கால்பந்து விளையாடிய டோனி

மும்பை : மும்பையில் தன்னார்வ தொண்டு நிறுவனம் சார்பில் நடந்தப்பட்ட கால்பந்து போட்டியில் மகேந்திர சிங் டோனி கலந்துகொண்டு விளையாடிய வீடியோ வைரலாகி வருகிறது.

டோனி பதிலடி...

சர்வதேச கிரிக்கெட் அரங்கில் மகேந்திர சிங் டோனி மிகவும் பிரபலமான வீரர் என்பதில் எந்தவித சந்தேகமும் இல்லை. அவருக்கான ரசிகர்கள் கூட்டத்திற்கு பவுண்டரி எல்லைக்கோடு என்பது கிடையாது. 37 வயதிலும் டோனி, தனது அசாத்திய திறமையால், பேட்ஸ்மேனாக மட்டுமல்லாமல் விக்கெட் கீப்பராகவும் அசத்தி வருகிறார். மகேந்திர சிங் டோனி, கிரிக்கெட் போட்டியை தவிர்த்து ஓய்வு நேரங்களில் அவ்வப்போது வேறு சில போட்டிகளிலும் விளையாடுவார். அவரின் விளையாட்டைப் பார்க்கவே ரசிகர்கள் கூட்டம் அலை மோதும். சில மாதங்களுக்கு முன்பு, ராஞ்சியில் நடந்த உள்ளூர் டென்னிஸ் போட்டியில் விளையாடி கோப்பையையும் வென்றார்.

வைரலான வீடியோ..

டோனி ஓய்வு எப்போது என்று கேட்டவர்களுக்கு, ஆஸ்திரேலியாவுக்கு எதிராக அடுத்தடுத்து அரைசதங்கள் அடித்து அவர் பதிலடி கொடுத்தார். நியூசிலாந்துக்கு எதிரான போட்டியிலும் சிறப்பாக விளையாடிய டோனி, தற்போது இந்தியா வரும் ஆஸ்திரேலிய அணிக்கு எதிரான போட்டியில் விளையாட உள்ளார். இந்நிலையில், மும்பையில் தன்னார்வ தொண்டு நிறுவனம் சார்பில் நடந்தப்பட்ட கால்பந்து போட்டியில் மகேந்திர சிங் டோனி கலந்துகொண்டு விளையாடிய வீடியோ வைரலாகி வருகிறது.