முக்கிய செய்திகள்
Idhayam Matrimony

தமிழகத்தில் வடகிழக்குப் பருவமழை குறைவாக பெய்த மாவட்டங்கள்

திங்கட்கிழமை, 1 ஜனவரி 2018      தமிழகம்
Image Unavailable

சென்னை, தமிழகத்தில் 11 மாவட்டங்களில் வடகிழக்குப் பருவமழை இயல்பைவிட குறைவாக பெய்திருப்பதாக சென்னை வானிலை ஆய்வு மையம் தெரிவித்துள்ளது.

தமிழகத்திற்கு அதிக மழைப்பொழிவை தருவிக்கும் வடகிழக்குப் பருவமழை அக்டோபர், நவம்பர், டிசம்பர் ஆகிய மூன்று மாதங்கள் பெய்யும். இந்நிலையில் கடந்த அக்டோபர் மாதம் 27ஆம் தேதி வடகிழக்குப் பருவமழை தொடங்கியது. ஒரு வாரம் தாமதமாக தொடங்கிய பருவமழை இயல்பைவிட அதிகமாகவே இருக்கும் என கூறப்பட்டது. ஆனால் சொல்லிக்கொள்ளும் அளவுக்கு தமிழகத்தில் மழை பெய்யவில்லை.

வடகிழக்குப்பருவ மழை நிறைவு

இந்நிலையில் சென்னை வானிலை மைய இயக்குநர் பாலச்சந்திரன் வடகிழக்கு பருவமழை முடிவடைந்துவிட்டதாக தெரிவித்தார். தமிழகத்தில் 2017 அக்டோபர் 1 முதல் டிசம்பர் 31-ம் தேதி வரை வடகிழக்கு பருவமழை 40 செ.மீ. பெய்துள்ளதாக அவர் கூறினார்.

 தமிழ்நாட்டில் 11 மாவட்டங்களில் 20 முதல் 40 சதவீதம் வரை மழை குறைவாக பெய்துள்ளதாக அவர் தெரிவித்தார். புதுக்கோட்டை, ராமநாதபுரம், திருச்சி, கோவை மாவட்டங்களில் 40 சதவீதம் முதல் 50 சதவீதம் மழை குறைவாக பெய்திருப்பதாகவும் அவர் கூறினார்.

புதுக்கோட்டை மாவட்டத்தில் 49 சதவீதம் மழை குறைவாக பெய்துள்ளது என்றும் அவர் கூறினார். நெல்லை, குமரி, நாகையில் இயல்பை விட அதிக மழை பெய்துள்ளதாகவும் சென்னை வானிலை மைய இயக்குநர் பாலச்சந்திரன் தெரிவித்தார்.

சென்னையில் 5சதவீதம் அதிகம், நெல்லை மாவட்டத்தில் இயல்பை விட 42 சதவீதம் அதிகமாக மழை பெய்துள்ளது. சென்னையில் 2017ஆம் ஆண்டில் 137 சென்டி மீட்டர் மழை பெய்துள்ளது. இது இயல்பான மழை அளவு 132 சென்டி மீட்டரைவிட 5 சதவீதம் அதிகம் என்றும் என வானிலை ஆய்வு மைய இயக்குனர் பாலசந்திரன் கூறியுள்ளார்.

தென்மேற்கு பருவமழை அதிகம்

தமிழகம் மற்றும் புதுச்சேரியில் வடகிழக்கு பருவமழையை பொறுத்துவரை இயல்பை விட 9 சதவீதம் குறைவாக பெய்துள்ளது என்றும் அவர் கூறினார். மேலும் தென் மேற்கு பருவமழை 29 சதவீதம் அதிகம் பெய்திருப்பதாகவும் சென்னை வானிலை மைய இயக்குநர் பாலச்சந்திரன் தெரிவித்துள்ளார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து