சென்னையில் இன்று முதல்வர் எடப்பாடி பழனிசாமி பிரசாரம் - ஒரே நாளில் 12 இடங்களில் வாக்கு சேகரிக்கிறார்

சென்னை, மார்ச் : முதல்வர் எடப்பாடி பழனிசாமி  சென்னையில் இன்று பிரசாரம் மேற்கொள்கிறார். ஒரே நாளில் 12 இடங்களில் அ.தி.மு.க. கூட்டணி வேட்பாளர்களை ஆதரித்து அவர் பிரசாரம் செய்யவுள்ளார்.

அ.தி.மு.க. இணை ஒருங்கிணைப்பாளரும், முதல்வருமான எடப்பாடிபழனிசாமி இன்று சென்னையில் தேர்தல் பிரசாரம் மேற்கொள்கிறார். இன்று முதல் வரும் 27-ம் தேதி வரையிலான முதல்வர் எடப்பாடி பழனிசாமியின் சுற்றுப் பயண விவரங்களை அ.தி.மு.க. தலைமைக் கழகம் வெளியிட்டுள்ளது. வடசென்னை பாராளுமன்றத் தொகுதி தே.மு.தி.க. வேட்பாளர் அழகாபுரம் மோகன்ராஜை ஆதரித்து முதல்வர் எடப்பாடி பழனிசாமி இன்று மாலை 3 மணிக்கு ராஜா அண்ணாமலைபுரத்தில் இருந்து புறப்பட்டு ராயபுரம் மேம்பாலம் வழியாக தனது பிரசாரத்தை தொடங்குகிறார்.

இதைத் தொடர்ந்து என்.1.காவல் நிலையம் காசிமேடுஅப்பாசாமிகோயில் தெரு, திருவொற்றியூர் வடிவுடையம்மன் கோவில் அருகில் ஆர்.கே. நகர் பாலம் வழியாக எண்ணூர் சாலை மணலி நெடுஞ்சாலை, முல்லை நகர் பேருந்து நிலையம், சத்திய மூர்த்தி நகர் ஆகிய இடங்களில் பிரச்சாரம் மேற்கொள்கிறார். இதையடுத்து மாலை 6-30 மணிக்கு பெரம்பூர் தொகுதி அ.தி.மு.க. வேட்பாளர் ஆர்.எஸ்.ராஜேஷை ஆதரித்து அங்குள்ள முல்லை நகர் பேருந்து நிலையத்திலும் வியாசர்பாடி சத்தியமூர்த்தி நகர், அசோக் பில்லர், முத்திங்கர் தெரு, சர்மாநகர், மூலக்கடை, மாதவரம் நெடுஞ்சாலை, பல்லவன் சாலை, டான்பாஸ்கோ பள்ளி, காமராஜர் சிலை அருகிலும் திரு.வி.க.நகர் ஒட்டேரி பாலம் அருகிலும் பேசின்பாலம் வழியாக ரமணா தெரு சந்திப்பு, வீனஸ் மார்கெட் - காந்தி சாலை - செம்பியம் காவல் நிலையம் வழியாக பெரம்பூர் பாலம் அருகில் பரப்புரை முடிவடையும்.

தென் சென்னை அ.தி.மு.க. வேட்பாளர் டாக்டர் ஜெயவர்தன், சென்னை மத்திய பாராளுமன்றத் தொகுதி வேட்பாளர் முனைவர் சாம்பால் ஆகியோரை ஆதரித்து திருவல்லிக்கேணி பார்த்தசாரதி கோவில் பாரதியார் வீட்டின் பின்புறத்தில் இருந்து நாளை காலை 8 மணிக்கு முதல்வர் எடப்பாடி பழனிசாமி பிரசாரம் மேற்கொள்கிறார். இதைத் தொடர்ந்து சூளை, எழும்பூர், அண்ணாநகர், டி.பி. சத்திரம், சி.எம்.டி.ஏ. காலனி, கோயம்பேடு ரவுண்டான வழியாக வி.ஆர். மஹால் 13-வது மெயின் ரோடு, ரயில்வே கிராசிங் - நாதமுனி தியேட்டர், ஐ.சி.எப். பேருந்து நிலையம் - நியூ ஆவடி ரோடு - காந்திநகர் வெள்ளாள தெரு செல்லியம்மன் கோவில் மற்றும் நாடார் பள்ளி - ஜாயின்ட் ஆபிஸ், குன்னூர் ஹைரோடு - நூர் ஹோட்டல் வழியாக அயனாவரம் டிப்போ ஆகிய இடங்களில் பிரசாரம் மேற்கொள்கிறார்.

சென்னை தெற்கு பாராளுமன்றத் தொகுதி அ.தி.மு.க. வேட்பாளர் டாக்டர் து. ஜெயவர்தன், சென்னை மத்திய பாராளுமன்றத் தொகுதி பா.ம.க. வேட்பாளர் சாம்பால் ஆகியோரை ஆதரித்து நாளை மாலை கோட்டூர்புரம் சாலை பொன்னியம்மன் கோவில் மார்கெட் , ரேஸ் கோர்ஸ் சாலை,. மத்திய கைலாஷ் - குருநானக் கல்லூரி வழியாக காந்தி சாலை, அம்பிகாதெரு - திருவான்மியூர் மேற்கு அவன்யு - அண்ணாதெரு - லட்சுமிபுரம் காந்தி சாலை - சாஸ்திரிநகர் முதல் அவன்யு -ஆர்.கே.மடம் - தெற்கு மாடவீதி வழியாக மாங்கொல்லை, வடக்குமாட வீதி - லஸ்கார்னர் - திருவள்ளுவர் சாலை - எஸ்.ஐ.இ.டி கல்லூரி - அரங்கநாதர் சப் வே, கரும்பாடி அம்மன் கோவில், விருகம்பாக்கம் ஏரிக்கரை, தசரதபுரம் சாலை சந்திப்பு, டி.நகர், கோடம்பாக்கம், கோடம்பாக்கம் ஆகிய இடங்களில் நாளை பிரசாரம் மேற்கொள்கிறார்.

27-ம் தேதி காலை 8-30 மணிக்கு தென் சென்னை தொகுதி அ.தி.மு.க. வேட்பாளர் ஜெயவர்தனை ஆதரித்து சோழிங்கநல்லூரில் நடைபெறும் பிரசாரத்தில் பங்கேற்கிறார். இதைத் தொடர்ந்து காஞ்சிபுரம் பாராளுமன்ற தொகுதி வேட்பாளர் மரகதம் குமரவேல் எம்.பி.யை ஆதரித்து அன்று காலை 9-30 மணி முதல் பகல் 11-15 மணி வரை மாமல்லபுரம் திருக்கழுக்குன்றம், திருப்போரூர் ஆகிய இடங்களில் பிரசாரம் மேற்கொள்கிறார். காஞ்சிபுரம் மாவட்டம் ஸ்ரீபெரும்புதூர் பாராளுமன்ற தொகுதி வேட்பாளர் வைத்திலிங்கத்தை ஆதரித்து தாம்பரம், பல்லாவரம், கிண்டி, ஆலந்தூர் ஆகிய இடங்களிலும் மாலை 3.00 மணிக்கு போரூர் மதுரவாயல் ஆகிய இடங்களிலும், திருவள்ளூர் அ.தி.மு.க. வேட்பாளர் வேணுகோபாலை ஆதரித்து மாலை 4 மணி, இரவு 6.30 மணி வரை, பூந்தமல்லி பஜார், திருமழிசை, வெள்ளவேடு, காக்களூர் சாலை, பூந்தமல்லி ஆகிய இடங்களிலும் இரவு 7.00 மணி ஆவடி பஜார் ஆகிய இடங்களில் பிரசாரம் மேற்கொள்கிறார்.

இதைத் தொடர்ந்து இரவு 7.45 மணிக்கு ஸ்ரீபெரும்புதூர் பாராளுமன்ற தொகுதி வேட்பாளர் வைத்திலிங்கத்தை ஆதரித்து அம்பத்தூர் (ராக்கி தியோட்டர் அருகிலும் திருவள்ளூர் பாராளுமன்ற தொகுதி வேட்பாளர் வேணுகோபால் ஆகியோரை ஆதரித்து இரவு 9 மணிக்கு செங்குன்றம் பஜாரில் நடைபெறும் கூட்டத்தில் முதல்வர் எடப்பாடி பழனிசாமி தேர்தல் பிரசாரத்தில் ஈடுபடுகிறார். இவ்வாறு அ.தி.மு.க. தலைமைக் கழகம் வெளியிட்ட செய்திக்குறிப்பில் தெரிவிக்கப்பட்டுள்ளது.