முக்கிய செய்திகள்
Idhayam Matrimony

3-வது ஒருநாள் போட்டி: நியூசிலாந்து அணியை வீழ்த்தி இங்கிலாந்து திரில்லிங் வெற்றி!

சனிக்கிழமை, 3 மார்ச் 2018      விளையாட்டு
Image Unavailable

வெல்லிங்டன் : நியூசிலாந்துக்கு எதிரான 3-வது ஒரு நாள் போட்டியில் இங்கிலாந்து அணி திரில்லிங் வெற்றி பெற்றது.

இங்கிலாந்து கிரிக்கெட் அணி, நியூசிலாந்தில் சுற்றுப்பயணம் செய்து 5 போட்டிகள் கொண்ட ஒருநாள் தொடரில் விளையாடி வருகிறது. முதலாவது போட்டியில் நியூசிலாந்தும்  இரண்டாவது போட்டியில் இங்கிலாந்தும் வெற்றிப்பெற்றன. மூன்றாவது போட்டி வெலிங்டனில் நேற்று நடந்தது.

பீல்டிங் தேர்வு...

டாஸ் வென்ற நியூசிலாந்து அணி, பீல்டிங்கை தேர்ந்தெடுத்தது. இதன்படி முதலில் பேட்டிங்கைத் தொடங்கிய இங்கிலாந்து அணி, 234 ரன்களுக்குள் ஆல் அவுட் ஆனது. அந்த அணியின் மோர்கன் அதிகப்பட்சமாக 48 ரன்களும் ஸ்டோக்ஸ் 39 ரன்களும் எடுத்தனர். நியூசிலாந்து தரப்பில் சோதி 3 விக்கெட்டுகளும் போல்ட் 2 விக்கெட்டுகளும் கிராண்ட்ஹோம், சவுதி தலா ஒரு விக்கெட்டும் எடுத்தனர். மூன்று பேர் ரன் அவுட் முறையில் ஆட்டம் இழந்தனர் என்பது குறிப்பிடத்தக்கது.

வில்லியம்சன் சதம்

பின்னர் ஆட்டத்தை தொடங்கிய நியூசிலாந்து அணியில் குப்திலும் முன்றோவும் களமிறங்கினர். வந்த வேகத்திலேயே வோக்ஸ் பந்தில், குப்தில் அவுட் ஆனார். அடுத்து முன்றோவுடன் இணைந்தார் கேப்டன் வில்லியம்சன். 49 ரன்களில் முன்றோ ஆட்டமிழந்தார். இங்கிலாந்தின் நேர்த்தியான பந்துவீச்சில் அடுத்த வந்தவர்களும் அடுத்தடுத்து அவுட் ஆக, நிலைத்து நின்று விளையாடிய வில்லியம்சன் அபார சதமடித்தார். அவருக்கு ஒத்துழைப்புக் கொடுத்த சன்ட்னர் 41 ரன்கள் எடுத்த நிலையில் ரன் அவுட் ஆக, போட்டியில் பதற்றம் தொற்றிக்கொண்டது.

இங்கிலாந்து வெற்றி...

கடைசி ஓவரில் நியூசிலாந்துக்கு 15 ரன்கள் தேவைப்பட்டது. முதல் பந்தில் ரன் கிடைக்கவில்லை. இரண்டாவது பந்தில் இரண்டு ரன் எடுத்த வில்லியம்சன் முன்றாவது பந்தை சிக்சருக்குத் தூக்கினார். அடுத்த பந்தில் இரண்டு ரன்கள் எடுத்தார். அடுத்த பந்தில் ரன் கிடைக்கவில்லை. கடைசி பந்தில் 5 ரன்கள் தேவைப்பட்டது. ஆனால், கடைசி பந்தை யார்க்கராக வீசினார் வோக்ஸ். அதை அடிக்க முடியாததால் ரன் கிடைக்கவில்லை. இதையடுத்து 4 ரன்கள் வித்தியாசத்தில் இங்கிலாந்து அணி வெற்றி பெற்றது. வில்லியம்சன் 112 ரன்கள் எடுத்தார்.  இந்த வெற்றியின் மூலம் தொடரில் 2-1 என்ற கணக்கில் இங்கிலாந்து முன்னிலை பெற்றுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 6 days ago ஆவாரம்பூவின் மருத்துவ பலன்கள் 2 weeks 6 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 4 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 17 hours ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.