கலெக்டர் வீரராகவராவ் தலைமையில் சாமநத்தம் கிராமத்தில் அம்மா திட்டம் முகாம்

மதுரை, - மதுரை தெற்கு வட்டம், சாமநத்தம் கிராமத்தில் அம்மா திட்டம் முகாம் மாவட்ட ஆட்சித்தலைவர்  .கொ.வீர ராகவ ராவ், தலைமையில்   நடைபெற்றது.
 இந்த அம்மா திட்ட முகாமில் வருமானச்சான்றிதழ் வேண்டி 13 மனுக்களும், இருப்பிடச்சான்று வேண்டி 12 மனுக்களும், பட்டா மாறுதல் வேண்டி 1 மனுவும், ஓ.பி.சி சான்றிதழ் வேண்டி 1 மனுவும், இதர மனுக்கள் 1 என மொத்தம் 28 மனுக்கள் வரப்பெற்றதில் 26 மனுக்கள் ஏற்கப்பட்டது. 
 இம்முகாமில் 10 பயனாளிகளுக்கு தோராயப்பட்டாவிற்கான ஆணைகளும், 10 பயனாளிகளுக்கு வருமானம், இருப்பிடச்சான்றுகளும், 2 நபர்களுக்கு விதவை உதவித்தொகையும், 2 நபர்களுக்கு சாதிச்சான்றுகளும், 1 ஒ.பி.சி சான்றிதழினையும் மாவட்ட ஆட்சித்தலைவர் அவர்கள் வழங்கினார்.
 இம்முகாமில் மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் திருமதி.சித்ரா, மதுரை தெற்கு வட்டாட்சியர் திரு.சுந்தர முருகன், மதுரை தெற்கு வட்டாட்சியர் (ச.பா.தி)  கோபி உள்ளிட்ட அரசு அலுவலர்கள் பலர் கலந்து கொண்டனர்.