வேதாரண்யத்தில் வெப்பம் அதிகமானதால் பேத்தல் மீன் இறந்து கரை ஒதுங்கியது

ஞாயிற்றுக்கிழமை, 1 ஏப்ரல் 2018      நாகப்பட்டினம்
vdm 2

வேதாரண்யம் கடற்கரை பகுதியில் கடல் வெப்பம் அதிகமானதால் ஏராளமான பேத்தல் மீன்களும், டால்பின் மீன்களும் மற்றும் ஆலிவர்ரெட்லி ஆமைகளும் நாள்தோறும் இறந்து கரை ஒதுங்குகின்றன.

 சிறிய மீன்கள்

ஜனவரி மாதம் முதல் மார்ச் மாதம் வரை வேதாரண்யம், கோடியக்கரை, ஆறுகாட்டுத்துறை, புஷ்பவனம் உள்ளிட்ட கடற்கரை பகுதிகளில் ஆண்டுதோறும் ஆலிவர்ரெட்லி ஆமைகள் முட்டையிடுவதற்கு வந்துசெல்லும். இவ்வாறு வந்து செல்லும் ஆமைகள் விசைப்படகுகளில் அடிபட்டு இறந்து நாள்தோறும் கரை ஒதுங்கி வருகின்றன இதேபோல் டால்பின் மீன்களும் நாள்தோறும் இறந்து கரை ஒதுங்குகின்றன.

இந்தநிலையில் ஆழ்கடல் பகுதியில் குளிர்ந்த நீரில் வசிக்கும் பேத்தல் வகை மீன்களும் கடல் நீர் வெப்பம் அதிகமானதால் நாள்தோறும் இறந்து கரை ஒதுங்குகின்றன. இந்த வகை சிறிய மீன்களை மீனவர்கள் பேத்தல் என்றும், தொப்புளான் என்றும் அழைக்கின்றனர்.

இந்த மீனின் மேற்பகுதியில் உடல் முழுவதும் முள் போன்று உள்ளது. கடலில் பெரிய மீன்கள் இவற்றை விழுங்க வரும் போது இந்த மீன்கள் உருண்டை வடிவில் முள் பந்து போன்று தன்னுடைய உடம்பை மாற்றிக்கொள்ளும் தன்மை உடையது. இந்த மீனை முன்பெல்லாம் பொதுமக்கள் சாப்பிடுவதில்லை. தற்போது மீனவர்கள் வலையில் சிக்கும் இந்த மீன்கள் விற்பனைக்காக வெளியூர்களுக்கு அனுப்பி வைக்கப்படுகிறது. குறைந்த விலைபோகும் இந்த மீன் கருவாடாகவும் விற்பனை செய்யப்படுகிறது.

How to Make Coconut Oil at Home? | வீட்டிலியே சுலபமாக தேங்காய் எண்ணெய் தயாரிப்பது எப்படி?

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

Rajapalayam Dog | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

Kili Mooku Vaal Seval | தமிழகத்தின் பாரம்பரிய கிளி மூக்கு வால் சேவல் - Part 2

Chippiparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover - Part 2

Chippyparai | இந்தியாவின் பாரம்பரிய நாட்டு நாய்கள் வளர்ப்பு | Indian Dog Breed Lover

இதை ஷேர் செய்திடுங்கள்:

View all comments

வாசகர் கருத்து