நெரிசல் மிகுந்த நேரங்களில் விரைவாக செல்ல பைக் ஆம்புலன்ஸ் டெல்லியில் அறிமுகமாகிறது

வெள்ளிக்கிழமை, 10 நவம்பர் 2017      இந்தியா
BIKEAMBULANCE 2017 11 10

புதுடெல்லி: டெல்லியில் போக்குவரத்து நெரிசல் மிகுந்த நேரங்களில் அவசரத் தேவைக்கு பைக் ஆம்புலன்ஸ் பயன்படுத்த முடிவு செய்யப்பட்டுள்ளது.
முதல்கட்டமாக 16 ஆம்புலன்ஸ் வாகனங்கள் பயன்பாட்டுக்கு வர உள்ளன. இந்த முன்னெடுப்பு டெல்லியின் 3 மாவட்டங்களில் ஜனவரியில் இருந்து அமலுக்கு வரும் என்று தெரிவிக்கப்பட்டுள்ளது.

இந்த முடிவு டெல்லியின் துணைநிலை கவர்னர் அனில் பைஜால் தலைமையிலான சந்திப்புக் கூட்டத்தில் எடுக்கப்பட்டுள்ளது. இந்த சந்திப்பில் சுகாதாரத்துறை அமைச்சர் சத்யேந்தர் ஜெயின், சில மருத்துவமனைகளின் மருத்துவ கண்காணிப்பாளர்கள், டெல்லி காவல் துறை அதிகாரிகள் ஆகியோர் கலந்துகொண்டனர்.

இதுதொடர்பாக வெளியிடப்பட்டுள்ள அறிக்கையில் கூறியிருப்பதாவது,
 ''டெல்லியின் பெரும்பாலான பகுதிகளில் போக்குவரத்து நெரிசல் மிகுந்த நேரங்களிலும், நெரிசலான சாலைகளிலும் அவசர கால ஆம்புலன்ஸ் தேவை அதிகமாக உள்ளது. எனவே தற்போதுள்ள

ஆம்புலன்ஸுகளுக்கு உதவும் வகையில் பைக் ஆம்புலன்ஸை அறிமுகப்படுத்த வேண்டிய அவசியம் ஏற்பட்டுள்ளது.
இந்த வசதி டெல்லியின் கிழக்கு, வட-கிழக்கு, ஷகாதரா மாவட்டங்களில் அறிமுகப்படுத்தப்படும். முதல்கட்டமாக 16 ஆம்புலன்ஸ் வாகனங்கள் பயன்பாட்டுக்கு வர உள்ளன.இந்த இருசக்கர வண்டிகள் பயிற்சி பெற்ற மருத்துவ உதவியாளர்களைக் கொண்டு இயக்கப்படும். அவர்கள் முதலுதவிப் பெட்டி, மருந்துகள் மற்றும் தேவையான பிற பொருட்களைக் கையில் வைத்திருப்பர்.

தேவை ஏற்படும் இடத்துக்கு உடனடியாகச் செல்லும் அவர்கள், முதலுதவியை அளித்து, நோயாளிகளை நிலைப்படுத்தி ஆம்புலன்ஸ் வரும்வரை அங்கேயே காத்திருப்பர்.இதன்மூலம் விபத்துக்குள்ளான மனிதர்களின் பொன்னான நேரத்தில் தேவையான மருத்துவ சிகிச்சை அளிக்கப்படுவது உறுதி செய்யப்பட்டு, அவர்களின் உயிரைக் காக்க முடியும்'' என்று கூறப்பட்டுள்ளது.

Kolamavu Kokila(CoCo) Movie Review | Nayanthara | Yohi babu | Anirudh | Nelson

World's ugliest pug!! See for yourself!

கட்சியின் சொத்துக்களை அபகரிக்க முயலும் தி.மு.க வினர் - மு.க. அழகிரி பகிர் தகவல்

கண்பார்வை அற்றவர் வெறும் காகிதங்களை வைத்து ஒலி எழுப்பி சாகசம்

அழகிரிக்கு பதவி தர விரும்பாத ஸ்டாலின் - குடும்ப சண்டையால் வெடித்துள்ள பூகம்பம்

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

வீட்டில் வளர்க்க தகுந்த வண்ண மீன்களின் வகைகள் | Aquarium | Aquarium fish in tamil

Racing Pigeon | Prepare to grow | புறாக்களை குஞ்சுகளிலிருந்து பந்தயத்திற்கு தயார் படுத்துதல்

இதை ஷேர் செய்திடுங்கள்:

View all comments

வாசகர் கருத்து