முக்கிய செய்திகள்
Idhayam Matrimony

மே.இ.தீவுக்கு எதிரான டி-20 போட்டியிலும் இந்திய அணியின் ஆதிக்கம் தொடருமா ? முதல் ஆட்டம் கொல்கத்தாவில் இன்று நடக்கிறது

சனிக்கிழமை, 3 நவம்பர் 2018      விளையாட்டு
Image Unavailable

கொல்கத்தா : ஒருநாள் தொடரை கைப்பற்றிய இந்திய அணி, மே.இ.தீவுக்கு எதிரான டி-20 போட்டியிலும் தனது ஆதிக்கம் தொடருமா ? என்று ரசிகர்களால் ஆவலுடன் எதிர்பார்க்கப்படுகிறது. முதல் ஆட்டம் கொல்கத்தாவில் இன்று நடக்கிறது.

இந்தியா- வெஸ்ட் இண்டீஸ் அணிகள் இடையேயான 3 போட்டிக் கொண்ட 20 ஓவர் தொடரில் முதல் ஆட்டம் கொல்கத்தா ஈடன்கார்டன் மைதானத்தில் இன்று நடக்கிறது.

டி-20 தொடர்...

வெஸ்ட்இண்டீஸ் கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது. இரு அணிகள் இடையேயான 2 டெஸ்ட் கொண்ட தொடரை 2-0 என்ற கணக்கிலும், 5 போட்டிக் கொண்ட ஒருநாள் தொடரை 3-1 என்ற கணக்கிலும் இந்தியா கைப்பற்றியது. இந்தியா- வெஸ்ட் இண்டீஸ் அணிகள் இடையேயான 3 போட்டிக் கொண்ட 20 ஓவர் தொடரில் முதல் ஆட்டம் கொல்கத்தா ஈடன்கார்டன் மைதானத்தில் இன்று நடக்கிறது.

கோலிக்கு ஓய்வு...

டெஸ்ட் மற்றும் ஒருநாள் தொடரை வென்றது போல் 20 ஓவர் தொடரையும் கைப்பற்றும் ஆர்வத்துடன் இந்தியா இருக்கிறது. இதனால் இந்திய அணியின் அதிரடி இன்றுயும் தொடருமா? என்று ரசிகர்கள் ஆவலுடன் எதிர்பார்க்கிறார்கள். கேப்டன் வீராட்கோலிக்கு 20 ஓவர் போட்டியில் ஓய்வு அளிக்கப்பட்டுள்ளது. இதனால் ரோகித்சர்மா கேப்டனாக நியமிக்கப்பட்டுள்ளார். 20 ஓவர் போட்டிக்கான அணியில் இருந்து முன்னாள் கேப்டனும், அணியின் சீனியர் வீரருமான டோனி நீக்கப்பட்டுள்ளார். இது நாடு முழுவதும் உள்ள அவரது ரசிகர்களுக்கு அதிர்ச்சியை ஏற்படுத்தியது.

கேப்டன் ரோகித்

அதே நேரத்தில் தேர்வு குழுவினர் அவருக்கு ஓய்வு அளிக்கப்பட்டதாக விளக்கம் அளித்தது. இளம் வீரர் ரிசப்பண்டுக்கு வழி விடும் வகையில் டோனியே 20 ஓவர் ஆட்டங்களில் இருந்து விலகுவதாக முடிவு செய்தார் என்று வீராட்கோலி தெரிவித்து இருந்தார். கேப்டன் ரோகித்சர்மா, தவான், ராகுல், ஷிரேயாஸ் அய்யர், மனிஷ் பாண்டே, ரிசப்பண்ட் போன்ற சிறந்த பேட்ஸ்மேன்களும், குல்தீப் யாதவ், பும்ரா, யசுவேந்திர சாஹல் போன்ற சிறந்த பவுலர்களும் உள்ளனர். தமிழகத்தை சேர்ந்த தினேஷ்கார்த்திக், வாஷிங்டன் சுந்தர் ஆகியோரும் அணியில் உள்ளனர்.

இந்தியாவுக்கு சவால்

டெஸ்ட் மற்றும் ஒருநாள் தொடரை இழந்த வெஸ்ட்இண்டீஸ் 20 ஓவர் தொடரையாவது வெல்ல வேண்டும் என்ற ஆர்வத்தில் உள்ளது. டெஸ்டில் மோசமாக விளையாடிய அந்த அணி ஒருநாள் தொடரில் 3 ஆட்டத்தில் சிறப்பான ஆட்டத்தை வெளிப்படுத்தியது. 20 ஓவர் போட்டிகளில் வெஸ்ட் இண்டீஸ் அணி சிறப்பாக விளையாட கூடியது. இதனால் இந்திய அணிக்கு சவால் காத்திருக்கிறது. அந்த அணியில் கேப்டன் பிராத் வெயிட், ஹெட்மயா, லீவிஸ், ரஸ்சல், டாரன் பிராவோ, போல்லார்ட் போன்ற சிறந்த வீரர்கள் உள்ளனர்.

இன்றைய ஆட்டம் இரவு 7 மணிக்கு தொடங்குகிறது. ஸ்டார் ஸ்போர்ட்ஸ் டெலிவிசனில் இந்தப்போட்டி நேரடியாக ஒளிபரப்பு செய்யப்படுகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து