பாராளூமன்ற தேர்தலில் மதச்சார்பற்ற சக்திகள் ஒன்றிணைய வேண்டும்: அமர்தியா சென்

திங்கட்கிழமை, 27 ஆகஸ்ட் 2018      இந்தியா
Amartya Sen 2018 8 27

புதுடெல்லி : அடுத்த ஆண்டு நடைபெறவுள்ள பாராளூமன்ற  தேர்தலில் மதச்சார்பற்ற சக்திகள் ஒன்றிணைய வேண்டும் என்று நோபல் பரிசு பெற்ற பொருளாதார அறிஞர் அமர்தியா சென் வலியுறுத்தியுள்ளார்.

மேற்கு வங்க மாநிலம், கொல்கத்தாவில் நடைபெற்ற நிகழ்ச்சியில் பங்கேற்று அவர் கூறியதாவது:

சர்வாதிகார ஆட்சிக்கு நாம் எதிர்ப்பு தெரிவிக்க வேண்டும். சர்வாதிகாரப் போக்கை நாம் எதிர்த்து போராட வேண்டும். வகுப்பு வாத சக்திகளால் ஏற்பட்டுள்ள பிரச்னைகளை நாம் விமர்சிக்க வேண்டும். 31 சதவீத வாக்குகளைப் பெற்று கடந்த 2014-ஆம் ஆண்டில் தவறான நோக்கத்துடன் வகுப்புவாத கட்சி ஆட்சிக்கு வந்தது.

55 சதவீத இடங்களில் வெற்றி பெற்றிருந்தாலும், அக்கட்சி பெற்றது 31 சதவீத வாக்குகள் மட்டுமே. வகுப்புவாத சக்தியை தடுத்துநிறுத்த கம்யூனிஸ விதையை விதைக்க வேண்டும். நீண்ட காலத்துக்கு அதன் பலனை நாம் அறுவடை செய்யலாம். ஜனநாயகம் பெரும் அச்சுறுத்தலை எதிர்கொண்டுள்ளது. மக்களால்தான் இந்த நிலையை மாற்ற முடியும்.

டெல்லி ஜவாஹர்லால் நேரு பல்கலைக்கழக மாணவர்கள் சிலர் தேசவிரோத குற்றச்சாட்டுக்கு ஆளாக்கப்பட்டுள்ளனர். ஆனால், அதுபோன்ற குற்றச்சாட்டுகளில் ஒன்றுகூட நிரூபிக்கப்படவில்லை. இப்போது மாணவர்கள் தேசத்துரோகக் குற்றச்சாட்டுகளை எதிர்கொண்டு வருகின்றனர். நாளடைவில் நாட்டுமக்களும் இதுபோன்ற குற்றச்சாட்டுகளை எதிர்கொள்ளவும் வாய்ப்புள்ளது.

இடதுசாரி கட்சிகள் போராட்டத்தை முன்னெடுப்பதற்கு முன்பே திரிணமூல் காங்கிரஸ் கட்சி போராட்டங்களை முன்னெடுத்தது. இடதுசாரி கட்சிகள் மக்களின் பிரச்னைகளுக்கு உடனடியாக குரல் கொடுக்க வேண்டும். பல கட்சிகள் இன்றி ஜனநாயகம் செயல்படாது. ஒரு கட்சி ஆதிக்கம் செலுத்தத் தொடங்கினால் சர்வாதிகாரத்துக்கு உதாரணமாக ஜனநாயகம் மாறிவிடும் என்று அமர்தியா சென் தெரிவித்தார்.

Pillayar Patti Lord Vinayagar temple | பிள்ளையார்பட்டி கற்பக மூர்த்தி விநாயகர் திருக்கோயில் வரலாறு

அம்மியில் அரைத்து, மசாலா உதிராமல் மீன் வறுவல் | Traditional Fish fry in tamil | Viraal meen varuval

How to Make Coconut Oil at Home| வீட்டிலேயே தேங்காய் எண்ணெய் தயாரிப்பது எப்படி| Homemade Coconut Oil

Nattu kozhi Pepper Fry in Tamil | நாட்டு கோழி மிளகு கறி | Chicken Pepper fry | Country Chicken Fry

Fish Manchurian recipe in Tami l மீன் மஞ்சுரியன் l How to make fish manchrian in Tamil|Fish Recipes

Chicken Popcorn Recipes in Tamil |சிக்கன் பாப்கார்ன்|Crispy Fried Chicken|Chicken Recipes in Tamil

இதை ஷேர் செய்திடுங்கள்:

View all comments

வாசகர் கருத்து