முக்கிய செய்திகள்
Idhayam Matrimony

வடகொரிய அதிபர் உடனான சந்திப்பின் ஆபத்தை உணர்ந்தே டிரம்ப் ஒப்புக்கொண்டுள்ளார் - அமெரிக்க புலனாய்வு இயக்குனர் தகவல்

திங்கட்கிழமை, 12 மார்ச் 2018      உலகம்
Image Unavailable

வாஷிங்டன் : வடகொரிய அதிபர் கிம் ஜோங் உன் உடனான சந்திப்பின் ஆபத்தை உணர்ந்தே அவரை சந்திக்க டிரம்ப் ஒப்புக் கொண்டிருப்பதாக அமெரிக்க புலனாய்வு இயக்குனர் கூறியுள்ளார்.
அமெரிக்க அதிபர் டொனால்டு டிரம்பும் வடகொரிய அதிபர் கிம் ஜோங் உன்னும் வரும் மே மாதம் முதல்முறையாக சந்தித்துப் பேச உள்ளனர். .

வடகொரியா அடுத்தடுத்து அணு ஆயுத, ஏவுகணை சோதனைகளை நடத்தியதால் கொரிய தீபகற்பத்தில் போர் மேகம் சூழ்ந்தது. வடகொரியாவை அழிப்பேன் என்று அமெரிக்க அதிபர் டொனால்டு டிரம்பும், அமெரிக்கா மீது ஏவுகணைகளை வீசுவோம் என்று வடகொரிய அதிபர் கிம் ஜோங் உன்னும் பரஸ்பரம் மிரட்டல் விடுத்தனர்.

இந்த நிலையில், தென்கொரிய அதிபர் மூன் ஜே-இன் முயற்சியால் அந்த நாட்டில் அண்மையில் நடைபெற்ற குளிர்கால ஒலிம்பிக் போட்டியில் வடகொரியா பங்கேற்றது. வடகொரியா - தென் கொரிய உறவில் சுமுகமான நிலை எற்பட்டது.

இதனைத் தொடர்ந்து வடகொரிய அதிபர் கிம் உடனான சந்திப்பு குறித்து அமெரிக்கா அதிபர் ட்ரம்பிடம் தென்கொரிய அதிகாரிகள் ஆலோசனை நடத்தினர். இதன் முடிவில் டிரம்ப் - கிம் முதல் முறையாக சந்திக்கவுள்ளனர் என்ற தகவலை வெள்ளை மாளிகை வெளியிட்டது.

இந்த நிலையில் இந்த சந்திப்பு குறித்து அமெரிக்க புலனாய்வு இயக்குனர் கூறும்போது, "வடகொரிய அதிபர் கிம் ஜோங் உன் உடனான இந்தச் சந்திப்பின் ஆபத்தை டிரம்ப் உணர்ந்து இருக்கிறார். டிரம்ப் இரு நாடுகளுக்கிடையே உள்ள பிரச்சினையை தீர்க்க இருக்கிறார்" என்றார்.

டிரம்ப் - கிம் இடையேயான இந்தச் சந்திப்பு இரு நாடுகளுக்கு இடையே முன்பு இருந்த நிலையை விட மோசமாகும் வாய்ப்பிருக்கப்பதாக அரசியல் நிபுணர்கள் பலரும் எச்சரிக்கை விடுத்துள்ளனர் என்பது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து