள் தீர்ந்து விடும். நோயின்றி ஆரோக்கியமாக வாழ தட்சிண நௌலி உறுதுணையாக இருக்கும்.

மாரடைப்பை தடுக்க...

இன்று, உலகில் அதிகமாகப் பயிரிடப்படும் உணவுப் பொருட்களில் 4-வது இடத்தில் இருக்கும் உருளைக்கிழங்கில் கார்போஹைட்ரேட், ஸ்டார்ச், வைட்டமின் சி, வைட்டமின் பி 6, வைட்டமின் ஏ, பொட்டாசியம், மாங்கனீஸ், பாஸ்பரஸ், போலிக் ஆசிட், கால்சியம், பைட்டோகெமிக்கல்ஸ், காப்பர், நியாசின் ஆகியவை உள்ளன. இது நோய் எதிர்ப்புச் சக்தியை அதிகரிக்கும். மாரடைப்பு வருவதைத் தடுக்கும்.

ரோபோவுக்கு குடியுரிமை

உலகில் முதன்முறையாக, ஒரு பெண் ரோபோவுக்கு சவுதிஅரேபிய அரசு குடியுரிமை வழங்கி உள்ளது. அந்த ரோபோவின் பெயர் சோபியா ‘ஹன்சன் ரோபோடிக்‘ நிறுவனத்தை சேர்ந்த டேவிட் ஹன்சன் வடிவமைத்துள்ளார். பெண் போன்று பேசும் இந்த ரோபோட், கேட்கும் கேள்விக்கு மனிதர்கள் போன்று சரமாரியாக பதில் அளிக்கிறது. இந்த ரோபோ அமெரிக்க நடிகை ஆட்ரி ஹெப்பர்ன் போன்ற தோற்றத்தில் வடிவமைக்கப்பட்டுள்ளது.

மாதுளை நன்மை

இதயத்திற்கு வலுசேர்க்கும் மாதுளை எளிதில் ஜீரணமாகும் பழம். இதன் தோல், இலை, பூ, காய், வேர், விதை போன்ற அனைத்திலும் மருத்துவ குணங்கள் நிறைந்திருக்கின்றன. உடலில் ஏற்படும் சோர்வு நீங்கவும், உடலில் நோய் எதிர்ப்பு சக்தியை மேம்படுத்தவும், ஈரலின் செயல்பாட்டிற்கும் ஏற்றதாக இது இருக்கிறது. ஈரலில் வைட்டமின் ஏ-யை சேகரிக்கும் ஆற்றல் அதிகரிக்கும்.

அதிகாலை எழுதல்

அதிகாலையில் சீக்கிரம் கண் விழிப்பவர்கள், தாமதமாக கண்விழிப்பவர்களை விட ஆரோக்கியமாகவும், மகிழ்ச்சியாக இருப்பதும் ஆய்வில் தெரிய வந்துள்ளது. மேலும், அதிகாலையிலேயே இவர்கள் உறக்கம் கலைந்து எழுவதால்  மன அழுத்தத்தினாலும், உடல் பருமன் பிரச்சினைகளால் பாதிக்கப்படுவதில்லையாம். இவர்கள், சராசரியாக காலை 6.58 மணிக்கு எழுவதாக தெரிவித்துள்ளனர்.

வாழைப்பழ டயட்

வாழைப்பழம் நார்சத்து, பொட்டாசியம் உள்ளிட்ட பல சத்துக்களை கொண்டது. 12 நாட்கள் தினமும் வெறும் வாழைப்பழம் மட்டுமே சாப்பிட்டு வந்தால் உடல் மிகுந்த ஆரோக்கியம் உடையதாகவும் உடலில் உள்ள தேவையில்லாத கொழுப்புகள் கரைந்து, உடல் எடை குறையும். இந்த டயட் மேற்கொள்ளும் போது. கட்டாயம் ஒரு நாளைக்கு 4 லிட்டர் தண்ணீர் குடிப்பது அவசியம். பச்சை கீரை வகைகள் வேண்டுமானால் சேர்த்துக் கொள்ளலாம்.

தோலின் முக்கியத்துவம்

மனித உடலில் தோலின் செயல்பாடு குறித்து நிபுணர்கள் மேற்கொண்ட ஆய்வில் பல சுவாரசியமான தகவல்கள் தெரியவந்துள்ளது. அதில் குறிப்காக, மனிதர்களின் உடலில் ரத்த அழுத்தம், இதய துடிப்பு போன்றவை சீராக செயல்பட தோல் உதவுவதுதான் என்பது. முதலில் இந்த சோதனையை ஒரு சுண்டெலியின் மீது நடத்தப்பட்டது. மிக குறைந்த அளவிலான ஆக்சிஜன் உள்ள இடத்திலும், அதிக அளவிலும், மிதமான அளவிலும் ஆக்சிஜன் உள்ள இடங்களிலும் வைத்து ஆராய்ச்சி மேற்கொள்ளப்பட்டது. அந்த ஆய்வில் மூலம், ரத்த அழுத்தம், இதய துடிப்பு போன்றவை சீராக செயல்பட தோல் உதவுவது கண்டு பிடிக்கப்பட்டது. இதன் மூலம் மனிதர்களின் உடலில் ரத்த அழுத்தம் மற்றும் இதய துடிப்பை சீராக வைப்பதில் தோலின் பங்கு மிக முக்கியம் என்பது தெரிய வந்துள்ளது.

நவீன கருவி ‘இலி’

மனிதர்களின் குரல் கட்டளைகளுக்கு ஏற்ப செயல்படும் ஹ்மனாய்டு ரோபோக்களின் தயாரிப்பு சர்வதேச அளவில் அதிகரித்த வண்ணம் உள்ளன. இந்த நிலையில் குரல் கட்டளைகளை ஏற்று அதனை பிற மொழிகளில் மொழி பெயர்த்து தரும் நவீன ரக மொழிபெயர்ப்பு கருவி தற்போது அறிமுகப்படுத்தப்பட்டிருக்கிறது. இதற்கு ‘இலி’ என்று பெயர் வைக்கப்பட்டுள்ளது. பென் டிரைவ் போன்ற வடிவத்தை கொண்ட ‌இந்தக் கருவி ஆங்கிலத்தில் விடுக்கப்படும் குரல் கட்டளைகளை ஏற்று, அதற்குரிய சீன,‌ ஜப்பான் மற்றும் ஸ்பானிஷ் சொற்களை ஒலி வடிவில் தருகிறது. இந்தக் கருவியின் சிறப்பு, இதை பயன்படுத்துவதற்கு இணைய வசதி என்பது தேவையில்லை என்பது மற்றும் 2 நொடிகளில் மொழிப்பெயர்பை கேட்கலாம்.

புதிய முயற்சி

பிரேசில் நாட்டின் ஹோர்டோலண்டியா பகுதியில் உள்ள உயரமான இடத்தில் இருந்து ஊஞ்சலாடும் சாகசப்போட்டி நடைப்பெற்றது. அப்போது, 245 பேர் இணைந்து ஒரே நேரத்தில் பாலத்தில் ஊஞ்சல் ஆடி கின்னஸ் சாதனைப் படைத்தனர். 245 பேரும் பாலத்தில் ஊஞ்சல் ஆடுவது அனைவரிடமும் ஆச்சரியத்தை ஏற்படுத்திய நிலையில், இதுகுறித்த வீடியோ தற்போது வைரலாக பரவி வருகிறது.

கோப்பையின் மதிப்பு

கடந்த 1000 ஆண்டுகளுக்கு முன்பு சீனாவில் தயாரிக்கப்பட்ட ஒரு சிறிய கோப்பை ரூ.245 கோடிக்கு (37.7 மில்லியன் டாலர்) ஏலம் போனது. இது சாங் மன்னர் ஆட்சி காலத்தில் அதாவது கி.பி.960-1127-ம் ஆண்டு தயாரிக்கப்பட்டது. இந்த கோப்பை ஹாங்காங் கில் சோத்பீ மையத்தில் ஏலம் விடப்பட்டது. இதற்கு முன்பு கடந்த 2014-ம் ஆண்டு மிங் மன்னர் ஆட்சி காலத்தில் தயாரிக்கப்பட்ட சீன கோப்பை அதிகபட்சமாக ரூ.233 கோடிக்கு ஏலம் போனது.

‘லைவ் லொகேஷன்’

பயனாளர்களுக்கு  இருப்பிடத்தை நேரடியாக பகிர்ந்துகொள்ளும் ‘லைவ் லொகேஷன்’ என்ற புதிய தொழில்நுட்பம் ஒன்றை வாட்ஸ்-அப் செயலி அறிமுகப்படுத்தியுள்ளது. இந்த செயலின் மூலம் வாட்ஸ்-அப் செயலி பயன்பாட்டாளர்கள், தங்களின் இருப்பிடத்தை தங்களது நண்பர்களிடம் நேரடியாக பகிர்ந்துகொள்ள முடியுமாம்.