ராமேசுவரம் கடலோரப்பகுதியில் பலத்த பாதுகாப்பு: ஆயுதம் தாங்கிய கடற்படை வீரர்கள் 24 மணி நேரமும் கப்பலில் தீவிர ரோந்து:

திங்கட்கிழமை, 22 ஏப்ரல் 2019      ராமநாதபுரம்
22 rms news

  ராமேஸ்வரம் -   இலங்கையில் குண்டு வெடிப்பு எதிரொலியாக ராமேசுவரம் தனுஷ்கோடி கடலில் மத்திய, மாநில பாதுகாப்பு படை வீரர்கள் தீவிர கண்காணிப்பில் ஈடுபட்டு வருகின்றனர்.
இலங்கையில் நேற்றுக்கு முன் தினம் எட்டு இடங்களில் நடந்த குண்டு வெடிப்பில் 200 க்கும் மேற்பட்ட பொதுமக்கள் பலியாகினர். இச்சம்பவத்தை தொடர்ந்து நேற்றுக்கு முன் தினம் முதல் இலங்கைக்கு அருகாமையிலுள்ள பாக்ஜலசந்தி கடல் பகுதியான ராமேஸ்வரம் கடல் பகுதியில் பாதுகாப்பை பலப்படுத்தவும்,தீவிரவாதிகள் இந்திய கடலே எல்லையில் நுழைவதை தடுக்கவும் மத்திய அரசு தீவிர நடவடிக்கை எடுத்து வருகிறது.அதன் ஒரு பகுதியாக பாம்பன் கடல் பகுதி முதல் ராமேசுவரம்  அர்ச்சல்முனை,தனுசுகோடி,தங்கச்சிமடம் மற்றும் மண்டபம் கடல் பகுதி வரை மண்டபத்தில் உள்ள இந்திய கடலோர காவல் படை மற்றும் இந்திய கடற்படையினர் ஹோவர் கிராப்ட் கப்பலிலும்,ரோந்து படகிலும்,இந்திய,இலங்கை கடல் எல்லையில் அதி நவீன ரோந்து கப்பலிலும் தீவிர ரோந்து பணியில் ஈடுபட்டு வருகின்றனர்.அதுபோல கரையோரப்பகுதிகளில்  மாநில மரைன் போலீசார் ரோந்து படகில் ஆயுதம் தாங்கி போலீஸார்கள் தீவிர கண்காணிப்பில் ஈடுபட்டு வருகின்றனர்.கடலில் மீன்பிடித்துகொண்டிருக்கும் நாட்டு படகு மீனவர்களை சோதனை செய்து சந்தேகத்தின்பேரில் யாரேனும் ஊடுருவியதாக தெரிந்தால் ராமேசுவரம் போலீஸார்களுக்கு தகவல் தரவேண்டும் என அறிவுறுத்தினர்.அதுபோல தனுஸ்கோடி,பாம்பன் பகுதியில் வந்து செல்லும் வாகனங்களை அப்பகுதியில் போலீஸார்கள் சிறப்பு சோதனை சாவடி அமைத்து சோதனை செய்து வருகின்றனர்.இச்சம்பவத்தை தொடர்ந்து ராமேசுவரம் தீவு முழுவதும் மத்திய,மாநில போலீஸார்கள் பாதுகாப்பு வளையத்திற்குள் கொண்டு வந்துள்ளனர்.மேலும் 24 மணி நேரமும் ஆயுதம் தாங்கிய போலீஸார்கள் மற்றும் இந்திய கடற்படை,கடலோரப்படை வீரர்கள் கடலோரப்பகுதியில் தீவிர கண்காணிப்பில் ஈடுபட்டு வருகின்றனர்.
 

17.12.2019 to 14.01.2020 Markali Monthly Rasipalan | 2019 டிசம்பர் மாத ராசிபலன்

Sathu Maavu | Health mix | BABY FOOD for 7 Months old | குழந்தைகளுக்கு சத்து மாவு

KFC Style Fried Chicken Recipe in Tamil | KFC Style Fried Chicken at Home | English Subtitles

Apple Halwa Recipe in Tamil | ஆப்பிள் அல்வா | Halwa Recipe in Tamil | Sweet Recipe

Star Hotel Tandoori Chicken Recipe in Tamil | தந்தூரி சிக்கன் | Chicken Recipe

இதை ஷேர் செய்திடுங்கள்:

View all comments

வாசகர் கருத்து