இம்ரான்கான் பதவியேற்பு நிகழ்ச்சியில் சித்து பங்கேற்பு: கட்சிகள் கண்டனம்

ஞாயிற்றுக்கிழமை, 19 ஆகஸ்ட் 2018      உலகம்
sidhu participate imrankhan function 2018 8 19

இஸ்லாமாபாத் : பாகிஸ்தான் பிரதமராக இம்ரான் கான் பதவியேற்கும் நிகழ்ச்சியில் இந்திய கிரிக்கெட் அணி முன்னாள் வீரரும், பஞ்சாப் அமைச்சருமான நவ்ஜோத் சித்து கலந்து கொண்டது பெரும் சர்ச்சையை ஏற்படுத்தியுள்ளது. மேலும் பல்வேறு கட்சியினரும் சித்துவுக்கு கண்டனம் தெரிவித்துள்ளனர்.

இஸ்லாமாபாதில் நடைபெற்ற இம்ரான் கான் பதவியேற்பு நிகழ்ச்சிக்கு விடுக்கப்பட்ட அழைப்பை ஏற்று சித்துவும் கலந்து கொண்டார். முதல் வரிசையில் அமர்ந்திருந்த அவரது அருகே பாகிஸ்தான் ஆக்கிரமிப்பு காஷ்மீர் அதிபர் மசூத் கானும் அமர்ந்திருந்தார். பதவியேற்பு நிகழ்ச்சிக்கு வந்த பாகிஸ்தான் ராணுவ தலைமை தளபதி பாஜ்வா, சித்து அமர்ந்திருக்கும் இடத்துக்கு நேராக சென்று ஆரத்தழுவி சித்துவிடம் நட்பு பாராட்டினார். இந்நிலையில், இம்ரான் கான் பதவியேற்பு நிகழ்ச்சியில் சித்து கலந்து கொண்டது சர்ச்சையை ஏற்படுத்தியுள்ளது.

சித்துவுக்கு பஞ்சாப் மாநில பா.ஜ.க. தலைவர் வைத் மாலிக் கண்டனம் தெரிவித்துள்ளார். இதுகுறித்து அவர் கூறுகையில், பாகிஸ்தானுக்கு சித்து சென்றது வெட்கப்பட வேண்டிய விஷயமாகும். ஒருபக்கம் நமது வீரர்கள் மீது தாக்குதல் நடத்தி பாகிஸ்தான் படையினர் கொன்று கொண்டிருக்கின்றனர். மறுபக்கமோ, இம்ரான் பதவியேற்பு நிகழ்ச்சியில் பாகிஸ்தான் ராணுவ தளபதியை சித்து கட்டி ஆரத்தழுவுகிறார். நமது வீரர்களை கொன்றதற்கு அவரிடம் சித்து நன்றியா தெரிவிக்கிறார்? என்றார்.

பஞ்சாப் மாநில முக்கிய எதிர்க்கட்சியான ஆம் ஆத்மியும், சித்துவுக்கு கடும் கண்டனம் தெரிவித்துள்ளது. இதே போல், அரியானா மாநில சுகாதாரத் துறை அமைச்சர் அனில் விஜ்ஜும் சித்துவுக்கு கண்டனம் தெரிவித்துள்ளார்.

நண்பனாக வளரும் செல்லப்பிராணி PUG | review and care about pug dogs

PETTA Audio Launch Updates | Rajinikanth, Vijay Sethupathi, Simran, Trisha

Ragi paal | kelvaragu milk | BABY FOOD for 4 Months old | குழந்தைகளுக்கு கேழ்வரகு / ராகி பவுடர்

Learn colors with 10 Color Play doh and Bumblebee | Learn numbers with Clay and balloons and #TMNT

குறைந்த செலவில் அதிக லாபம் தரும் நாட்டு கோழி வளர்ப்பு | Nattu kozhi

இதை ஷேர் செய்திடுங்கள்:

View all comments

வாசகர் கருத்து