மதுரை மாநகராட்சி மண்டலம் 2 அலுவலகத்தில் சிறப்பு குறைதீர்க்கும் முகாம்

 மதுரை, - மதுரை மாநகராட்சி மண்டலம் எண்.2 அலுவலகத்தில் சிறப்பு குறைதீர்க்கும் முகாம் துணை ஆணையாளர் திரு.ப.மணிவண்ணன் அவர்கள் தலைமையில்  நடைபெற்றது.
மதுரை மாநகராட்சி மண்டலம் எண்.2 அலுவலகத்தில் காலை  10.30 மணி முதல் 12.30 மணி வரை நடைபெற்ற சிறப்பு பொதுமக்கள் குறைதீர்க்கும் முகாமில் குடிநீர், பாதாள சாக்கடை, சாலை வசதி, வீட்டு வரி, கட்டிட வரைபட அனுமதி, தெருவிளக்கு உள்ளிட்ட பல்வேறு கோரிக்கைகள் அடங்கிய 33 மனுக்கள் பொது மக்களிடமிருந்து துணை ஆணையாளர் அவர்களால் நேரடியாக பெறப்பட்டது. பெறப்பட்ட மனுக்கள் மீது உடனடியாக நடவடிக்கை எடுக்குமாறு சம்பந்தப்பட்ட அலுவலர்களுக்கு உத்தரவிட்டார்;.
இந்நிகழ்ச்சியில் உதவி ஆணையாளர் திரு.பழனிச்சாமி, செயற்பொறியாளர் திரு.ராஜேந்திரன், மக்கள் தொடர்பு அலுவலர் திரு.சித்திரவேல், சுகாதார அலுவலர் திரு.சிவசுப்பிரமணியன், சுகாதார ஆய்வாளர்கள், உதவிப்பொறியாளர் உட்பட மாநகராட்சி அலுவலர்கள் கலந்து கொண்டனர்.