அமெரிக்காவிலுள்ள இந்தியத் தூதரகத் தொலைபேசி இணைப்பில் ஊடுருவி மர்ம நபர்கள் பண மோசடி

செவ்வாய்க்கிழமை, 6 மார்ச் 2018      உலகம்
telephone 2018 03 06

வாஷிங்டன்: அமெரிக்காவிலுள்ள இந்தியத் தூதரகத்தின் தொலைபேசி இணைப்புகளில் ஊடுருவி, அந்த நாட்டில் வசிக்கும் இந்தியர்களிடம் மர்ம நபர்கள் பண மோசடியில் ஈடுபடுவதாக எச்சரிக்கை விடுக்கப்பட்டுள்ளது.

இதுகுறித்து அந்தத் தூதரகம் வெளியிட்டுள்ள அறிக்கையில் குறிப்பிடப்பட்டுள்ளதாவது: அமெரிக்காவில் வசித்து வரும் இந்தியர்களை தொலைபேசியில் அழைத்து, அவர்களது நுழைவு இசைவுக்கான (விசா) விண்ணப்பத்தில் தவறுகள் இருப்பதாகவும், அந்தத் தவறைத் திருத்தாவிட்டால் இந்தியாவுக்கு திருப்பி அனுப்பப்படவோ, அமெரிக்காவில் சிறைத் தண்டனை விதிக்கப்பட்டவோ நேரிடும் என்று ஏமாற்றுப் பேர்வழிககள் மிரட்டல் விடுத்துள்ளனர்.

மேலும், தவறுகளை திருத்துவதற்காக விசாரிப்பதைப் போல் விண்ணப்பதாரர்களின் வங்கிக் கணக்கு விவரங்களைக் கேட்கின்றனர். அதுமட்டுமின்றி, தண்டனையிலிருந்து தப்புவதற்காக பணம் அனுப்பும்படியும் கேட்டு மிரட்டி வருகின்றனர்.

தங்களது பேச்சை நம்பச் செய்வதற்காக, இந்தியத் தூதரகத்தின் தொலைபேசி இணைப்புகளில் தொழில்நுட்ப ரீதியில் ஊடுவி, தூதரகத்திலிருந்தே பேசுவதைப் போன்ற தோற்றத்தை அவர்கள் ஏற்படுத்துகின்றனர்.

இதுகுறித்து அமெரிக்க அதிகாரிகளிடம் புகார் அளித்துள்ளோம். நாங்களும் எங்களது தரப்பில் விசாரணை நடத்தி வருகிறோம் என்று அந்த அறிக்கையில் குறிப்பிடப்பட்டுள்ளது.

நண்பனாக வளரும் செல்லப்பிராணி PUG | review and care about pug dogs

PETTA Audio Launch Updates | Rajinikanth, Vijay Sethupathi, Simran, Trisha

Ragi paal | kelvaragu milk | BABY FOOD for 4 Months old | குழந்தைகளுக்கு கேழ்வரகு / ராகி பவுடர்

Learn colors with 10 Color Play doh and Bumblebee | Learn numbers with Clay and balloons and #TMNT

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

இதை ஷேர் செய்திடுங்கள்:

View all comments

வாசகர் கருத்து