ரோஜர்ஸ் கோப்பை டென்னிஸ்: சிமோனா ஹாலெப் சாம்பியன்

செவ்வாய்க்கிழமை, 14 ஆகஸ்ட் 2018      விளையாட்டு
Simona Halep 2018 8 14

டோராண்டோ : ரோஜர்ஸ் கோப்பை டென்னிஸ் போட்டியின் ஒற்றையர் பிரிவில் ருமேனியா வீராங்கனை சிமோனா ஹாலெப் சாம்பியன் பட்டத்தை கைப்பற்றினார்.

3-வது பட்டம்...

பெண்கள் ஒற்றையர் பிரிவில் இறுதிப்போட்டியில் உலக தரவரிசையில் முதலிடத்தில் உள்ள சிமோனா ஹாலெப் (ருமேனியா), 3-ம் நிலை வீராங்கனையான ஸ்லோனே ஸ்டீபன்சை (அமெரிக்கா) எதிர்கொண்டார். பரபரப்பாக அரங்கேறிய இந்த ஆட்டத்தில் சிமொனா ஹாலெப் 7-6 (8-6), 3-6, 6-4 என்ற செட் கணக்கில் ஸ்லோனே ஸ்டீபன்சை சாய்த்து சாம்பியன் பட்டத்தை கைப்பற்றினார். இந்த ஆண்டில் சிமோனா ஹாலெப் வென்ற 3-வது பட்டம் இது. ஒட்டுமொத்தத்தில் அவர் பெற்ற 18-வது பட்டம் இதுவாகும்.

கடினமாக இருந்தது...

வெற்றி குறித்து சிமோனா ஹாலெப் கருத்து தெரிவிக்கையில், ‘உண்மையிலேயே இந்த போட்டியில் நான் சோர்வடைந்து விட்டேன். இந்த வாரம் மிகவும் கடினமாக இருந்தது. இதுபோன்ற போட்டிகளில் ஒவ்வொரு ஆட்டத்துக்கும் இடையே போதிய இடைவெளி தேவையானதாகும். ஸ்லோனே ஸ்டீபன்சுக்கு எதிராக ஒவ்வொரு முறை விளையாடும் போதும் எனது ஆட்ட திறன் மேம்படுகிறது. என்னை பொறுத்தமட்டில் இது சிறந்த விஷயமாகும். ஸ்லோனே ஸ்டீபன்ஸ் மனரீதியாக வலுப்பெற்று இருக்கிறார். அவர் வலுவான போட்டியாளர்’ என்றார்.

ஜெர்மனி வீரர்...

ரோஜர்ஸ் கோப்பை முடிவை தொடர்ந்து வெளியிடப்பட்ட உலக தரவரிசையில் ஆண்கள் ஒற்றையர் பிரிவில் ரபெல் நடால் (ஸ்பெயின்), ரோஜர் பெடரர் (சுவிட்சர்லாந்து) ஆகியோர் முறையே முதல் 2 இடங்களில் தொடருகின்றனர். மார்டின் டெல்போர்டோ (அர்ஜென்டினா) ஒரு இடம் முன்னேறி 3-வது இடத்தை பிடித்துள்ளார். ஜெர்மனி வீரர் அலெக்சாண்டர் ஸ்வெரேவ் ஒரு இடம் பின்தங்கி 4-வது இடத்தை பெற்றுள்ளார். டிமிட்ரேவ் (பல்கேரியா), கெவின் ஆண்டர்சன் (தென்ஆப்பிரிக்கா), மரின் சிலிச் (குரோஷியா), டோமினிச் திம் (ஆஸ்திரியா), ஜான் இஸ்னர் (அமெரிக்கா), ஜோகோவிச் (செர்பியா) ஆகியோர் முறையே 5 முதல் 10 இடங்களில் நீடிக்கின்றனர். கிரீஸ் வீரர் ஸ்டெபானோஸ் சிட்சிபாஸ் 12 இடங்கள் முன்னேறி 15-வது இடத்தை பிடித்துள்ளார்.

பெண்கள் தரவரிசை

பெண்கள் ஒற்றையர் தரவரிசையில் சிமோனா ஹாலெப் (ருமேனியா), கரோலின் வோஸ்னியாக்கி (டென்மார்க்), ஸ்லோனே ஸ்டீபன்ஸ் (அமெரிக்கா), ஏஞ்சலிக் கெர்பர் (ஜெர்மனி) ஆகியோர் முறையே முதல் 4 இடங்களில் மாற்றமின்றி தொடருகின்றனர். கரோலின் கார்சியா (பிரான்ஸ்) ஒரு இடம் முன்னேறி 5-வது இடத்தையும், கிவிடோவா (செக் குடியரசு) 2 இடங்கள் ஏற்றம் கண்டு 6-வது இடத்தையும் பிடித்துள்ளனர். ஸ்விடோலினா (உக்ரைன்) 2 இடம் சரிந்து 7-வது இடத்தையும், கரோலினா பிளிஸ்கோவா (செக்குடியரசு) ஒரு இடம் முன்னேறி 8-வது இடத்தையும், கார்பின் முகுருஜா (ஸ்பெயின்) 2 இடம் சறுக்கி 9-வது இடத்தையும் பெற்றுள்ளனர். ஜூலியா கோர்ஜெஸ் (ஜெர்மனி) 10-வது இடத்தில் தொடருகிறார். 

Agni Devi review | Bobby Simha | Madhoo | Ramya Nambeesan | Sathish

Embiran Movie Review | Rejith Menon | Radhika Preeti | Krishna Pandi

Tata Harrier 2019 SUV Full Review | In Depth Review - Pros & Cons | Thinaboomi

FIR முதல் தகவல் அறிக்கை பதிவு செய்வது எப்படி | How to file FIR | Indian Law | Thinaboomi

இதை ஷேர் செய்திடுங்கள்:

View all comments

வாசகர் கருத்து