மகாத்மா எழுதிய கடிதத்தை ஏலம் விட அமெரிக்கா திட்டம்

பாஸ்டன், காதியின் மகத்துவத்தை வலியுறுத்தி ராட்டை என்ற பெயரில் மகாத்மா காந்தி எழுதிய தேதி குறிப்பிடாத கடிதத்தை அமெரிக்க இணையதளம் வாயிலாக ஏலம் விட திட்டமிடப்பட்டுள்ளது. அக்கடிதம் 5 ஆயிரம் அமெரிக்க டாலருக்கு ஏலம் போகும் என எதிர்பார்க்கப்படுவதாக கூறப்படுகிறது.

இது குறித்து ஏல இல்லம் சார்பில் வெளியிட்டுள்ள செய்திக்குறிப்பில் கூறியிருப்பதாவது:-

பாபுவின் ஆசீர்வாதங்கள் என்ற தலைப்பில் யஷ்வந்த் பிரசாத் என்பவருக்கு குஜராத்தி மொழியில் காந்தி தனது கையெழுத்துடன் கூடிய கடிதம் எழுதியுள்ளார். அக்கடிதத்தில் ராட்டை மூலம் கிடைக்கும் பொருளாதார சுதந்திரம் மிக முக்கியம் என்று குறிப்பிட்டுள்ளார்.

இந்த கடிதம் வரும் செப்டம்பர் 12-ம் தேதி இணையதளம் வாயிலாக ஏலம் விடப்படவுள்ளது. அமெரிக்காவை தலைமையகமாக கொண்ட ஆர்.ஆர் ஏலம் அமைப்பு மூலம் இது நடைபெற உள்ளது என்பது குறிப்பிடத்தக்கது.