முக்கிய செய்திகள்
Idhayam Matrimony

இலங்கை டெஸ்ட் தொடரில் கங்குலி சாதனையை கோலி முறியடிக்க வாய்ப்பு

செவ்வாய்க்கிழமை, 14 நவம்பர் 2017      விளையாட்டு
Image Unavailable

கொல்கத்தா : இந்தியா - இலங்கை அணிகள் மோதும் முதல் டெஸ்ட் போட்டி கொல்கத்தாவில் 16-ம் தேதி தொடங்குகிறது. இந்த டெஸ்ட் தொடரில் கங்குலியின் சாதனையை விராட்கோலி முறியடிக்க வாய்ப்பு உள்ளது.

சுற்றுப்பயணம்

இலங்கை கிரிக்கெட் அணி 3 டெஸ்ட், 3 ஒருநாள் போட்டி மற்றும் மூன்று 20 ஓவர் ஆட்டத்தில் விளையாடுவதற்காக இந்தியா வந்துள்ளது. இந்தியா - இலங்கை அணிகள் மோதும் முதல் டெஸ்ட் போட்டி கொல்கத்தா ஈடன்கார்டன் மைதானத்தில் வருகிற 16-ந்தேதி தொடங்குகிறது. இந்த டெஸ்ட் தொடரில் கங்குலியின் சாதனையை விராட்கோலி முறியடிக்க வாய்ப்பு உள்ளது. இலங்கைக்கு எதிரான டெஸ்ட் தொடரை இந்திய அணி 3-0 என்ற கணக்கில் முழுமையாக (ஒயிட்வாஷ்) கைப்பற்றும் போது வீராட் கோலி இந்த சாதனையை முறியடிப்பார்.

முதல் இடத்தில்...

இந்திய கேப்டன்களில் தொடர்ந்து அதிக வெற்றி பெற்றவர்களில் 2-வது இடத்தில் இருக்கிறார் கங்குலி. அவரது தலைமையில் இந்திய அணி 21 டெஸ்டில் வெற்றி பெற்று இருக்கிறது. விராட்கோலி 19 வெற்றியுடன் 3-வது இடத்தில் உள்ளார். இலங்கைக்கு எதிராக 3 டெஸ்டிலும் வெல்லும்போது அவர் 22 வெற்றியுடன் 2-வது இடத்துக்கு முன்னேறுவார். டோனி 27 வெற்றியுடன் முதல் இடத்தில் உள்ளார்.விராட்கோலி அணி சமீபத்தில் இலங்கை சுற்றுப்பயணத்தில் 3 டெஸ்டிலும் வென்று ஒயிட்வாஷ் செய்து இருந்தது. தற்போது சொந்த மண்ணில் விளையாடுவதால் இந்த முறையும் முழுமையாக டெஸ்ட் தொடரை வெல்ல முடியும் என்ற நம்பிக்கையில் இந்திய அணி உள்ளது.

தாமதம் ஏற்படலாம்

மேலும் 2015-ம் அண்டு ஆகஸ்டில் இலங்கை பயணத்தின்போது டெஸ்ட் தொடரை 2-1 என்ற கணக்கில் வென்று இருந்தது. ஒருவேளை விராட்கோலி 3-வது டெஸ்டில் விளையாட முடியாமல் ஓய்வு எடுத்தால் கங்குலியின் சாதனையை முறியடிப்பதில் தாமதம் ஏற்படலாம். அடுத்த டெஸ்ட் தொடர் வரை காத்திருக்க வேண்டும். மேலும் இலங்கை அணி ‘டிரா’ செய்யும் வகையில் விளையாடினாலும் கோலியின் புதிய சாதனை தாமதமாகும்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து