கடலூர் மாவட்டத்தில் சமூக நீதி நாள் விழா கலெக்டர் வே.ப.தண்டபாணி தகவல்

ஞாயிற்றுக்கிழமை, 15 ஏப்ரல் 2018      கடலூர்

கடலூர் மாவட்டத்தில் பாரத பிரதமரின் உஜ்வாலா யோஜனா திட்டத்தின் கீழ் தாழ்த்தப்பட்ட, பழங்குடி இனத்தவர்கள், மிகவும் பிற்படுத்தப்பட்ட இனத்தவர்கள் சமையல் எரிவாயு இணைப்பினை பெற மாவட்டத்திலுள்ள 35 கிராமங்களில் பாரத பிரதமரின் கிராம சுவராஜ் அபியான் திட்டத்தின் சார்பில் டாக்டர் பி.ஆர்.அம்பேத்கர் அவர்களின் பிறந்தநாள் மற்றும் சமூக நீதி நாள் விழா 20.04.2018 அன்று நடைபெறவுள்ளது.

சமூக நீதி நாள் விழா

இவ்விழா நடைபெறுவது தொடர்பாக கலெக்டர் வே.ப.தண்டபாணி, தெரிவித்துள்ளதாவது. கடலூர் மாவட்டத்தில் பாரத பிரதமரின் உஜ்வாலா யோஜனா திட்டத்தின் கீழ் 35 சமையல் எரிவாயு விநியோக முகவர்கள் உள்ளனர். கடலூர் மாவட்டத்தில் 14.04.2018 முதல் 05.05.2018 வரை பாரத பிரதமரின் கிராம சுவராஜ் அபியான் இயக்கம் விழாக்கள் நடத்தப்படுகிறது. இதன் ஒரு அம்சமாக கடலூர் மாவட்டத்தில் உள்ள 164 கிராமங்களில் சமையல் எரிவாயு இணைப்பு விடுபட்டுள்ள அனைத்து தகுதிவாய்ந்த குடும்பங்களில் 100 விழுக்காடு மக்களுக்கு வழங்கப்படவுள்ளது. இதன் துவக்க விழா பாரத பிரதமரின் உஜ்வாலா யோஜனா திட்டத்தின் கீழ் 20.04.2018 அன்று இம்மாவட்டத்தில் உள்ள 13 வட்டாரங்களில் அமைந்துள்ள 164 கிராமங்களில் முதற்கட்டமாக 35 கிராமங்களில் நடத்தப்படும். இவ்விழாக்களில் அந்த கிராமத்தில் ஏற்கனவே சமையல் எரிவாயு இணைப்பு பெற்றவர்களும், இந்த திட்டத்தின் கீழ் சமையல் எரிவாயு இணைப்பு பெற வழங்கப்படவுள்ள குடும்பத்தினரும் பெருந்திரளாக கலந்து கொள்ள ஏற்பாடு செய்யப்பட்டுள்ளது. இவ்விழாவில் நாடாளுமன்ற, சட்டமன்ற உறுப்பினர்கள், அரசு அலுவலர்கள், கிராம பொதுமக்கள் மற்றும் முக்கிய பிரமுகர்கள் ஆகியோர் கலந்து கொண்டு சிறப்பிக்க உள்ளார்கள். மேற்குறிப்பிட்டுள்ள 164 கிராமங்களின் விவரங்கள் மற்றும் பாரத பிரதமரின் உஜ்வாலா யோஜனா திட்டத்தின் கீழ் 35 சமையல் எரிவாயு விநியோக முகவர்களின் விவரங்கள் அந்தந்த வட்டார வளர்ச்சி அலுவலகங்களில் பிரசுரிக்கப்பட்டுள்ளது. பாரத பிரதமரின் உஜ்வாலா யோஜனா திட்டத்தின் கீழ் இலவச எரிவாயு இணைப்பு விரிவாக்கத் திட்டத்தின் கீழும், பொதுமக்கள் சமையல் எரிவாயு இணைப்பு பெற தங்களது ஆதார் அட்டை நகல், தாழ்த்தப்பட்ட  பழங்குடி இனைத்தவர்கள், மிகவும் பிற்படுத்தப்பட்ட இனத்தவர்கள் ஆகியோருக்கான சாதி சான்றிதழ் நகல், வறுமை கோட்டிற்கு கீழுள்ளோருக்கான சான்றிதழ், வங்கி கணக்கு புத்தக நகல், பாஸ்போட் சைஸ் 2 புகைப்படங்கள், அந்தியோதயா அன்னயோஜனா குடும்ப அட்டைதாரர்களுக்கான குடும்ப அட்டை சான்று, பிரதம மந்திரி வீடு கட்டும் திட்ட பயனாளிகளுக்கு  வீடு கட்டும் திட்ட உத்தரவு, குடும்ப அட்டை நகல், வாக்காளர் அட்டை நகல் ஆகிய ஆவணங்களுடன் விண்ணப்பித்தால் சமையல் எரிவாயு இணைப்பு பெற தகுதி பெறுவார்கள். சமையல் எரிவாயு இணைப்பு பெற இதர உபரி பாகம் கட்டணமாக ரூ.1600- மத்திய அரசால் வழங்கப்படும். அதேபோன்று ரூ.990- மதிப்புள்ள எரிவாயு சமையல் அடுப்பு மற்றும் ரூ.682- மதிப்புள்ள எரிவாயு உருளை என ஆகமொத்தம் ரூ.1672-னை சமையல் எரிவாயு இணைப்பு பெறுபவர்கள் ரொக்கமாகவோ அல்லது முகவர்கள் மூலம் தவணை முறையில் கடனாகவும் வழங்கலாம். கடன்தொகையினை எதிர்காலத்தில் எரிவாயு இணைப்பு உருளை பெறுவதில் வழங்கப்படும் மானியத்தில் ஈடு செய்யப்படும். மேலும் இத்திட்டத்தின் சார்பில் சமையல் எரிவாயு இணைப்பு பெறுவதற்கான விவரங்களை கடலூர் மாவட்ட வழங்கல் அலுவலர் அவர்களின் கைபேசி எண்.9445000209 எண்ணிலும் மற்றும் அந்தந்த பகுதி வட்டார வளர்ச்சி அலுவலர்களையும் தொடர்பு கொள்ளுமாறு கலெக்டர் வே.ப.தண்டபாணி,   கேட்டுக்கொள்கின்றார்.

Sathu Maavu | Health mix | BABY FOOD for 7 Months old | குழந்தைகளுக்கு சத்து மாவு

KFC Style Fried Chicken Recipe in Tamil | KFC Style Fried Chicken at Home | English Subtitles

Apple Halwa Recipe in Tamil | ஆப்பிள் அல்வா | Halwa Recipe in Tamil | Sweet Recipe

Star Hotel Tandoori Chicken Recipe in Tamil | தந்தூரி சிக்கன் | Chicken Recipe

Paruppu Payasam Recipe in Tamil | பாசி பருப்பு பாயாசம் | Moong Dal Payasam Recipe| Sweet Recipe

இதை ஷேர் செய்திடுங்கள்:

View all comments

வாசகர் கருத்து