முக்கிய செய்திகள்
Idhayam Matrimony

வெனிசுலா அதிபராக அறிவித்துக்கொண்ட ஜூவான் குவைடோவை ஆதரித்து அதிபர் டிரம்ப் உரையாற்றுகிறார்

வியாழக்கிழமை, 14 பெப்ரவரி 2019      உலகம்
Image Unavailable

வாஷிங்டன் : வெனிசுலாவில் அரசியல் குழப்பம் நீடித்து வரும் நிலையில், தற்காலிக அதிபராக அறிவித்துள்ள குவைடோவை ஆதரித்து அமெரிக்க அதிபர் டிரம்ப் உரையாற்ற உள்ளார்.

அரசியல் குழப்பம்

எண்ணெய் வளம் மிக்க தென் அமெரிக்க நாடான வெனிசுலாவில் கடுமையான பொருளாதார நெருக்கடிக்கு மத்தியில் அரசியல் குழப்பமும் நீடிக்கிறது. அதிபர் தேர்தலில் மீண்டும் வெற்றி பெற்ற நிகோலஸ் மதுரோ, எதிர்க்கட்சிகளின் கடும் எதிர்ப்புக்கு மத்தியில், பதவியேற்றார். ஆனால் தேர்தலில் முறைகேடுகள் நடந்ததாகவும், மறுதேர்தல் நடத்த வேண்டும் என்றும் எதிர்க்கட்சிகள் குற்றம்சாட்டி வருகின்றன.

20க்கும் மேற்பட்ட...

இந்த மோதல் உச்சகட்டத்தை எட்டிய நிலையில், பாராளுமன்றத்தை கட்டுப்பாட்டில் வைத்திருந்த எதிர்க்கட்சி தலைவரும் சபாநாயகருமான ஜூவான் குவைடோ, தன்னை நாட்டின் தற்காலிக அதிபராக பிரகடனம் செய்தார். அவருக்கு அமெரிக்க அதிபர் டொனால்டு டிரம்ப் ஆதரவு அளித்துள்ளார். அவரிடம் பொறுப்புகளை ஒப்படைக்கும்படி, நிகோலஸ் மதுரோவை அவர் வலியுறுத்தி வருகிறார். இதேபோல் கனடா உள்ளிட்ட 20க்கும் மேற்பட்ட நாடுகளும் ஜூவாய் குவைடோவுக்கு ஆதரவு தெரிவித்து, அதிபராக அங்கீரித்துள்ளன.

மக்கள் ஏமாற்றம்

ஆனால், ஜூவான் கெய்டோவின் நியமனத்தை அதிபர் மதுரோ ஏற்க மறுத்துள்ளார். அத்துடன் குவைடோவுக்கு ஆதரவு தெரிவிக்கும் நாடுகளுடன் அதிபர் நிகோலஸ் மதுரோ மோதல் போக்கை கையாண்டு வருகிறார். வெளிநாட்டு உதவிகளை ஏற்க மறுத்து, வெனிசூலா எல்லை பகுதிகளை மூடிவிட்டார். இதனால் அமெரிக்கா, கொலம்பியா உள்ளிட்ட நாடுகளில் இருந்து வந்த உதவி பொருட்களை பெற முடியாமல் மக்கள் ஏமாற்றம் அடைந்தனர்.

தொலைக்காட்சி செய்தி

இந்த சூழ்நிலையில், அமெரிக்க அதிபர் டிரம்ப், விரைவில் புளோரிடா சென்று, அங்கு நடைபெறும் நிகழ்ச்சியில், வெனிசுலாவின் தற்காலிக அதிபராக அறிவித்துள்ள குவைடோவை ஆதரித்து உரையாற்ற உள்ளதாக மியாமி தொலைக்காட்சி செய்தி வெளியிட்டுள்ளது.

அதிபர் டிரம்ப் உரை

அமெரிக்காவில் வெனிசுலா மக்கள் அதிகம் வசிக்கும் தோரல் நகருக்கு அருகில் உள்ள சுவீட்வாட்டர் நகரில், புளோரிடா சர்வதேச பல்கலைக்கழகம் உள்ளது. இந்த பல்கலைக்கழக வளாகத்தில் நடைபெறும் நிகழ்ச்சியில், ‘சோசலிச ஆபத்துகள்’ என்ற தலைப்பில் டிரம்ப் உரையாற்ற உள்ளதாகவும், வெனிசுலா நெருக்கடி மற்றும் குவைடோவுக்கு ஆதரவாக டிரம்ப் பேசுவார் என்றும் வெள்ளை மாளிகை வட்டாரங்கள் தெரிவிக்கின்றன.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து