தமிழகத்தில் இந்த ஆண்டில் பிளஸ் 2 தேர்ச்சி 91.1 சதவீதம்

புதன்கிழமை, 16 மே 2018      தமிழகம்
plus-two 2018 05 16

சென்னை: பிளஸ் 2 தேர்வு முடிவுகள் நேற்று காலை 9.30 மணிக்கு வெளியிடப்பட்டது. இந்த ஆண்டின் மொத்த தேர்ச்சி விகிதம் 91.1 சதவீதம் ஆகும்.

தமிழகம், புதுச்சேரியில் பிளஸ் 2 பொதுத் தேர்வு கடந்த மார்ச் 1-ம் தேதி தொடங்கி ஏப்ரல் 6-ம் தேதி முடிவடைந்தது. மொத்தம் 8 லட்சத்து 60,434 மாணவ, மாணவிகள் தேர்வு எழுதினர். ஏற்கெனவே அறிவிக்கப்பட்டபடி, தேர்வு முடிவுகள் நேற்று காலை 9.30 மணிக்கு வெளியிடப்பட்டன. சென்னை டி.பி.ஐ. வளாகத்தில் அரசுத் தேர்வுகள் இயக்குநர் வசுந்தராதேவி, தேர்வு முடிவுகளை அதிகாரபூர்வமாக வெளியிட்டார்.

மேலும், அனைத்து மாணவ, மாணவிகளின் செல்போன் எண்ணுக்கு மதிப்பெண்களுடன் கூடிய தேர்வு முடிவுகள் எஸ்.எம்.எஸ். மூலம் அனுப்பப்பட்டுள்ளன.


இந்தாண்டு தேர்வெழுதிய மாணவ, மாணவிகளில் 91.1 சதவீதம் பேர் மொத்தம் தேர்ச்சி பெற்றுள்ளனர். கடந்த 2014, 2015 ஆண்டுகளில் பிளஸ் 2 தேர்வில் தேர்ச்சி விகிதம் 90.6 சதவீதமாக இருந்தது. 2016-ம் ஆண்டு தேர்ச்சி விகிதம் 91.4 சதவீதமாக இருந்தது. கடந்த 2017-ம் ஆண்டு தேர்ச்சி விகிதம் 92.1 ஆக அதிகரித்தது.

இந்நிலையில், கடந்த ஆண்டை ஒப்பிடுகையில் இந்தாண்டு தேர்ச்சி விகிதம் ஒரு சதவீதம் குறைந்துள்ளது. 2014, 2015, 2016 ஆண்டுகளில் தேர்ச்சி விகிதம் குறைவாக இருந்த நிலையில், 2017-ம் ஆண்டுதான் மீண்டும் தேர்ச்சி விகிதம் அதிகரிக்க ஆரம்பித்தது. இந்நிலையில், மீண்டும் தேர்ச்சி விகிதம் ஒரு சதவீதம் குறைந்துள்ளது குறிப்பிடத்தக்கது.

இந்த வார ராசிபலன் - 17.06.2018 முதல் 23.06.2018 வரை | Weekly Tamil Horoscope from 17.06.2018 to 23.06.2018

ரம்ஜான் பிரியாணி | Ramzan Special Chicken Biryani in Tamil | Iftaar Special Biryani Recipe

இந்த வார ராசிபலன் - 10.06.2018 முதல் 16.06.2018 வரை | Weekly Tamil Horoscope from 10.06.2018 to 16.06.2018

இதை ஷேர் செய்திடுங்கள்:

View all comments

வாசகர் கருத்து