முக்கிய செய்திகள்
Idhayam Matrimony

கல்யாண கோஷ்டி போல் டாக்சி பிடித்து ரெய்டுக்கு வந்த வருமானவரித்துறை அதிகாரிகள்

வியாழக்கிழமை, 9 நவம்பர் 2017      தமிழகம்
Image Unavailable

சென்னை:  திருமண ஸ்டிக்கருடன் வாடகை காரில் வருமான வரித்துறை அதிகாரிகள் சோதனை நடத்த வந்தது தெரியவந்துள்ளது. சசிகலாவின் உறவினர்கள் மற்றும் அவர்களின் ஆதரவாளர்கள் வீடுகளில் வருமான வரித்துறை அதிகாரிகள் நேற்றுக்காலை முதல் அதிரடி ரெய்டு நடத்தினர். ஜெயா டிவி, ஜாஸ் சினிமாஸ், மிடாஸ் மதுபான ஆலை என 190 இடங்களில் வருமான வரித்துறை அதிகாரிகள் சோதனை நடத்தினர். வரி ஏய்ப்பு மற்றும் கறுப்புப்பணம் ஒழிப்புக்காக சோதனை நடத்தப்படுவதாக வருமான வரித்துறை அதிகாரிகள் தெரிவித்தனர்.

இந்நிலையில் வருமான வரித்துறை சோதனை விஷயம் மிக ரகசியமாக மேற்கொள்ளப்பட்டுள்ளது தெரியவந்துள்ளது. வருமான வரித்துறை ரெய்டு விஷயம் முன்கூட்டியே கசிந்துவிடக் கூடாது என்பதற்காக அதிகாரிகள் வாடகை காரில் சென்றுள்ளனர். மேலும் திருமணத்திற்கு செல்வது போல் கல்யாண ஸ்டிக்கர்களை காரில் ஒட்டியுள்ளனர்.

ரெய்டு நடக்கும் 190 இடங்களுக்கும் அதிகாரிகள் இதுபோலவே கல்யாணத்திற்கு செல்வது போல் சென்றனர். அதிகாரிகள் செல்வது குறித்து யாருக்கும் தகவல் தெரியக்கூடாது என்பதற்காக வருமான வரித்துறை அதிகாரிகள் இந்த யுத்தியை கையாண்டுள்ளனர்.

அதிகாலையிலேயே ரெய்டு நடத்த முன்கூட்டியே வாடகை கார்களையும் வருமான வரித்துறையினர் முன்பதிவு செய்துள்ளனர். 190 இடங்களிலும் 200க்கும் மேற்பட்ட அதிகாரிகள் சோதனை நடத்தினர். தமிழகம் மட்டுமின்றி கர்நாடகாவில் உள்ள சசிகலாவின் ஆதரவாளர்கள் வீட்டிலும் ரெய்டு நடைபெற்றது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து