முக்கிய செய்திகள்
Idhayam Matrimony

ஆஸ்திரேலியாவுக்குக்காக இனி விளையாட மாட்டேன் - கண்ணீர் மல்க வார்னர் பேட்டி

சனிக்கிழமை, 31 மார்ச் 2018      விளையாட்டு
Image Unavailable

சிட்னி : தனது தவறுக்காக மன்னிப்பு கேட்டுள்ள வார்னர், தனது பதவியை ராஜினாமா செய்துள்ளதுடன் இனி ஆஸ்திரேலிய அணிக்காக விளையாட போவதில்லை என தெரிவித்துள்ளார்.

பதவி பறிபோனது...

கேப்டவுனில் நடந்த தென்ஆப்பிரிக்காவுக்கு எதிரான 3-வது டெஸ்டின் 3-வது நாளில் ஆஸ்திரேலிய தொடக்க ஆட்டக்காரர் கேமரூன் பான்கிராப்ட் தனது பேண்ட் பாக்கெட்டில் மறைத்து வைத்திருந்த மஞ்சள் நிற சொரசொரப்பு காகிதத்தால் பந்தை சேதப்படுத்த முயற்சித்ததும், இதற்கு ஆஸ்திரேலிய கேப்டன் ஸ்டீவன் சுமித், துணை கேப்டன் டேவிட் வார்னர் மூளையாக செயல்பட்டதும் அம்பலமானது. ஆஸ்திரேலிய வீரர்களின் மோசடி, உலக கிரிக்கெட் அரங்கில் பெரும் அதிர்வலைகளை ஏற்படுத்தியது. தவறை வெளிப்படையாக ஒப்புக்கொண்ட ஸ்டீவன் சுமித்தின் கேப்டன் பதவி பறிபோனது.

9 மாதங்கள் தடை

இது குறித்து விசாரணை நடத்திய ஆஸ்திரேலிய கிரிக்கெட் வாரியம் ஸ்டீவன் சுமித், டேவிட் வார்னர் ஆகியோருக்கு சர்வதேச மற்றும் உள்ளூர் போட்டிகளில் விளையாட தலா ஓராண்டு தடையும், பான்கிராப்ட்டுக்கு 9 மாதங்கள் விளையாட தடையும் விதித்தது. அத்துடன் தடை காலம் முடிந்து மேலும் ஓராண்டுக்கு ஸ்டீவன் சுமித்தின் பெயர் கேப்டன் பதவிக்கு பரிசீலிக்கப்படாது என்றும் அந்த நாட்டு கிரிக்கெட் வாரியம் கூறியுள்ளது.
“பெரிய தவறு செய்துவிட்டேன். மன்னித்து விடுங்கள்” என்று கடந்த 3 தினங்களுக்கு முன் நிருபர்களுக்கு அளித்த பேட்டியில் சுமித் கண்ணீர் விட்டு கதறினார். வார்னர் ஏற்கனவே டுவிட்டில் மன்னிப்பு கேட்டு இருந்தார்.

விளையாட போவதில்லை

இந்த நிலையில் தனது தவறுக்காக மன்னப்பு கேட்டுள்ள வார்னர், தனது பதவியை ராஜினாமா செய்துள்ளதுடன் இனி ஆஸ்திரேலிய அணிக்காக விளையாட போவதில்லை என தெரிவித்துள்ளார். இதுகுறித்து கண்ணீர் மல்க பேட்டிளித்த டேவிட் வார்னர் துணை கேப்டனுக்குரிய அளவில் தவறுக்கு முழு பொறுப்பேற்று மிகவும் வருந்துகிறேன் என கூறினார்.

மனிதனைப்போல...

மேலும் அவர் கூறும் போது என் நாட்டிற்காக  மீண்டும் விளையாடுவதற்கான ஒரு சலுகை எனக்கு ஒரு நாள் வழங்கப்படலாம் என்ற நம்பிக்கையின்  ஒரு சிறிய வெளிச்சம் இருந்தது. ஆனால் மீண்டும் ஒருபோதும் நடக்கக்கூடாது என்று நான் ராஜினாமா செய்திருக்கிறேன்."வரவிருக்கும் வாரங்களிலும் மாதங்களிலும் நான் எப்படி நடப்பேன் என்று பார்ப்பேன். நான் ஒரு மனிதனைப்போல தான்  இருக்கிறேன். நான் கடுமையான மாற்றங்களை செய்ய உதவும் ஆலோசனை மற்றும் நிபுணத்துவத்தை நாடுகிறேன்.

மன்னிப்பு கோருகிறேன்

ஆஸ்திரேலியாவை மோசமான முறையில் கீழே விழ வைத்துவிட்டேன். ஒருநாள் உங்களிடம் மீண்டும் நம்பிக்கையையும், மதிப்பையையும் பெறுவேன் என்று நம்புகிறேன். எனது செயலுக்காக மன்னிப்பு கேட்டுக்கொள்கிறேன். மன்னிக்க முடியாத தவறை செய்துவிட்டேன். நாங்கள் எங்கள் நாட்டை தாழ்த்தி விட்டோம். நாங்கள் ஒரு மோசமான முடிவை எடுத்தோம். நான் அதில் கலந்து கொண்டேன் என கூறினார்.

நீண்ட காலம் ஆகும்

தென்ஆப்பிரிக்காவில் நடந்ததற்கு நான் தான் முழுக்காரணம். அது மன்னிக்க முடியாத குற்றம். எனக்கான மன்னிப்பை பெற நீண்ட காலம் ஆகும். எனது அணியினர் தென்ஆப்பிரிக்காவில் விளையாடிக் கொண்டு இருக்கும் போது நான் இங்கு இருப்பது மனதுக்கு வலியை ஏற்படுத்தியது. ஆஸ்தரேலிய மக்களிடம் எனது குடும்பத்தினருடன் மன்னிப்பு கேட்டுக்கொள்கிறேன்.

புரிந்துகொள்ள முடிகிறது

ஆஸ்திரேலிய நிருபர்களின் சில கேள்விகளுக்கு அவர் பதில் அளிக்கவில்லை. இது தொடர்பாக வார்னர் டுவிட்டரில் கூறும்போது, “ உங்களது கேள்விகளுக்கு பதில் சொல்லாதது எனக்கு தெரிகிறது. இதை என்னால் முழுமையாக புரிந்துகொள்ள முடிகிறது. ஆஸ்திரேலிய கிரிக்கெட் வாரியத்தின் அனைத்து விசாரணைகள் முடிந்த பிறகே பதில் தெரியும். சரியான நேரத்தில் அனைத்து கேள்விகளுக்கும் சரியான இடத்தில் பதில் அளிக்கப்படும்” என்றார்.

கிரிக்கெட் வீரர்கள் தவறு செய்த பிறகு கண்ணீர்விட்டு கதறுவது காலம் காலமாக இருந்து வரும் முறையாகும். குரோஞ்சி, கபில்தேவ், ஸ்ரீசாந்த் உள்ளிட்ட வீரர்கள் ஏற்கனவே கண்ணீர்விட்டு அழுது இருக்கிறார்கள்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து