முக்கிய செய்திகள்
Idhayam Matrimony

திருஞான சம்பந்தர் குருபூஜை விழா மதுரை ஆதீனத்தில் நாளை துவக்கம்

புதன்கிழமை, 15 மே 2019      மதுரை
Image Unavailable

மதுரை,- திருஞானசம்பந்தரின் குருபூஜை விழா 5 நாட்கள் மதுரை ஆதீனத்தில் நடக்கிறது.
சைவ சமய குரவர் நால்வரின் முதல்வரும், தமிழ் சமுதாயத்தின் தனிப்பெரும் தலைவருமான திருஞானசம்பந்த பெருமானின் குருபூஜை விழா வரும் 17-ம் தேதி விநாயகர் பூஜையுடன் தொடங்குகிறது. 18-ம் தேதி முருகர் பூஜையும், 19-ம் தேதி திருஞானசம்பந்தர் திரு அவதாரம் செய்த திருநாளும் நடக்கிறது. அன்று காலை 11 மணியளவில் திருஞானசம்பந்தர் ஆதீனத்தில் எழுந்தருளி திருக்கண் சாத்துதல் நடைபெறுகிறது.
20-ம் தேதி காலை மீனாட்சி அம்மன் கோவிலில் இருந்து திருஞானசம்பந்தர் மதுரை ஆதீனத்தில் எழுந்தருளி திருக்கண் சாத்திய பிறகு ஆதீன மடத்தில் திருஞானசம்பந்த பெருமாள் ஞானப்பால் அருந்தும் சிறப்பு நிகழ்ச்சி நடக்கிறது. மறுநாள் 21-ம் தேதி அதிகாலை 4 மணிக்கு மீனாட்சி அம்மன் கோவில் அதிகாரிகள், சிவாச்சாரியார்கள், யானை, ஒட்டகம், மேளதாள பரிவாரங்களுடன் மதுரை ஆதீனத்தை கோவிலுக்கு அழைத்து செல்கிறார்கள். அங்கு அனைத்து சன்னதிகளிலும் மதுரை ஆதீனம் வழிபாடு செய்கிறார். பின்னர் திருக்கல்யாண மண்டபத்தில் திருஞானசம்பந்தருக்கு அலங்காரங்கள் செய்வித்து தீபாராதனை நடைபெறும்.
பின்னர் ஆவணி மூல வீதிகளில் வலம் வந்து மதுரை ஆதீன கொலு மண்டபத்தில் திருஞானசம்பந்தர் எழுந்தருள்கிறார். அங்கு திருமறை, வேத பாராயணங்களுடன் சிறப்பு பூஜை நடக்கிறது. அதன் பின்னர் மீனாட்சி அம்மன் கோவிலில் இருந்து 62 நாயன்மார்கள் அடங்கிய சப்பரங்கள் மதுரை ஆதீனத்தில் எழுந்தருளி சிறப்பு பூஜைகள் நடைபெறுகிறது. அதன் பின்னர் திருஞான சம்பந்தர் பெருமானையும் 62 நாயன்மார்களையும் மீனாட்சி அம்மன் கோவிலுக்கு வழி அனுப்பி வைத்து விட்டு ஆதீன மடத்தில் வைகாசி மூல குருபூஜை நடக்கிறது.
இந்த சிறப்பு பூஜையில் திருஞான சம்பந்தர், தனது துணைவியார் தோத்திர பூரணாம்பிகையோடு சிவ ஜோதியில் ஐக்கியமாகிறார். அதன் பின் மதுரை ஆதீனம் பக்தர்களுக்கு ஆசீர்வாதம் வழங்கி மாகேஸ்வர பூஜையில் கலந்து கொள்ள ஆணை பிறப்பிக்கிறார். இரவு 7 மணிக்கு மீண்டும் மதுரை ஆதீனம் மீனாட்சி சுந்தரேஸ்வரர் திருக்கல்யாண மண்டபத்தில் இருந்து மின் அலங்காரம் செய்யப்பட்ட வெள்ளி கோ ரதத்தை ஆவணி மூல வீதி வழியாக எழுந்தருள செய்கிறார். மதுரை ஆதீன மடத்தை அடைந்ததும் அங்கு சிறப்பு பூஜைகள் நடக்கிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து